Yeremiya 5:13 - Mandinka Bible

¹³ Annabiyomoolu la kumoo mu foño kenseŋ ne ti, n na kuma te ì daa. Wo to ì fokumoo be ke la ì faŋolu le la.”

Yeremiya 5:13 Mawu Ofanana

2 Taarika 36:16

Bari ì tarata Alla la annabiyomoolu ñaawali la, ka i baŋ a la kumakaŋolu la. Ì ka a la annabiyomoolu jele fo a la kamfaa warata ì kamma, fo labaŋo ì maŋ kanadaa soto noo.

Yuuba 6:26

Alitolu ye a miira, ali si nte tilindi noo niŋ ali neŋolu la baŋ? Ali ye nte, moo bataariŋo, la kumoo ke ko foño kenseŋo.

Yuuba 8:2

I be i dahaa la ñiŋ kuwolu fo la waati jumaa le la? I daakumoolu keta foño baa kenseŋo ti.

Kuma Kotoomaalu 25:14

Komeŋ tawaloo niŋ foñoo mennu maŋ samaa naati, wo mu moo le ti, meŋ ka kibiri soorifeŋo la, a nene te meŋ dii la.

Yesaya 41:29

A juubee, tooñaa te ì bulu. Ì la baaroolu maŋ feŋ nafaa. Ì maŋ ke feŋ ti, fo foño kenseŋo.”

Yeremiya 14:13

Bari nte ye ñiŋ ne fo ko, “Hee Yaawe Alla, annabiyomoolu le ka ñiŋ kiilaariyaa kumoolu fo ì ye ko, ì ñaa te hani hawusari kele je la, waraŋ ka konko, kaatu Yaawe be a je la le ko, ì ye tu kayiroo kono jaŋ.”

Yeremiya 14:15

“Wo kamma la nte Yaawe ye ñiŋ ne fo annabiyomoolu ma, mennu ka kiilaariyaa kumoolu fo n tooyaa la: Nte maŋ ì kii, hani wo, ì ka a fo ko hawusari kele te naa ñiŋ bankoo kaŋ. Ì ka a fo ko, konkoo te boyi la ñiŋ bankoo kaŋ. Wo to konkoo niŋ hawusaroo le be wo annabiyomoolu faŋolu faa la.

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Yeremiya 22:22

Foñoo le be i kantalaalu koora la, i niŋ mennu laata ñoo kaŋ, ì ye taa mutoo kono. Wo to le i be malu la, i keñaa ye bo i kono, i la kuu kuruŋolu bee kamma la.

Yeremiya 28:3

Janniŋ sanji fula ka tambi, a be Yaawe Batudulaa Buŋo jooraŋolu bee murundi la naŋ ne, Babiloni mansakewo Nebukanesa ye mennu taa jaŋ, a ye ì samba Babiloni.

Yeremiya 43:2

Asariya, Hosaya dinkewo, Yohanani, Kareya dinkewo, aniŋ faŋ wara moolu bee ko n ye ko, “I ye faniyaa le fo! Yaawe, ǹ na Alla maŋ i kii ǹ kaŋ ka a fo ǹ ye, ǹ kana taa Misira ka sabati jee.

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”