Yeremiya 4:6 - Mandinka Bible

⁶ Ali bandeeroo wulindi taamanseeroo ti ka Siyoni* waliŋ, ali ye bori ka tanka, ali kana loo, kaatu n ka maasiiboo le naati ka bo maraa karoo la, kasaara baa le mu.”

Yeremiya 4:6 Mawu Ofanana

Yesaya 62:10

Yerusalaamunkoolu, ali finti, ali finti niŋ dundaŋ daalu la! Ali siloo parendi moolu ye. Ali sila kendoo dadaa, ali a dadaa kuu! Ali a beroolu bondi. Ali ye bandeeroo wulindi, ka a ke bankoolu ye taamanseeroo ti.

Yeremiya 10:22

I lamoyi baŋ, kibaaroo le ka naa! A fele, a naata le, maakaŋ baa ka bo naŋ maraa kara maafaŋ bankoo kaŋ. Wo bankoo be Yahuuda saatewolu tumbuŋ na le, ka a ke kunkuwuloolu la daakaa ti.

Yeremiya 18:11

Wo to saayiŋ, a fo Yerusalaamu saatee moolu ye, ka taa Yahuuda moolu bee ye ko: M be kuu jawoo le dadaa kaŋ ali kamma, aduŋ m be feeroo siti kaŋ ali kamma le. Ali yelema, moo-wo-moo ye bo a la kuu jawu kewo to, ali ye ali taaraŋ siloolu faliŋ, aniŋ ali kekuwolu.

Yeremiya 21:7

Niŋ wo keta fokabaŋ, m be Yahuuda mansakewo Sedekiya niŋ a la mansakundaa dookuulaalu, ka taa ì niŋ ñiŋ saatewo moolu duŋ na Babiloni mansakewo Nebukanesa niŋ a la moolu bulu le, ì jawoolu, mennu be ì niyo nooma. Wo le be ke la moolu ti mennu kanata hawusaroo* ma, konkoo, aniŋ alibalaa kuuraŋo. Nebukanesa be ì faa la hawusaroo la le. A te balafaa la ì ye, waraŋ ka yamfa ì ye, waraŋ ka hiina ì la.” Yaawe le ye a fo.

Yeremiya 22:7

M be tiñaarilaalu le parendi la naŋ i kamma, ì meŋ-wo-meŋ niŋ i la jooraŋo. Ì be i la sedari* bilii ñiimaalu bee kuntuŋ-kuntuŋ na le, ì ye dimbaa duŋ ì la.

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 4:21

Fo m be tu la kele bandeeroo le je la baŋ, ka tu binoo feekaŋo moyi la?

Yeremiya 50:2

“Kiilaariyaa kumoo bankee bankoolu kaŋ ka a kankulaa, bandeeroo wulindi, i ye a kankulaa. Kana a ke kulloo ti, a fo ko, ì be Babiloni muta la keloo to le! Jalaŋ Beli be bula la maloo kono le, wo jalaŋ Merodaki be jikilateyi la le! Babiloni batufeŋolu be bula la maloo kono le, a jalaŋ ñewundiŋolu ye jikilateyi!

Yeremiya 50:22

“Ali si kele maakaŋo moyi bankoo kaŋ, aniŋ kasaara baa!

Yeremiya 51:12

Ali bandeeroo wulindi taamanseeroo ti ka Babiloni tata sansaŋolu boyinkaŋ, ali kelediŋ kantarilaalu bambandi jee kamma, ali ye kantarilaalu londi ì dulaalu to! Ali kelediŋolu wulindi ì ye deleŋo laa ì kamma!” Silaŋ, Yaawe ye a la natoo ke le fokabaŋ, a ye meŋ fo Babiloni la kuwo to.

Yeremiya 51:27

“Ali bandeeroo wulindi duniyaa ye ka naa Babiloni kele, ali kelebinoo fee bankoolu ye naŋ taariŋ. Ali bankoolu parendi a kamma keloo la, ali ye ñiŋ mansamarali bankoolu kili naŋ a kamma: Ararati, Minni, aniŋ Asikenasi. Ali kelekuntiyo tomboŋ a kamma, ali ye suwoolu naati ko kuntiŋ jurumoo.

Yeremiya 51:54

Yaawe ko: “Wuurikaŋo le ka bo naŋ Babiloni! Kasaara baa maakaŋo le be kuma kaŋ ì la bankoo kaŋ!

Yeremiya 6:1

Yaawe* le ye ñiŋ fo ko: “Alitolu Benjamini lasiloo moolu, ali bori ka tanka, ali ye finti Yerusalaamu kono. Ali kelebinoo fee Tekowa saatewo to, ali ye taamanseeroo wulindi santo Beti-Hakeremu, kaatu maasiiboo le ka kurukuru naŋ maraa kara maafaŋo la, aniŋ kasaara baa.

Yeremiya 6:22

Yaawe ye ñiŋ ne fo ko: “A juubee, kelediŋ kafoo le ka bo naŋ maraa kara bankoo kaŋ. Wo bankoo be maamaŋ kaŋ naŋ duniyaa dulaa jamfariŋ baalu le to.

Esekiyeli 9:1

Wo to le, ŋa Yaawe* sari kaŋo moyi ko, “Alitolu mennu ñanta Yerusalaamu kasaara la, ali kata naŋ, ali niŋ ali la kelejooraŋolu.”

Esekiyeli 9:2

A fele, ŋa kee wooro le je, mennu naata niŋ dundaŋ daa la, Batudulaa Buŋo* maraa karoo la. Ì bee niŋ moofaaraŋ jooraŋo le mu. Bari kee doo le be ì kono jee, meŋ ye fatari dendikoo duŋ, kalaa niŋ duwaa le be a buloo kono. Kewolu dunta naŋ, ì loota sadaajanidulaa* daala, meŋ dadaata jaawaloo la.

Sefaniya 1:10

Yaawe ye ñiŋ ne fo ko: “Wo luŋo la, ali be kumboo kaŋo moyi la, Ñee Dundaŋ Daa to, Yerusalaamu, lembakaŋo Saatewo Bajonkoo to, aniŋ kasaaroo maakaŋo konkoolu to naŋ.

Jakariya 6:6

Sareetoo meŋ niŋ suu fiŋolu mu, be taa kaŋ maraa kara bankoo maafaŋo le la. Meŋ niŋ suu koyoolu mu, wo be taa kaŋ tilijii bankoo maafaŋo le la. Sareetoo meŋ niŋ suu waarewolu mu, wo be taa kaŋ bulubaa kara bankoo maafaŋo le la.”