Yeremiya 4:27 - Mandinka Bible

²⁷ Yaawe ye ñiŋ ne fo ko: “Bankoo bee be kenseŋyaa la le, bari n te a muumewo buruka la fereŋ.

Yeremiya 4:27 Mawu Ofanana

2 Taarika 36:21

Bituŋ Yaawe ye meŋ bankee ka bo niŋ Yeremiya la timmata ko, bankoo ñiŋ be tara la foñondiŋo la le, a senebaloo fo sanji taŋ woorowula, ka loobula saŋolu jooseyi, ì maŋ mennu bula nuŋ.

Nehemiya 9:31

“Bari i la balafaa baa kamma la, i maŋ ì turutumbuŋ, waraŋ ka i koo dii ì la, kaatu Alla meŋ mu i ti, i hiinanteeyaata, aduŋ i balafaa warata le.

Yesaya 17:6

Banisirayila si muluŋ ko olifu* yiroo, ì ye meŋ diŋolu konkoŋ a bala, fo diŋ fula doroŋ waraŋ saba tuta a bala santo, kiliŋ-kiliŋolu ye tara a duuma la.” Yaawe Banisirayila la Alla le ye a fo.

Yesaya 24:1

Saayiŋ Yaawe* pareeta le, ka duniyaa tumbuŋ aniŋ ka a kenseŋyandi. A be bankoo yelemandi la le, a ye a moolu janjandi.

Yeremiya 18:16

Ì ye ì la bankoo kenseŋyandi le, ka ke jutunna feŋo ti fo abadaa. Niŋ moo-wo-moo tambita jee la a kijoo ka bo le, a ye a kuŋo jiijaa.

Yeremiya 25:11

Ñiŋ bankoo muumewo be ke la tumbuŋo le ti ka kenseŋyaa. A niŋ a dandanna bankoolu be tara la Babiloni mansakewo la kaŋo koto le fo sanji taŋ woorowula.

Yeremiya 30:11

M be ali fee le ka ali kiisa.” Yaawe le ye a fo. “M be wo bankoolu bee le buruka la, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ñaameŋ. N te ali bula la muk, m maŋ ali kuluu.”

Yeremiya 4:20

Kasaaroo be looriŋ ñoo nooma, bankoo bee burukata le ka kenseŋyaa. Kataba kiliŋ n na tiriliisoolu* kasaarata, n na suturadulaa keta wo ti, waati kiliŋ.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Yeremiya 44:6

Wo kamma la, ŋa n na kamfaa baa kupi naŋ. A malata Yahuuda saatewolu kamma, aniŋ Yerusalaamu mbeedoolu kaŋ, a ye ì ke tumbuŋ kenseŋolu ti, ko ì be ñaameŋ bii.”

Yeremiya 46:28

Kana sila, ite Yaakuba koomoo, n na dookuulaa, kaatu m be ali fee le, ŋa wo bankoolu bee buruka le, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ali to ñaameŋ, n te ali bula la muk, m maŋ ali kuluu.” Yaawe le ye a fo.

Yeremiya 5:10

A ko: “Ali i seyiŋ a wayini* yiri kankaŋolu kono ka ì kuntu, bari ali kana ì bee kasaara kewu. Ali a buloolu jasi, bayiri wo moolu maŋ ke nte Yaawe taa ti.

Yeremiya 5:18

Yaawe ko, “Bari hani wo luŋolu la, n te ì muumewo kasaara la.

Yeremiya 7:34

M be maadiyaa niŋ seewoo kumakaŋolu daŋ na Yahuuda saatewolu kono le, aniŋ Yerusalaamu mbeedoolu kaŋ, ka taa maañoo niŋ a keemaa la maañoobiti maakaŋo. Kaatu bankoo be ke la tumbuŋo le ti.”

Yeremiya 9:11

Yaawe ko: “M be Yerusalaamu ke la tumbuŋo le ti, a ye ke kunkuwuloolu la daakaa ti. M be Yahuuda saatewolu kenseŋyandi la le, moo te sabati la jee.”

Niikuyaa Suukuwolu 2:7

Hee, Maariyo ñoorita a la sadaajanidulaa* la le, a ye a koo dii a Batudulaa Senuŋo la. A tata sansaŋolu, a ye ì duŋ jawoolu bulu. Ì wuurita Yaawe Batudulaa kono ì la ì noo kaŋ, komeŋ juurali maakaŋ baa.

Esekiyeli 11:13

M be ñiŋ kiilaariyaa kumoolu fo kaŋ waati meŋ na doroŋ, Pelatiya, Benaya dinkewo boyita, a faata. Wo to le, ŋa m fayi bankoo to, m bitita n ñaadaa kaŋ, n wuurita santo ko, “M Maarii Yaawe, fo i be Banisirayila moo toomaalu bee turutumbuŋ na le baŋ?”

Esekiyeli 20:17

Bari m balafaata ì ye le, m maŋ naa ì kasaara keñewuloo kono ka ì turoo baŋ.

Esekiyeli 33:28

Aduŋ m be ì la bankoo kenseŋyandi la le, aniŋ m be daŋ ke la ì semboo la waroo la le, ì be jikiriŋ meŋ na. Banisirayila konkoolu be kenseŋyaa la le, aniŋ moo te tambi la niŋ jee la kotenke.

Esekiyeli 6:14

“M buloo be laa la ì kaŋ ne, ŋa ì la bankoo kenseŋyandi, a ye ke tumbuŋo ti, ka bo keñewuloo*, bulubaa karoo la, ka taa fo Ribula saatewo to, maraa karoo la. Niŋ wo keta le, ì be a loŋ na ko, nte le mu Yaawe ti.”

3 Musa 26:31

M be ali la saatewolu tumbuŋ na le fereŋ, ŋa ali la jalaŋ batudulaalu kenseŋyandi, aduŋ ali la sadaalu* seeroo te n seewondi la kotenke.

3 Musa 26:44

Bari hani wo bee de, waatoo meŋ ali be tara la ali jawoolu la bankoo kaŋ, nte te alitolu ke la wo ñaama, ka jutu ali la. N te soŋ na ñiŋ na, ka ali kasaara fereŋ, ka n na kambeŋo tiñaa n niŋ ali teema. Nte le mu Yaawe ali la Alla ti.

Sefaniya 1:18

Yaawe la ñiŋ kamfaa luŋo la, sani te ì kanandi la sako kodiforo. Duniyaa bee le be kasaara la, a la kamfaa dimbaa la. Moo bee la baluwo ye daŋ waati kiliŋ, ka bo duniyaa kono.