Yeremiya 49:8 - Mandinka Bible

⁸ Alitolu Dedaninkoolu, ali bori de, ali ye muru ali koo la, ka maabo berehuwolu kono, kaatu n ka naa maasiiboo le boyi Esawu koomoo kaŋ, tuma meŋ m be ì jarabi la.

Yeremiya 49:8 Mawu Ofanana

Yesaya 2:21

Ì be bori la le ka i maabo berehuwolu kono, aniŋ konko faroolu teema, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Yesaya 21:13

Kiilaariyaa kumoo fele Araabuduu la kuwo to. Alitolu Dedaninkoolu, ali la juloolu la taama kafoo be jiyaa la yiri ñunkoo le kono, Araabuduu.

Yesaya 34:5

N na kiitindiri hawusaroo* ñeeliriŋo le be saŋo santo. A fele, saayiŋ a ka naa jii Edomunkoolu le kaŋ, ŋa mennu kiitindi ka ì faa.

Yeremiya 25:23

Dedani, Tema, aniŋ Busi bankoolu fanaa, ka taa wo moolu mennu bee ka ì kuntiñoo dandaŋolu mesu,

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Yeremiya 48:28

Alitolu Mowabinkoolu, ali bo saatewolu to, ka taa sabati konko beroolu kono, ali ke ko puraalu, ka ñaŋolu ke konko faroolu daakuloo la.

Yeremiya 48:44

“Moo-wo-moo be bori kaŋ wo kijafaroo la, a si taa bula kaburu dinkoo kono, niŋ meŋ fintita naŋ wo dinkoo kono, kutindiŋo si a muta. M be ñiŋ kuwolu bee le laa la Mowabi kaŋ, niŋ ì jarabi saŋo siita.” Yaawe le ye a fo.

Yeremiya 48:6

Ì ko, ‘Ali bori, ka ali niyolu kanandi, ali ye biti ko keñewulakono fitoo.’

Yeremiya 49:30

“Alitolu Hasori moolu, ali bori dulaa jaŋ, ka taa maabo koloolu kono! Kaatu Babiloni mansakewo Nebukanesa ye feeroo le siti ali kamma, a ye kuu le siti ali kamma.” Yaawe le ye a fo.

Yeremiya 49:32

“Ì la ñonkomoolu si ke ñapinkaŋ feŋo ti, ì la beeyaŋolu ye ke buusi feŋo ti. M be ì janjandi la foñoo kono le taariŋ, wo moolu mennu ka ì kuŋ dandaŋolu mesu. M be maasiiboo naati la ì kaŋ ne, ka bo ì ye karoo bee la.” Yaawe le ye a fo.

Yeremiya 50:27

Ali a kee kanaŋ tuuraalu bee faa, ka ì samba ka ì kanateyi. Kooroo boyita ì kaŋ, kaatu ì la luŋo siita le, waatoo meŋ m be ì kuluu la.

Yeremiya 6:1

Yaawe* le ye ñiŋ fo ko: “Alitolu Benjamini lasiloo moolu, ali bori ka tanka, ali ye finti Yerusalaamu kono. Ali kelebinoo fee Tekowa saatewo to, ali ye taamanseeroo wulindi santo Beti-Hakeremu, kaatu maasiiboo le ka kurukuru naŋ maraa kara maafaŋo la, aniŋ kasaara baa.

Esekiyeli 25:13

Wo kamma la, Yaawe m̀ Maariyo ye ñiŋ ne fo ko: “M buloo be laa la Edomu bankoo kaŋ ne ka a moolu niŋ a daafeŋolu bee buruka ka a kenseŋyandi. Ka bo Temani hani ka taa fo Dedani, ì be faa la keloo le to.

Malaki 1:3

Ŋa Esawu koŋ ne, ŋa a la konkotundoo* kenseŋyandi, ka a la keetaafeŋo ke kunkuwuloolu sabatidulaa ti.”

Malaki 1:4

Esawu koomalankoolu si a fo noo le ko, “Ì ye ǹ na bankoo Edomu kasaara ñaa-wo-ñaa, m̀ be ǹ na tumbuŋolu lookuu la le.” Bari Yaawe Alihawaa Maariyo* ye ñiŋ ne fo ko, “Hani niŋ ì ye a lookuu, n si a boyi. Ì be kumandi la Banku Jawoo le la, Yaawe be tara la jusuboriŋ bankoo meŋ moolu kamma fo fawu.

Lankenemoo 6:15

Wo to le duniyaa mansoolu, kantiyolu niŋ kelejawaroolu, fankamaalu niŋ sembetiyolu, ì bee borita ka maabo berehuwolu kono, aniŋ konko bere baalu kono taariŋ. Moolu bee borita, fo joŋolu le mu, waraŋ foroolu.

Kiitindirilaalu 6:2

Midiyaninkoolu semboo naata wara-wara laalaa Banisirayilankoolu ti. Midiyaninkoolu la kuwo kamma la, Banisirayilankoolu ye dulaalu ñiniŋ berehuwolu kono, ka jee ke ì la maabodulaa ti, aniŋ dulaa koteŋolu konkoolu kono, moo te futa noo la ì ma daameŋ.

1 Samuweli 13:6

Kabiriŋ Banisirayilankoolu ye a je ko, ì be bataa le kono, kaatu Filisitinkoolu ye ì dewundi baake le, ì ye i maabo berehuwolu kono, dinkoolu kono, bere konkoo kono, ŋaniŋolu teema, aniŋ koloŋolu kono.