Yeremiya 48:40 - Mandinka Bible

⁴⁰ Yaawe ye ñiŋ ne fo ko: “A juubee, jawoolu tariyaariŋo be tii la naŋ ne ko seeliŋo, ì ye ì dampaŋolu waree Mowabi kamma.

Yeremiya 48:40 Mawu Ofanana

Kuma Kotoomaalu 30:19

Seeliŋo ka maañaa meŋ ke, niŋ a be yaayoo kaŋ santo, saa ka kuruntu beroo kaŋ ñaameŋ, kuluŋo ka bori noo fankaasoo kono ñaameŋ, aniŋ kambaanoo niŋ sunkutoo ka ñoo kanu ñaameŋ.

Yesaya 11:14

Ì be Filisitinkoolu boyinkaŋ na ñoo la tilijii karoo la le, ì ye tilibolankoolu fanaa ñapinkaŋ. Ì si ì buloo laa Edomu niŋ Mowabi kaŋ, Ammoninkoolu ye soŋ ì ma.

Yesaya 8:8

A waamemaa le be naa Yahuuda, a ye tara woyiriŋ karoo bee la. A be futa la le fo moolu kaŋo to.” Bari Alla be ntolu fee le, a dampaŋolu mennu be werendenderiŋ, be bankoo fanoo bee faa la le.

Yeremiya 4:13

A juubee, jawoolu be naa kaŋ ne komeŋ saŋ tawaloolu, ì la keleraŋ sareetoolu* ka munta ko saafoñotoo, ì la suwoolu tariyaata ka tambi seeliŋolu la. Kooroo boyita ǹ kaŋ ne, ǹ kenseŋo tuta.

Yeremiya 49:22

A juubee, jawoo le tariyaariŋo be tii la naŋ ko sontiŋo, a ye a dampaŋolu waree Bosira kamma. Wo luŋo la, Edomu kelediŋ fatiŋolu kijoo be ì fara la le, ko tiŋ ye musu maa.”

Niikuyaa Suukuwolu 4:19

Seeliŋo tiitoo, m̀ bayindilaalu le tariyaata wo faŋo ti. Ì ye m̀ bayindi konkoolu kaŋ, ì bitita ǹ kamma keñewuloo kono.

Esekiyeli 17:3

a fo ì ye, nte Yaawe ì Maariyo ye ñiŋ ne fo ko: Sontiŋ baa doo le sotota nuŋ. A dampaŋolu warata, a ye semboo soto. A tiyolu siyaata, ì jaŋayaata, aduŋ kuloori siifaa jamaa le be a bala. A naata Libanooni. A tiita fo sedari* yiroo turoo to,

Daniyeli 7:4

Daafeŋ foloo ka munta le ko jatoo, aduŋ seeliŋ dampaŋolu le be a la. Kabiriŋ m be juubeeroo la, feŋ ne ye a dampaŋolu wutu, aduŋ ì ye a sikandi ka bo bankoo to, ì ye a londi a siŋ fuloo la, komeŋ hadamadiŋo. Ì ye hadamadiŋ hakiloo ke a la.

Hoseya 8:1

Yaawe* ko, “Binoo ye fee! Jawoolu ka jii n na bankoo kaŋ ko seeliŋo, kaatu n na moolu ye n niŋ ì la kambeŋo tiñaa le, ì balanta n na yaamaroolu la.

Habakuki 1:8

Ì la suwoolu le tariyaata ka tambi soloo la, aduŋ itolu le ñamoo fatiyaata ka tambi suluu konkoriŋo la. Ì la suu borindilaalu si bo naŋ dulaa jaŋ, ì la suwoolu sinkaŋo be kuma la bankoo kaŋ. Ì tariyaatoo si ì jawoolu waliŋ keloo la ko niŋ seeliŋo be jii la suboo kaŋ duuma.

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.