Yeremiya 49:3 - Mandinka Bible

³ “Ite Hesiboni saatewo, wuuri, kaatu Ayi keta tumbuŋo le ti! Alitolu Raba musoolu, ali kumboo! Ali booto funtoolu duŋ ka ali la niikuyaa yitandi, ali ye saŋakumboo ke ka boriŋ-boriŋ, ka i maabo fitoolu koto, kaatu ali la jalaŋo Moleki be taa mutoo kono le, a niŋ a la piriisoolu* niŋ a batubaalu.

Yeremiya 49:3 Mawu Ofanana

2 Samuweli 11:1

Tilikandoo kono, waatoo meŋ na mansoolu ka taa keloo la, Dawuda ye Yowabu niŋ a la kelediŋ kafoo la ñaatonkoolu kii, aniŋ Banisirayilankoolu la kelediŋolu. Ì ye Ammoninkoolu kasaara, aduŋ ì ye ì la saatee baa Raba fanaa murubeŋ. Bari Dawuda faŋo tuta Yerusalaamu le.

1 Mansoolu 11:33

M be ñiŋ ke la le kaatu Sulemani ye a koo dii n na le, aduŋ a ye Sidoninkoolu la jalammusoo Asitoreti batu, Kemosi Mowabinkoolu la jalaŋo, aniŋ Moleki Ammoninkoolu la jalaŋo. A maŋ taama n na siloolu la, sako ka kuu tilindiŋo ke n ñaalu koto, waraŋ ka n na yaamaroolu niŋ n na luwaalu muta, komeŋ a faamaa Dawuda ye a ke ñaameŋ.

1 Mansoolu 11:5

A bulata Asitoreti* le nooma, Sidoninkoolu la jalammusoo, aniŋ Moleki, Ammoninkoolu la jalaŋ haraamuriŋo.

2 Mansoolu 23:13

A ye batudulaa tintiŋolu tiñaa le, Mansa Sulemani ye mennu loo Yerusalaamu ye tilibo karoo la, Junube Konkoo ye bulubaa karoo la, ka jalaŋ ñewundiŋolu batu jee. Wo jalaŋolu le mu Asitoreti* ti, Sidoninkoolu la jalaŋo, Kemosi, Mowabinkoolu la jalaŋ ñewundiŋo, aniŋ Moleki, Ammoninkoolu la jalaŋ jawu baa.

Esira 2:28

Betelinkoolu niŋ Ayinkoolu, moo keme fula, aniŋ muwaŋ niŋ saba.

Yesaya 13:6

Ali wuuri, kaatu Yaawe la luŋo sutiyaata naŋ ne, a luŋo niŋ kasaaroo le be naa kaŋ ka bo ate Alla Tallaa bulu.

Yesaya 14:31

Saatee dundaŋ daalu, ali wuuri santo! Saatewo ye lemba! Alitolu Filisitinkoolu, ali bee kijoo ye ali fara! Kankaŋ baa le ka bo naŋ maraa karoo la, aduŋ kelediŋ te wo kafu baa kono meŋ be tu la kooma.

Yesaya 15:2

Diboninkoolu taata ì la batudulaa to le, ì la batudulaa tintiŋolu* to ka woosii, Mowabinkoolu lembata Nebo niŋ Medeba la kuwo la. Ì ye ì kuŋolu bee nunku le, ì ye ì booraalu bee lii niikuyaa kamma.

Yesaya 16:7

Wo to, Mowabinkoolu si lemba, moolu bee si lemba, ì la kuwo balafaa kaŋ. Ali sunu baake, ali ye sunu kendeke, Kiri-Hareseti saatewo la tiñaa kamma la, kaatu a la domori diimaa te soto la kotenke.

Yesaya 23:1

Kiilaariyaa kumoo fele Tire la kuwo to. Hee Tarisi kulunkononkoolu, ali lemba, kaatu Tire kasaarata le. Hani buŋ ne maŋ tu jee sako tendaa. Ì ye a kibaaroo soto Kitimu le.

Yesaya 23:6

Alitolu baadaa borindoo siilaalu, ali woosiitoo ye teyi ka taa Tarisi.

Yeremiya 4:8

Wo kamma la ali booto funtoolu duŋ niikuyaa kamma, ali ye kumboo ka wuuri, kaatu Yaawe la kamfaa baa maŋ bo ǹ kaŋ.

Yeremiya 46:25

Yaawe Alihawaa Maariyo, Banisirayila la Alla ye ñiŋ ne fo ko: “A juubee, m be Misirankoolu la jalaŋo Amoni kuluu la le, meŋ be Tebesi saatewo to, aniŋ ñinnu bee: Misira bankoo niŋ a jalaŋolu bee, aniŋ a maralilaalu, ka taa Firawoona, aniŋ mennu bee be jikiriŋ a la.

Yeremiya 48:2

Daraja te Mowabi ye kotenke, ì ye kuu jawoo le feere a kamma Hesiboni ko: ‘Ali ŋà a la bankuyaa daŋ.’ Alitolu Madumeni saatee moolu fanaa be taa deyoo kono le yem. Hawusaroo* be naa ali kamma le.

Yeremiya 48:20

Ì be ali jaabi la le ko, ‘Mowabi bulata malu kuwo le kono, kaatu jee teyita le.’ Ali kumboo ka wuuri! Ali a kankulaa Arinoni Wulumbaŋo dandaŋo la taariŋ ko, ‘Ì ye Mowabi kenseŋyandi le!’

Yeremiya 48:37

Ì bee ye ì kuŋo nunku le, ì ye ì booraa lii, ì ye ì buloolu bala bee nama, ì ye booto funtoolu duŋ ka ì la niikuyaa yitandi.

Yeremiya 48:7

Bayiri ali jikita ali la katoolu niŋ ali la naafuloolu le la, wo to ì be ali fanaa muta la le ka ali samba. Ì be ali la jalaŋo Kemosi samba la mutoo kono le, ka taa a la piriisoolu* niŋ a batubaalu.

Yeremiya 49:1

Ñiŋ kiilaariyaa kumoo le fota Ammoninkoolu ma: Yaawe* ye ñiŋ ne fo ko: “Fo diŋ te Banisirayila baŋ? Fo keetaalaa te a la baŋ? Wo to muŋ ne ye a tinna Moleki jalaŋo ye Kadu tundoo taa, a la moolu siita a saatewolu to?

Yeremiya 51:8

Waati kiliŋ, Babiloni boyita ka teyiŋ-teyiŋ. Ali kumboo a ye! Ali booroo naati a la baramoo ye, tumandoo a be kendeyaa la le.”

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Amosi 1:15

Ì la mansakewo si tara mutoo kono, aniŋ a la maralilaalu.” Yaawe le ye a fo.

Sefaniya 1:5

M be moolu fanaa kasaara la le, mennu ka sujudi saŋo santo malafeŋolu ye, ì la buŋolu kaŋ santo, moolu fanaa mennu ka sujudi n ye, ì ka kali n na, ì ka naa muru ì ka kali Moleki jalaŋo fanaa la.

Yankuba 5:1

Alitolu fankamaalu, ali i lamoyi! Ali ye woosii niŋ kumboo baa la maasiiboolu kamma la, mennu ka naa laa ali kaŋ.

Yosuwa 7:2

Yosuwa naata kee doolu kii ka bo Yeriko ka taa Ayi saatewo to, meŋ be Beti-Aweni daala, Beteli tilibo kara maafaŋo la. A ko ì ye ko, “Ali wuli, ali ye taa ñiŋ tundoo la kuwo kulloo ñini.” Bituŋ ñiŋ kewolu taata teŋ ne ka Ayi la kuwolu kulloo ñini.

Yosuwa 8:1

Bituŋ Yaawe* ko Yosuwa ye ko, “Kana sila, aduŋ i kana jikilateyi. I niŋ kelediŋolu bee ye taa, ali ye taa ka Ayi boyinkaŋ. Nte le ye Ayi mansa duŋ i buloo kono, a la moolu, a la saatewo, aniŋ a la bankoo.

Yosuwa 8:28

Yosuwa ye Ayi saatewo bee jani, a ye a ke tumbuŋo ti fo fawu. A maŋ ke noo saatee ti kotenke fo ka naa bula bii tiloo la.