Yeremiya 4:5 - Mandinka Bible

⁵ Yaawe ko: “Kibaaroo fo Yahuuda kono, i ye kankulaaroo ke Yerusalaamu kono, ka a fo moolu ye ko: ‘Ali binoo fee bankoo bee kaŋ!’ Sari santo ka a fo ì ye ko, ‘Ali beŋ ñoo kaŋ, ali ye bori ka taa saatee tatariŋolu kono.’

Yeremiya 4:5 Mawu Ofanana

Yesaya 28:19

A feeneeta naŋ tuma-wo-tuma, a be ali koora la le. Tooñaa, naa luŋ te a la, tiloo waati-wo-waati, waraŋ suutoo waati-wo-waati. Niŋ ali ye ñiŋ kibaaroo fahaamu, ali kijoo si teyi.

Yeremiya 11:2

“I lamoyi n na kambeŋo kumakaŋolu la, aduŋ i si ì fo Yahuuda moolu ye, aniŋ mennu be siiriŋ Yerusalaamu saatewo kono.

Yeremiya 35:11

Bari biriŋ Babiloni mansakewo Nebukanesa naata ñiŋ bankoo boyinkaŋ, ǹ naata a fo ñoo ye ko, ‘Ali ŋà taa Yerusalaamu, Babiloni kelediŋolu la kuwo silaŋo kamma la, aniŋ Aramu kelediŋolu la kuwo.’ Ǹ naata sabati Yerusalaamu teŋ ne.”

Yeremiya 5:20

Yaawe ko: “Ñiŋ kibaari Yaakuba koomalankoolu ye, i ye a kankulaa Yahuuda kono ko:

Yeremiya 6:1

Yaawe* le ye ñiŋ fo ko: “Alitolu Benjamini lasiloo moolu, ali bori ka tanka, ali ye finti Yerusalaamu kono. Ali kelebinoo fee Tekowa saatewo to, ali ye taamanseeroo wulindi santo Beti-Hakeremu, kaatu maasiiboo le ka kurukuru naŋ maraa kara maafaŋo la, aniŋ kasaara baa.

Yeremiya 8:14

Yahuuda moolu ko: “Ǹ ka muŋ ne sii jaŋ? Ali ŋà kafu ñoo ma, ŋà bori saatee tatariŋolu kono, hani niŋ a ye a tara m̀ be faa la jee, kaatu saayaa, Yaawe ǹ na Alla ye wo le parendi ǹ ye, a ye kunoo le dii ǹ na ka a miŋ, kaatu ŋà junuboo le ke a la.

Yeremiya 9:12

Jumaa le la ñaameŋo ye a sii ka ñiŋ kuwo bee fahaamu, Yaawe ye a fo jumaa le ye, fo a maarii si a fataŋ-fansi moolu ye? Muŋ ne ye a tinna bankoo bee tumbunta fereŋ, a kenseŋyaata ko keñewuloo, aduŋ moo le faŋo buka tambi niŋ jee la?

Esekiyeli 7:14

Ì ye kelebinoo le fee, moolu bee ye i paree. Bari moo te taa keloo la, kaatu n na yankankatoo be naa moolu bee le kaŋ.” Yaawe ko:

Hoseya 8:1

Yaawe* ko, “Binoo ye fee! Jawoolu ka jii n na bankoo kaŋ ko seeliŋo, kaatu n na moolu ye n niŋ ì la kambeŋo tiñaa le, ì balanta n na yaamaroolu la.

Yoweli 2:1

Ali binoo fee Siyoni*, n na konko senuŋo*, ali a fee maamandiraŋo ti. Bankoo siilaalu bee ye jarajara, kaatu Yaawe* la luŋo ka naa le, a sutiyaata naŋ ne.

Amosi 3:6

Niŋ kelebinoo kumata saatewo kono, fo saatee moolu buka bara baŋ? Fo maasiiboo la naa saatewo kono, Yaawe le buka lañini a la baŋ?

Amosi 3:8

Niŋ jatoo bumbunta, jumaa le te sila la? Niŋ Maarii Yaawe diyaamuta, jumaa le si a la kumakaŋo bankewo baayi noo?

4 Musa 10:2

Footaŋ fula dadaa kodiforo tunkandiŋo la ka ì ke moolu kiliraŋo ti ka beŋ ñoo kaŋ, aniŋ ka wutu ka bo daakaadulaa.

4 Musa 10:3

Niŋ ì bee feeta fo waati jaŋ, jamaa moo bee le ñanta kafu la ñoo ma i ñaatiliŋo la Bendulaa Tiriliisoo* dundaŋ daa to.

Yosuwa 10:20

Bituŋ Yosuwa niŋ Banisirayilankoolu ye ì bee faa faañaa jawu baa la, ì ye ì bee kasaara le cewu, fo moo dantaŋ, wolu le kanata ka duŋ ì la saatee tatariŋolu kono.