Yeremiya 48:11 - Mandinka Bible

¹¹ “Mowabi tarata tankoo doroŋ ne kono biriŋ a dindiŋ, ì nene maŋ a samba mutoo kono. Mowabi ka munta le ko, wayinoo* meŋ tuta looriŋ ka tenkeyaa, ì maŋ a yelema ka bo bata ka taa bata. A la timiyaa nene maŋ tiñaa, a la diyaa be a ñaama le doroŋ.

Yeremiya 48:11 Mawu Ofanana

Jabuuroolu 123:4

Ntolu meeta toora la le, moo kono faariŋolu la ñaawaliroo kaŋ, aniŋ faŋ wara moolu la jutunnayaa kaŋ.

Jabuuroolu 55:19

Alla meŋ be mansasiiraŋo kaŋ fo fawu, be n lamoyi la le, a ye ì ke dooyaa moolu ti, S bayiri n jawoolu balanta le ka ì la siloolu faliŋ. Ì buka sila Alla la.

Kuma Kotoomaalu 1:32

Ka siloo bula, wo le ka moo sooneeyaariŋ baa faa. Toolewolu ka laa meŋ ke ì faŋo daajikoolu la, wo le ka ì kasaara.

Yesaya 16:6

Ŋà Mowabi la faŋ waroo moyi le, a la faŋ wara mooyaa tambiriŋo, a la faŋ sikandoo, a la konofaa aniŋ a la nendiroo, bari a la kibiroo, kuma kenseŋo doroŋ ne mu.

Yesaya 24:3

Duniyaa bee be kenseŋyaa la le, a ye kasaara fereŋ. Yaawe le ye ñiŋ kumoo fo.

Yesaya 25:6

Yaawe Alihawaa Maariyo* be feetoo ke la bankoolu bee le ye konkoo kaŋ. A be ke la subu kendiŋ feetoo le ti, wayini* diimaa feetoo, subu kendiŋo niŋ yuwo, wayinoo niŋ a la timiyaa baa.

Yeremiya 22:21

Ŋa i dandalaa le tuma meŋ i be dahaa kono, bari i kumata le ko, ‘N te n lamoyi la!’ Wo le mu i la siloo ti biriŋ i dindiŋ. I maŋ n na kumakaŋo muta.

Yeremiya 48:12

“Wo kamma la, luŋolu be naa le, nte Yaawe le ye ñiŋ fo, tuma meŋ m be bata yelemalaalu kii la a kamma, ì ye a la batoolu yelema, ì ye ì kenseŋyandi, ka ì teyiŋ-teyiŋ.

Yeremiya 48:29

“Ŋà Mowabi la faŋ waroo moyi le, a ye a faŋ wara baake ñaameŋ, ka a faŋ sikandi, a la faŋ waroo, a la konofaa, aniŋ a la sondome kufaŋo.

Yeremiya 51:34

Moolu ko: “Babiloni mansakewo Nebukanesa ye i baluu ǹ na le, a ye ǹ saji, a ye ǹ kenseŋo londi ko jiibindaa. A ye ǹ kunuŋ ne ko saa baa, a ye a konoo fandi ǹ yuwo la, a ye ǹ senanku ko miraŋo.

Nahumu 2:10

Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Nahumu 2:2

Ali ye Banisirayila kasaara le, Yaakuba koomalankoolu la bankoo, ali ye ì la wayini* yiroolu kasaara, bari Yaawe* ka naa a la semboo niŋ a la horomoo murundi a kaŋ ne.

Sefaniya 1:12

Wo waatoo la, m be tara la Yerusalaamu ñini la niŋ lampu maloo le la. M be moolu jarabi la le, mennu be laariŋ ì faŋ na ko, ì la kuwolu be beteyaariŋ ne. Ì ka ñiŋ miira ko, Yaawe te kuu ke la, a jawumaa to baŋ, waraŋ fo a betemaa to.

Jakariya 1:15

M be kamfaariŋ bankoolu kamma le kendeke, mennu be siikuuriŋ tankoo kono. Kaatu ŋa ì taa le ka n na moolu jarabi n na kamfaa kaŋ, bari itolu ye ì mantoora jawuke le fo a tambita.