Yeremiya 48:14 - Mandinka Bible

¹⁴ “Alitolu Mowabinkoolu, ali si a fo noo ali faŋ ye ñaadii le ko, ‘Ntolu mu kelejawaroolu le ti, aniŋ kelediŋ fatiŋolu’?

Yeremiya 48:14 Mawu Ofanana

Jabuuroolu 11:1

M bambuta Yaawe* le kooma, wo to, muŋ ne ye a tinna ali ko n ye ko, “Tii ko kunoo, i ye taa konkoolu to.

Jabuuroolu 33:16

Mansa la kelediŋ kafoo la sembe waroo buka a tinna a ye nooroo ke keloo to. Kelejawaroo semboo la waroo buka a tinna a ye tanka.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Yesaya 10:13

Kaatu mansa ko le ko: “Ŋa a ke m bulu sembemaa le la, aniŋ ka bo n na ñaameŋo la, kaatu ŋa fahaamuroo soto le. Ŋa bankoolu la naanewolu bondi le, ŋa ì la naafuloolu kasaara. N keta le ko tuuraa saŋarariŋo, ŋa ì la mansoolu bee dimbaa faa.

Yesaya 10:16

Wo to, Yaawe Alihawaa Maariyo* be kuuraŋ jawoo le jindi la naŋ Asiriya mansa la kelejawara bambandiŋolu kaŋ. Dimbaa le be duŋ na a jikiraŋ semboo la, a bee ye kasaara.

Yesaya 16:6

Ŋà Mowabi la faŋ waroo moyi le, a la faŋ wara mooyaa tambiriŋo, a la faŋ sikandoo, a la konofaa aniŋ a la nendiroo, bari a la kibiroo, kuma kenseŋo doroŋ ne mu.

Yeremiya 8:8

Yaawe ko: “Ali si a fo noo ñaadii le ko, ‘Ntolu ñaamenta le, kaatu Yaawe la luwaa be m̀ bulu le’? Bari a juubee, safeerilaalu ye luwaa ke faniyaa le ti ka bo niŋ ì la faniyaa kalaalu la.

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Esekiyeli 30:6

Maarii Yaawe ye ñiŋ ne fo ko: “Wo moolu mennu bee be laariŋ Misira bankoo kaŋ, ì bee be faa la le, ka bo naŋ Mikidoli ka taa fo Asuwani, ì niŋ a bee be faa la ñoo la keloo le kono, Misira bankoo kaŋ.” Maarii Yaawe le ye a fo.

Sefaniya 2:10

Ì la faŋ waroo joo be ke la ñiŋ ne ti, ì la Yaawe Alihawaa Maariyo la moolu neŋo kaŋ, ka ì hadaañi: