Yeremiya 40:10 - Mandinka Bible

¹⁰ Ate Kedaliya be tenteŋ na le ka sabati Misipa, a ye tara looriŋ ì ye ì niŋ Babiloninkoolu teema, mennu be kali naa la ì kaŋ waati-niŋ-waati. Bari itolu si taa, ì ye wayini* diŋ ñatoolu kati ka ì kafuŋ-kafuŋ ñoo kaŋ, aniŋ samaakono yiridiŋolu, aniŋ olifu* tuloo, ì ye ì ke keraŋolu kono ka ì maabo. Ì si sabati saatewolu to, ì ye mennu taa ka ì ke ì taa ti.

Yeremiya 40:10 Mawu Ofanana

2 Samuweli 16:1

Kabiriŋ Dawuda tambita konkoo santo la domandiŋ, a ye Siba Mefiboseti la dookuulaa tara jee, ka a batu, fo ì si ñoo je. Fali fula kirikewo be mennu la tarata a bulu, ì ye mennu dunindi niŋ mbuuru kuŋ keme fula la, wayini* yiridiŋ jaaroo seeri keme, yiridiŋ doolu seeri keme, aniŋ sufuroo meŋ be faariŋ wayinoo la.

1 Mansoolu 10:8

I la moolu le mu moo seewooriŋolu ti. I la dookuulaalu mennu ka tara i koto waati-wo-waati, ka ì tuloo loo i la ñaameŋ kumoolu la, fanaa mu moo seewooriŋolu le ti.

Kuma Kotoomaalu 22:29

Fo i maŋ moo je meŋ buloo koyita a la dookuwo to? A be dookuwo ke la mansoolu le ye, bari a te ke la moo koteŋ kenseŋolu ti.

Kuma Kotoomaalu 27:25

Niŋ i ye ñaamoo kuntu ka a maabo i la beeyaŋolu ye, doo falinta, aduŋ meŋ bota konkoolu kaŋ, i ye a kafu ñoo ma,

Yesaya 16:9

Bituŋ n niŋ Yaserinkoolu kumboota ñoo la, n kumboota Sibuma wayini yirisuŋo le ye. Hee Hesiboni, hee Eleyale, ali la kuwo le ye n ñaajiyo siyandi. Kabiriŋ ali la yiridiŋo menta, aniŋ ali la katirifeŋolu siita, kele maakaŋo warata.

Yeremiya 35:19

Wo kamma la, nte Yaawe Alihawaa Maariyo, Banisirayila la Alla ye ñiŋ ne fo ko: Rekabu dinkewo Yonadabu nene te foo la koomalankoo la meŋ be dookuwo ke la nte Yaawe ye.”

Yeremiya 39:10

Bari a ye bankoo fuwaaroo doolu tu Yahuuda bankoo kaŋ jee le, mennu maŋ feŋ soto, aduŋ a ye wayini* yiri kankaŋolu niŋ kunkoolu dii ì la wo waati kiliŋo le kono, ka ì dookuu.

Yeremiya 40:12

Bituŋ wo Yahuuda moolu bee seyita naŋ Yahuuda bankoo kaŋ, ka naa Kedaliya kaŋ Misipa, ka bo dulaalu bee to, ì ye ì janjandi ka taa daamennu to. Ì naata wayini diŋ ñatoolu kafu ñoo ma, aniŋ samaakono yiridiŋolu, fo ì siyaata baake.

Yeremiya 40:6

N naata taa Kedaliya yaa Misipa saatewo to, Ahikamu dinkewo, n sabatita a fee bankoo moo toomaalu kono.

Yeremiya 43:5

Yohanani niŋ kelediŋ kuntiyolu ye Yahuuda moo toomaalu bee le samba Misira. Wo le mu moolu ti mennu muruta naŋ ka naa sabati Yahuuda bankoo kaŋ, ka bo naŋ bankoolu bee kaŋ ì ye ì janjandi nuŋ daamennu to.

Yeremiya 48:32

Ite Sibuma meŋ be ko wayini* yiroo, n kumboota ite le ye ka tambi Yaseri la. I ye i yiribuloolu fayi le ka taa baakoo, ì futata fo Yaseri baa to. Bari i la wayini yiridiŋolu aniŋ i la katiroo bee, tiñaarilaa le naata boyi wolu kaŋ.

Mika 7:1

Nte la kuwo be balafaa le daa to! N na kuwo ka muluŋ ne ko moo meŋ, a be lafiriŋ yiridiŋ katoo la, a be lafiriŋ wayini* karaŋo la wayini kankaŋo to, bari hani feŋ maŋ tu jee, a be meŋ faŋo domo la, sooto kumfoloolu to hani feŋ te jee, a si lafi meŋ na.

Luka 21:36

Wo kamma la, ali koroosiroo ke waati-wo-waati. Ali ye duwaa fo ali si kana noo ñiŋ kuwolu bee ma, mennu ka naa, aduŋ ali si loo noo Moo Dinkewo ñaatiliŋo la.”

5 Musa 1:38

Yosuwa Nuni dinkewo meŋ mu i maakoyilaa ti, ate le be duŋ na jee. A bambandi, kaatu ate le be a tinna la Banisirayilankoolu ye bankoo ñiŋ taa.

5 Musa 16:13

Niŋ ali ye ali la siimaŋolu toñonka, ali ye ali la wayini* yiridiŋolu biti, ali ñanta Jembereŋ Juuraloo* ke la le fo tili woorowula.