Yeremiya 4:22 - Mandinka Bible

²² Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Yeremiya 4:22 Mawu Ofanana

1 Musa 39:16

Bituŋ a ye Yusufa la dendikoo muta a faŋ bulu, fo a keemaa naata suwo kono.

2 Samuweli 13:3

Saayiŋ Amunoni ye teeri le soto, meŋ too mu Yonadabu ti, aduŋ a keta Simeya dinkewo le ti, Dawuda kotoomaa. Yonadabu keta nuŋ kee feereriŋ baa le ti.

Jabuuroolu 36:3

A daakumoolu mu kuruŋyaa niŋ neeneeroo le ti. A ye a koo dii ñiŋ na le ka ñaameŋ kuwo ke, aniŋ kuu kendoo.

Jabuuroolu 36:4

A ka kuruŋyaa feeroolu le siti hani niŋ a be laariŋ laaraŋo kaŋ. Kuu jawu kewo le mu a la muraadoo ti. A maŋ i baŋ kuu jawu to.

Jabuuroolu 53:4

Fo moo jawoolu maŋ fahaamuroo ke baŋ? Ì ka i baluu n na moolu suboo le la, aduŋ ì buka Alla daani.

Jabuuroolu 82:5

“Ì maŋ feŋ ne loŋ, ì maŋ feŋ fahaamu. Ì ka taama ì faŋ ye diboo le kono, a ye a tara duniyaa bee be teyi kaŋ.

Kuma Kotoomaalu 28:5

Moo kuruŋolu buka tiliŋo la kuwo fahaamu noo, bari moolu mennu ka Yaawe* ñini, wolu ka a fahaamu kendeke le.

Yesaya 1:3

Ninsoo ye a loŋ ne, meŋ taa mu a ti, faloo ye a loŋ ne, a maarii ka a daañini daameŋ, bari n na moolu Banisirayilankoolu maŋ a loŋ, ì maŋ a fahaamu.”

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

Yeremiya 10:8

Ì bee mu hakilintaŋolu niŋ toolewolu le ti, wo jalaŋ fuuriŋolu la karandiroo, yiri kenseŋo!

Yeremiya 13:23

Fo Kusinkoo* si a balafatoo yelemandi noo baŋ, waraŋ soloo ye a baloo tompoolu yelemandi noo? Niŋ wo keta, wo to ite si kuu kendoo ke noo, ite meŋ dalita kuu kuruŋ kewo la.

Yeremiya 2:8

Piriisoolu* maŋ a fo ko, ‘Yaawe lee?’ Wolu mennu mu Luwaa karammoolu* ti, ì maŋ n loŋ. Ñaatonkoolu balanta m ma le. Annabiyomoolu ka kuma Baali* jalaŋo tooyaa le la, ka jalaŋ kenseŋolu batu.”

Yeremiya 4:21

Fo m be tu la kele bandeeroo le je la baŋ, ka tu binoo feekaŋo moyi la?

Yeremiya 5:21

Ali ali tuloo tu ñiŋ to, alitolu toolee hakilintaŋolu. Ñaa be ali la le, bari ali buka i je, tuloo be ali la, bari ali buka i moyi.

Yeremiya 5:4

Bituŋ n kumata m faŋ ma ko, “Ñinnu mu fuwaaroolu doroŋ ne ti, ì maŋ hakili soto, bayiri ì maŋ Yaawe la siloo loŋ, tiliŋo, ì la Alla ye meŋ kaniŋ.

Yeremiya 9:2

M be lafiriŋ ne ŋa jiyaa dulaa soto keñewuloo* kono, komeŋ jamfajaŋ taamalaa. Fo n si n na moolu bula, ŋa taa ka bo ì kono, kaatu ì bee jeenelaa, aduŋ ì mu fisiriwallee kafoo le ti.

Yeremiya 9:3

Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.

Yeremiya 9:5

Moo-wo-moo ka a siiñoo neenee le, hani kiliŋ buka tooñaa fo. Ì ye ì neŋolu kuluu faniyaa le la, ì ka kuu jawoo ke, ì korita tuubiseyi la.

Esekiyeli 16:30

Maarii Yaawe ye ñiŋ ne fo ko: “I ñoŋ moo kee landiyo! I ka caka malubaloolu maañaa le ke,

Hoseya 4:1

Alitolu Banisirayilankoolu, ali ali tuloo loo Yaawe* la kumakaŋo la. Yaawe ye Banisirayila siilaalu tuumi ñiŋ ne la ko: “Ñiŋ bankoo kaŋ, foroyaa te keriŋ waraŋ tiliŋo, fo Alla lombaliyaa doroŋ.

Hoseya 4:6

N na moolu kasaarata lombaliyaa kaŋ. Alitolu piriisoolu ye ì baŋ ne ka n loŋ, wo to ŋa m baŋ ali la piriisiyaa to le. Bayiri ali ñinata ali la Alla la Luwaa la, nte fanaa be ñina la ali diŋolu la le.

Hoseya 5:4

“Ì la baara jawoolu ye a tinna le, ì maŋ muru noo ì la Alla kaŋ. Ì tarata cakayaa le bulu, ì maŋ Yaawe loŋ.

Amosi 3:10

Ì ye feŋolu le kafu ñoo ma suuñaaroo niŋ fitinoo kono, ka ì maabo ì la buŋolu kono. Ì maŋ a loŋ kuu tilindiŋo ka ke ñaameŋ.” Yaawe le ye a fo.

Mika 2:1

Kooroo be boyi la moolu kaŋ ne, mennu ka tilimbaliyaa feeroo siti, aniŋ kuu kuruŋo, niŋ ì be laariŋ ì la laaraŋolu kaŋ. Niŋ fanoo keta, ì ye a taamandi ì la sembe sotoo kaŋ.

Mika 7:3

Ì ka kuu kuruŋo baara ì bulu jinsoolu la le, aduŋ ì kalanta wo la le. Maralilaalu ka feŋolu kaniŋ moolu bulu, kiitiikuntulaalu ka dukoo muta moolu bulu, sembetiyolu ka kaŋo dii ka kuwo laa, ko itolu lafita a la ñaameŋ. Ì ka deŋ teŋ ne ka tooñaa nakari.

Luka 16:8

“Wo kamma la, kuntiyo ye wo dookuulaa tapalewo jayi a la ñaameŋo la. Ali a juubee, ñiŋ duniyaa moolu feereta ì la jamaanoo keñaa to le ka tambi moolu la, mennu be Alla la siloo kaŋ.

Yohana 16:3

Ì be ñiŋ kuwolu ke la ali la le, kaatu ì maŋ m Faamaa loŋ, sako nte.

Roomankoolu 1:22

Biriŋ itolu ko, ì ñaamenta le, ì naata ke toolewolu le ti.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

Roomankoolu 16:19

Bari alitolu la yaamarimutoo, moolu bee ye wo moyi le. Wo kamma la, nte seewoota ali la kuwo to le, aduŋ n lafita, ali si ñaameŋo soto kuu betoo la karoo la, bari ali si ke lombaloo ti kuu jawoo la kuwo to.

Roomankoolu 3:11

Moo te keriŋ, meŋ ye fahaamuroo soto, moo maŋ Alla ñini.

1 Korintinkoolu 14:20

Baadiŋolu, ali kana ke dindiŋolu ti ali la miiroolu to. Ali ke deenaanoolu ti kuu jawoo la kuwo to, bari ali si ke moo mendiŋolu ti ali la miiroolu to.

5 Musa 32:28

Banisirayila keta hakilintaŋolu le ti, ì maŋ fahaamuru soto.

5 Musa 32:6

Alitolu toolee hakilintaŋolu, fo ali ñanta Yaawe joo la teŋ ne baŋ? Fo ate le maŋ ke ali faamaa ti, ali Daamansoo? Fo ate le maŋ ali daa ka ali ke banku baa ti?