Yeremiya 48:17 - Mandinka Bible

¹⁷ Ali kumboo a ye, alitolu mennu bee be a dandaŋo la, alitolu mennu ye a loŋ a too la. Ali a fo ko, ‘Ñiŋ mansayaa doko baa le katita teŋ, ñiŋ mansa doko ñiimaa!’

Yeremiya 48:17 Mawu Ofanana

Jabuuroolu 110:2

Yaawe be i la maraloo konoo fanundi la le ka bo Siyoni*. I be maraloo ke la i jawoolu kaŋ ne.

Yesaya 10:5

Yaawe ko, “Kooroo be Asiriya mansa ye, n na kamfaa busamaa, aniŋ n na liparilaŋ dokoo be meŋ buloo kono.

Yesaya 14:6

Ì kamfaatoo le ka moolu faa ì la junkuru kuntubaloo la, ì kamfaatoo ka bankoolu la kuwo jindi sabaribaliyaa niŋ fitinoo kono.

Yesaya 16:8

Hesiboni kunkoo fiifeŋolu si noro, aniŋ Sibuma wayini* yirisuŋo. Bankoolu la maralilaalu ye a buloolu kuntu le, mennu biireeta nuŋ fo ì futata Yaseri, ì janjanta keñewuloo kono. Ì soroŋolu taata le fo ì futata baa kankuŋ doo la.

Yesaya 9:4

Yookoo* meŋ ka ì mantoora, i ye a kati le, aniŋ dokoo meŋ be laariŋ ì sañoolu kaŋ. Ì mantooralaalu la busoo, i ye a kati le, ko i ye Midiyani la busoo kati nuŋ ñaameŋ.

Yeremiya 48:39

“Ayiwaalii, Mowabi teyita! A kumboo kaŋo moyi baŋ! A maluta le, a muruta a koo la! Saayiŋ Mowabi keta jelefeŋo le ti, aniŋ kooroo bankoo, a dandanna bankoolu ye.”