Yeremiya 47:2 - Mandinka Bible

² Yaawe ye ñiŋ ne fo ko: “A juubee baajiyo ka wuli maraa la naŋ ñaameŋ, ì be naa ke la waamoo ti ka woyi. Ì be bankoo niŋ a feŋo bee kunuŋ na le, saatewolu niŋ mennu be sabatiriŋ ì kono. Moolu be wuuri la le, moo-wo-moo be siiriŋ bankoo kaŋ be lemba la le,

Yeremiya 47:2 Mawu Ofanana

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

Jabuuroolu 50:12

Niŋ konkoo le ye m muta, n te alitolu kaniŋ na, kaatu duniyaa niŋ a konofeŋo bee mu nte le taa ti.

Jabuuroolu 96:11

Saŋ fatoolu ye seewoo, bankoo ye kontaani. Fankaasoo ye bumbuŋ, aniŋ feŋolu mennu bee be a kono.

Jabuuroolu 98:7

Fankaasoo ye bumbuŋ, aniŋ a kono feŋolu bee. Bankoo bee ye suukuwo laa, aniŋ feŋ-wo-feŋ be baluuriŋ a kaŋ.

Yesaya 14:31

Saatee dundaŋ daalu, ali wuuri santo! Saatewo ye lemba! Alitolu Filisitinkoolu, ali bee kijoo ye ali fara! Kankaŋ baa le ka bo naŋ maraa karoo la, aduŋ kelediŋ te wo kafu baa kono meŋ be tu la kooma.

Yesaya 15:8

Ì la woosiyo ye Mowabi bankoo bee beŋ, ì la wuuroo futata fo Ekilayimu, ì la niikuyaa woosiyo, fo Beeri-Elimu.

Yesaya 22:1

Kiilaariyaa kumoo fele, ŋa meŋ je wulumbaŋo la kuwo to. Ali ka muŋ maañaa le ke teŋ, ka sele buŋ santo teruriŋolu* kaŋ ka juuraloo ke?

Yesaya 28:17

M be tiliŋo le ke la sumandaŋ juloo ti, tooñaa ye ke buŋ looraŋ juloo ti. Samberoo be ali la tuukuraŋo tiñaa la le, meŋ mu faniyaa ti, aduŋ ali be semberiŋ meŋ na, waamoo le be jee samba la.”

Yesaya 59:19

Wo to tilijiilankoolu be sila la Yaawe la le, tilibolankoolu te haañi la a la sembe waroo la, kaatu a be naa la le ko waame baa, Yaawe la niijii kaŋo ka meŋ bayindi.

Yeremiya 1:14

Wo le to Yaawe ko n ye ko, “Maasiiboo le be bo la naŋ maraa karoo la, a ye kupi ñiŋ bankoo moolu bee kaŋ.

Yeremiya 46:12

Banku koteŋolu ye a moyi le malu kuwo meŋ laata i kaŋ, aduŋ i la wuuroo ye duniyaa bee beŋ ne. Kelejawara niŋ kelejawara seyinta ñoo la le, ì bee boyita ñoo la.”

Yeremiya 46:13

Yaawe la kumoo le mu ñiŋ ti, Yeremiya ye meŋ fo Babiloni mansakewo Nebukanesa la naa la kuwo to, ka Misira bankoo kele.

Yeremiya 46:20

“Misira mulunta ninsiriŋ ñiimaa le la, bari joloo le ye a boyinkaŋ maraa la naŋ.

Yeremiya 46:24

Misirankoolu be bula la malu kuwo kono le, a be duŋ na maraa kara maafaŋ banku moolu le bulu.” Yaawe le ye a fo.

Yeremiya 48:39

“Ayiwaalii, Mowabi teyita! A kumboo kaŋo moyi baŋ! A maluta le, a muruta a koo la! Saayiŋ Mowabi keta jelefeŋo le ti, aniŋ kooroo bankoo, a dandanna bankoolu ye.”

Yeremiya 6:22

Yaawe ye ñiŋ ne fo ko: “A juubee, kelediŋ kafoo le ka bo naŋ maraa kara bankoo kaŋ. Wo bankoo be maamaŋ kaŋ naŋ duniyaa dulaa jamfariŋ baalu le to.

Yeremiya 8:16

Ŋà jawoolu la suwoolu nuŋ feekaŋo moyi naŋ Dani le, ì la suukewolu kumakaŋo le ka bankoo bee jarajarandi teŋ. Ì ka naa bankoo niŋ a konofeŋo bee le kunuŋ, Yerusalaamu saatewo, aniŋ mennu bee be a kono.”

Daniyeli 11:22

Niŋ a wulita keloo la, a be kelediŋ jamaa le koora la komeŋ waamoo. Hani Alla la moolu la piriisi* kuntiyo, a be a kasaara la le.

Nahumu 1:8

Bari a be a jawoolu bayi la le, ì ye duŋ diboo kono, a be ì siidulaa kasaara la niŋ waame baa le la.

1 Korintinkoolu 10:26

Kaatu “Bankoo mu Maariyo taa le ti, aniŋ feŋ-wo-feŋ be a kaŋ.”

1 Korintinkoolu 10:28

Bari niŋ moo doo ko ali ye ko, “Ñiŋ diita jalaŋo le la,” ali kana a domo wo moo la kuwo kamma la, meŋ ye a fo ali ye. Ali kana a domo sondomoo la kuwo kamma la.

Yankuba 5:1

Alitolu fankamaalu, ali i lamoyi! Ali ye woosii niŋ kumboo baa la maasiiboolu kamma la, mennu ka naa laa ali kaŋ.

Lankenemoo 17:1

Wo malaayika woorowuloo mennu ye booli woorowuloo soto, kiliŋ ko n ye ì kono ko, “Naa! Ŋa cakamusu baa la kiitiyo yitandi i la, wo saatee baa, meŋ be siiriŋ baajii jamaalu daala.

Lankenemoo 17:15

Bituŋ malaayikoo ko n ye ko, “Baajiyolu, i ye mennu je, cakamusoo be siiriŋ daameŋ to, wolu mu bankoolu le ti, sii jamaalu, nasiyoŋolu aniŋ kaŋolu.