Yeremiya 48:32 - Mandinka Bible

³² Ite Sibuma meŋ be ko wayini* yiroo, n kumboota ite le ye ka tambi Yaseri la. I ye i yiribuloolu fayi le ka taa baakoo, ì futata fo Yaseri baa to. Bari i la wayini yiridiŋolu aniŋ i la katiroo bee, tiñaarilaa le naata boyi wolu kaŋ.

Yeremiya 48:32 Mawu Ofanana

Yeremiya 40:10

Ate Kedaliya be tenteŋ na le ka sabati Misipa, a ye tara looriŋ ì ye ì niŋ Babiloninkoolu teema, mennu be kali naa la ì kaŋ waati-niŋ-waati. Bari itolu si taa, ì ye wayini* diŋ ñatoolu kati ka ì kafuŋ-kafuŋ ñoo kaŋ, aniŋ samaakono yiridiŋolu, aniŋ olifu* tuloo, ì ye ì ke keraŋolu kono ka ì maabo. Ì si sabati saatewolu to, ì ye mennu taa ka ì ke ì taa ti.

Yeremiya 48:15

“Mowabi bankoo niŋ a saatewolu be kasaara la le, a fondinkee kendoolu bee kanateyiriŋo ye i laa.” Mansoo le ye a fo, meŋ too mu Yaawe Alihawaa Maariyo ti.

Yeremiya 48:18

“Alitolu Diboninkoolu, ali jii naŋ ali la dulaa horomariŋo to, ali ye sii buutoo kono, kaatu Mowabi bankoo kasaaralaa, wo le ka naa ali kamma, ka ali la tata bambandiŋolu kasaara.

Yeremiya 48:8

Tiñaarilaa kafoo be naa saatewolu bee le kamma jee, hani saatee kiliŋ te kana la, wulumbaŋo to be kasaara la le, konkotundi fanuŋo to ye buruka, ko nte Yaawe ye a fo ñaameŋ.

4 Musa 21:32

Musa ye kewolu kii ka taa Yaseri kullootoo juubee. Wo koolaa le mu, Banisirayilankoolu naata a dandanna saateeriŋolu muta, ì ye Amorinkoolu bayi mennu be jee.

4 Musa 32:1

Rubeni lasiloo moolu niŋ Kadu lasiloo moolu mu beeyantii baalu le ti. Biriŋ ì ye a je ko Yaseri tundoo niŋ Kileyadi tundoo be beteyaa la ì la beeyaŋolu ye le,

4 Musa 32:3

“Ñiŋ tundoo, Banisirayilankoolu ye meŋ taa Yaawe* la deemaaroo kaŋ, Ataroti saatewo be daameŋ, Diboni saatewo, Yaseri saatewo, Nimura saatewo, Hesiboni saatewo, Eleyale saatewo, Sebamu saatewo, Nebo saatewo aniŋ Beyoni saatewo, baluudulaa kende baalu le mu beeyaŋolu ye, aduŋ beeyaŋo be siyaariŋ ntolu bulu le.

4 Musa 32:35

Atiroti-Sofani, Yaseri, Yokibeha,

4 Musa 32:38

ka taa hani fo Nebo aniŋ Baali-Mewoni mennu toolu falinta, aniŋ Sibuma. Ì ye toolu dii ì la saatewolu la le ì ye mennu lookuu.

Yosuwa 13:19

Kiriyatayimu, Sibuma, Sereti-Sahari, meŋ be konkoo kaŋ wulumbaŋo kono,

Yosuwa 13:25

Yaseri tundoo la, saatewolu mennu bee be Kileyadi, aniŋ Ammoni bankoo talanteemoo, ka taa fo Aroweri, Raba daala.