Yeremiya 47:7 - Mandinka Bible

⁷ Bari a si i foño ñaadii le, kaatu Yaawe le ye a yaamari? A ye a yaamari le ka Asikeloni kele, aniŋ baadaa borindoo moolu.”

Yeremiya 47:7 Mawu Ofanana

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Yesaya 13:3

Ŋa n na moo kerekereriŋolu yaamari le, ŋa n na kelejawaroolu kumandi, n na kandaa sikandiriŋolu, fo ì si n na kamfaa taamandi.”

Yesaya 37:26

“Fo Sennakeribu maŋ a moyi baŋ ko, nte Yaawe le ye a kuwo londi waati jaŋ koomanto? Ŋa a feeroo landi le biriŋ juuna, ŋa meŋ timmandi teŋ saayiŋ, Sennakeribu ye saatee tatariŋolu ke tumbuŋolu ti.

Yeremiya 48:10

“Dankoo be moo ye meŋ naafata nte Yaawe la dookuwo ke la! Wo maarii be danka la le, meŋ ye a la hawusaroo bali yeleboŋo la a ye!

Esekiyeli 14:17

“Niŋ a ye a tara, ŋa keloo le naati ì la wo bankoo kaŋ naŋ, ŋa ì jawoolu yaamari ka hadamadiŋolu niŋ beeyaŋolu bee faa jee,

Esekiyeli 21:14

“Wo kamma la, ite hadamadiŋo, kiilaariyaa kumoo fo moolu ye, i ye ì dandalaa, ka i buloo kosi, niikuyaa kamma la. Hawusaroo be naa moolu kaŋ ne waati niŋ waati. Ñiŋ hawusaroo mu moofaaraŋo le ti. A mu hawusaroo le ti meŋ be moo jamaa faa la, aduŋ ñiŋ hawusaroo be ì ye, karoo bee le la.

Esekiyeli 21:30

Yaawe ko: “Ite Mansa, i la hawusaroo murundi a laa kono. M be i kiitindi la i wuluu bankoo le kaŋ, dulaa to i bonsuŋo be daameŋ.

Esekiyeli 21:9

“Ite hadamadiŋo, kiilaariyaa kumoo fo moolu ye ko, nte Yaawe, ì Maariyo ye ñiŋ ne fo ko: Ŋa hawusaroo daa diyaa le tal fo a ka malamala.

Esekiyeli 25:16

Wo kamma la, Yaawe, m̀ Maariyo ye ñiŋ ne fo ko: “A fele, m buloo be laa la Filisitinkoolu kaŋ ne. M be Keretinkoolu bee buruka la le, aniŋ m be wo moo toomaalu mennu be siiriŋ baadaa borindoo la, bee kasaara la le.

Amosi 3:6

Niŋ kelebinoo kumata saatewo kono, fo saatee moolu buka bara baŋ? Fo maasiiboo la naa saatewo kono, Yaawe le buka lañini a la baŋ?

Mika 6:9

Ka sila Yaawe la, wo le mu ñaameŋo ti. Yaawe ye kiliroo ke Yerusalaamu saatewo to ko: “Ali i lamoyi, ali si sila busoo la, aniŋ busoo maarii.

1 Samuweli 15:3

Saayiŋ taa, i ye Amalekinkoolu boyinkaŋ, aduŋ feŋ-wo-feŋ keta ì taa ti, i ye ì bee kasaara. Kana balafaa ì ye, kewolu bee faa aniŋ musoolu, dindiŋolu, deenaanoolu, ninsoolu, saajiyolu, ñonkomoolu aniŋ faloolu.”