Yeremiya 5:17 - Mandinka Bible

¹⁷ Ì be i baluu la ali la siimaŋ katiriŋolu niŋ ali la domoroo le la, ì ye i baluu ali dinkewolu niŋ ali dimmusoolu la. Ì be i baluu la ali la saajiyolu, baalu, aniŋ ninsoolu le la, ì ye i baluu ali la wayini* yiroolu niŋ ali la sooto suŋolu la. Ali be jikiriŋ ali la saatee tatariŋolu mennu la, ì be ì kasaara la niŋ hawusaroo le la.”

Yeremiya 5:17 Mawu Ofanana

Yesaya 62:8

Yaawe kalita niŋ a la sembe baa la le ko, a nene te ali la siimaŋo dii la ali jawoolu la kotenke, ka ke ì ye daañinoo ti. Tumarankewolu te wayinoo* miŋ na kotenke, ali ye ali semboo bo ka meŋ dookuu.

Yesaya 62:9

Moolu mennu ye siimaŋo kati, wolu be a domo la le, ì ye Yaawe jayi. Mennu ye wayini yiridiŋolu kafu ñoo ma, wolu le be a jiyo miŋ na, Yaawe la Dulaa Senuŋo luwo to.

Yesaya 65:22

Ì te buŋo loo la kotenke, doolu ye tara sabatiriŋ jee, waraŋ ka tuturoo ke, doolu ye a domo. Kaatu yirisuŋo siyo ka jamfa ñaameŋ, n na moolu siyo be jamfa la wo le ñaama. N na tomboŋ moolu be diyaa soto la ì faŋo la dookuwo to le, fo a ye mee.

Yeremiya 1:15

Kaatu saayiŋ, m be banku koteŋolu bee le kumandi la naŋ, ka bo maraa karoo la.” Yaawe le ye a fo. “Ì la mansoolu be ì la mansasiiraŋolu londi la Yerusalaamu saatewo dundaŋ daalu* le to. Ì be tata sansaŋolu boyinkaŋ na le, ka taa saatee koteŋolu mennu bee be Yahuuda kono.

Yeremiya 25:37

Kene yiriwaariŋolu be kenseŋyaa la le, Yaawe la kamfaa saŋaroo kamma la.

Yeremiya 4:26

Ŋa juubeeroo ke le, ŋa a je banku yiriwaariŋo keta keñewuloo* ti, a saatewolu bee burukata ka ke tumbuŋolu ti, Yaawe la kamfaa baa ì kamma.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Yeremiya 5:18

Yaawe ko, “Bari hani wo luŋolu la, n te ì muumewo kasaara la.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Yeremiya 50:7

Moo-wo-moo ye ì je, a ka i baluu ì la le, ì jawoolu ka a fo le ko, ‘Ntolu maŋ kasi ke, kaatu ì ye junuboo le ke Yaawe la, ì taradulaa tooñaa be meŋ fee, Yaawe, ì la alifaa foloolu jikoo.’

Yeremiya 8:13

Yaawe ko: “M be ì la fiifeŋolu taa la ì bulu le, sooto diŋ te soto la, sootoolu santo, sako wayini* yiridiŋ si soto wayini yiroolu santo, ì jamboolu bee ye jaa. Ŋa meŋ dii ì la, a be buusi la ì la le.”

Yeremiya 8:16

Ŋà jawoolu la suwoolu nuŋ feekaŋo moyi naŋ Dani le, ì la suukewolu kumakaŋo le ka bankoo bee jarajarandi teŋ. Ì ka naa bankoo niŋ a konofeŋo bee le kunuŋ, Yerusalaamu saatewo, aniŋ mennu bee be a kono.”

Niikuyaa Suukuwolu 2:12

Maasiiboo keta! Dindiŋolu ka a fo ì baañolu ye ko, “M̀ be muŋ ne domo la, aniŋ m̀ be muŋ ne miŋ na?” Ì ka lamfu ko kelediŋ baramariŋolu saatewo mbeedoolu kaŋ taariŋ, ì niyo be domaŋ-domaŋ bo kaŋ, ì baañolu karoo koto.

Niikuyaa Suukuwolu 2:2

Balafaabaliyaa niŋ kasaaroo, Maariyo ye wo le laa Yaakuba siidulaalu bee kaŋ. A ye Dimmusuriŋ* Yahuuda boyinkaŋ, a ye a saatee tatariŋolu bee le teyi, a la kamfaa baa kaŋ. A ye a la mansayaa boyindi duuma, aniŋ a maralilaalu, ì niŋ maloo tuta.

Esekiyeli 36:4

Wo to, Banisirayila konkoolu, ali i lamoyi nte Yaawe la kumoo la. Ŋa ñiŋ ne fo ko: Alitolu konko baalu niŋ konkoriŋolu, woyoolu niŋ wulumbaŋolu, dulaalu mennu kenseŋyaata aniŋ saatee tumbundiŋolu, ali naata ke ñapinkaŋ feŋolu le ti, aniŋ ñaawaliraŋo, wo bankoolu ye, mennu bee be ali dandaŋo la jee.

Hoseya 2:12

M be a la wayini yiroolu tiñaa la le, aniŋ a la sooto suŋolu, a ka a fo mennu la ko, ‘Ñinnu mu n na joo le ti, n kanuntewolu ye meŋ dii n na.’ M be a ke la le, a la yiri kankaŋolu ye yelema sutoo ti, wulakono daafeŋolu ye ì daañini ì la.

Hoseya 8:14

“Banisirayila ñinata a Daamansoo la le, a ye buŋ ñiimaalu loo. Yahuuda ye saatee jamaa tata, bari m be dimbaa le jindi la naŋ ì kaŋ, ka ì la tatoolu jani.”

Yoweli 2:3

Kelediŋolu ñaatiliŋo la, dimbaa le ka feŋo bee domo, niŋ ì ye ì koo dii, dimbaa neŋo ye janiroo ke. Janniŋ ì ka naa, bankoo be le ko Edeni naakoo, biriŋ ì ye ì koo dii, a keta keñewuloo* ti, feŋ buka kana ì ma.

3 Musa 26:16

m be ñiŋ kuwolu le ke la ali la: M be kasaaroo le jindi la ali kaŋ loodulaa kiliŋ, ka taa jankaroo, aniŋ kajewo meŋ ka ñaa dibindi, meŋ be ali suusuu la fo ali la baluwo ye baŋ. Ali si ali la fiifeŋolu fii kensenke, nafaa te tara la ali ye jee, kaatu ali jawoolu le be naa a domo la.

Sefaniya 3:6

Yaawe kumata ko: “Ŋa bankoolu kasaara, ì la tatoolu tumbunta, ŋa ì la siloolu kenseŋyandi, moo buka taama ì kaŋ. Ì la saatewolu kasaarata, moo te tara la ì kono, hani moo kiliŋ.

Malaki 1:4

Esawu koomalankoolu si a fo noo le ko, “Ì ye ǹ na bankoo Edomu kasaara ñaa-wo-ñaa, m̀ be ǹ na tumbuŋolu lookuu la le.” Bari Yaawe Alihawaa Maariyo* ye ñiŋ ne fo ko, “Hani niŋ ì ye a lookuu, n si a boyi. Ì be kumandi la Banku Jawoo le la, Yaawe be tara la jusuboriŋ bankoo meŋ moolu kamma fo fawu.

5 Musa 28:33

Ali la senefeŋolu aniŋ ali la dookuu koteŋo tinewo, banku koteŋo moolu le be ì domo la, ali maŋ mennu loŋ. Aduŋ niitooroo niŋ tilimbaliyaa le be tara la ali kaŋ, daŋ te ke la meŋ na.