Yeremiya 49:2 - Mandinka Bible

² Wo kamma la, luŋolu be naa le, nte Yaawe le ye a fo, tuma meŋ m be kele wuuroo maamandi la Raba kamma, Ammoninkoolu la saatee baa. A be ke la tumbuŋ tuŋo le ti, ì ye dimbaa duŋ a saateeriŋolu la. Wo to le Banisirayila be moolu la banku kenoolu taa la, mennu ye a la bankoo taa.” Yaawe le ye a fo.

Yeremiya 49:2 Mawu Ofanana

2 Samuweli 11:1

Tilikandoo kono, waatoo meŋ na mansoolu ka taa keloo la, Dawuda ye Yowabu niŋ a la kelediŋ kafoo la ñaatonkoolu kii, aniŋ Banisirayilankoolu la kelediŋolu. Ì ye Ammoninkoolu kasaara, aduŋ ì ye ì la saatee baa Raba fanaa murubeŋ. Bari Dawuda faŋo tuta Yerusalaamu le.

Jabuuroolu 48:11

Siyoni moolu ye seewoo, Yahuuda saatewolu moolu ye seewoo, kaatu i la kiitiiteyoolu tilinta le.

Jabuuroolu 97:8

Siyoni* moolu ye ite Yaawe la kiitindiroolu moyi le, ì kontaanita, Yahuuda saatewolu fanaa seewoota.

Yesaya 11:14

Ì be Filisitinkoolu boyinkaŋ na ñoo la tilijii karoo la le, ì ye tilibolankoolu fanaa ñapinkaŋ. Ì si ì buloo laa Edomu niŋ Mowabi kaŋ, Ammoninkoolu ye soŋ ì ma.

Yesaya 17:1

Kiilaariyaa kumoo fele Damasiku la kuwo to. Yaawe* ko, “Ali a juubee, Damasiku te kumandi la saatewo la kotenke, kaatu a be naa ke la tumbuŋ tuŋo le ti.

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.

Yeremiya 49:1

Ñiŋ kiilaariyaa kumoo le fota Ammoninkoolu ma: Yaawe* ye ñiŋ ne fo ko: “Fo diŋ te Banisirayila baŋ? Fo keetaalaa te a la baŋ? Wo to muŋ ne ye a tinna Moleki jalaŋo ye Kadu tundoo taa, a la moolu siita a saatewolu to?

Esekiyeli 21:20

Taamanseeroo ke siloo to meŋ ka taa Raba Ammoninkoolu la saatee baa to, aniŋ siloo to meŋ ka taa Yerusalaamu, Yahuuda moolu la saatee tatariŋo.

Esekiyeli 21:25

“Aduŋ ite Banisirayila mansakewo, i la kuruŋyaa landatambita le. I maŋ jari ka loo n ñaatiliŋo la. Waatoo siita le ka mantooroo laa i kaŋ, i la junuboo la siyaa kamma la.”

Amosi 1:14

M be dimbaa le duŋ na Raba saatewo tata sansaŋo la, aniŋ a buŋ ñiimaa baalu. Wo luŋo la, keloo niŋ wuuroo si duu Raba. Keloo ñiŋ si duu ì kaŋ rip, ko niŋ turubaadoo wulita.

Obadiya 1:19

“Yahuuda moolu mennu be Nekefu* tundoo kaŋ, wolu le be Edomu konkoolu taa la, aniŋ mennu be Sefela* konkotundoo kaŋ, wolu le be Filisitinkoolu la bankoo taa la. Doolu be Efurayimu* tundoo taa la, Samariya saatewo daa bulariŋo jee. Benjamini lasiloo, wolu le be Kileyadi tundoo taa la.

4 Musa 10:9

Niŋ jawoolu naata boyi ali kaŋ ali la bankoo kaŋ, ali be wuli la ì kamma ka ì kele, ali si ñoo kibaari niŋ footaŋ fee sutuŋolu la. Bituŋ nte Yaawe ali la Alla, be n hakiloo tu la ali to le, ka ali tanka ali jawoolu ma.

4 Musa 21:25

Banisirayilankoolu ye Amorinkoolu la saatewolu bee le muta ì ye ì taa, Hesiboni daa bulariŋo jee, a niŋ a dandanna saateeriŋolu.

5 Musa 13:16

Ali si jee saatee moolu la sotofeŋolu bee kafu ñoo ma, ali ye ì jurumi bantabaa to. Ali si ñiŋ feŋolu niŋ saatewo bee jani ka a ke jani sadaa* ti Yaawe ye, ali la Alla. Ali jee ke tumbuŋo ti fo fawu, a maŋ ñaŋ na lookuu la.

5 Musa 3:11

Mansa Oki le keta moo labaŋo ti ka faa Rafa koomalankoolu kono. Ì ye a landi daameŋ, a la jamfoo kaañanta nonkonkatiñaa kononto le fee, a fanoo kaañanta nonkonkatiñaa naani fee. Hani bii, a la kaburoo be Ammoninkoolu la saatee baa to le, Raba.

Yosuwa 17:11

Isakari niŋ Aseri la tundoolu kono, saatewo doolu fanaa naata tara Manase la maroo to jee le, saatee baalu, ì niŋ ì dandanna saateeriŋolu. Ñiŋ saatewolu le mu Beti-Sani ti, Ibuleyamu, Endori, Taanaki, Mekido aniŋ Dori. Ì ka Dori kumandi Nafoti la le fanaa.

Yosuwa 17:16

Bari Yusufa lasiloo moolu ko a ye le ko, “Konkotundoo dammaa maŋ kaañaŋ ntolu fee. Aduŋ kene fanuŋo to, Kanaaninkoolu le be sabatiriŋ jee, ì niŋ ì la keleraŋ neesareetoolu*. Mennu be Beti-Sani maafaŋo la, a niŋ a dandanna saateeriŋolu, aniŋ mennu be sabatiriŋ Yesireeli Wulumbaŋo kono, fanaa bee be wo le ñaama.”