Yeremiya 4:1 - Mandinka Bible

¹ Yaawe* ko: “Muna Banisirayila, niŋ i be muru la naŋ, muru naŋ n kaŋ. I la jalaŋ ñewundiŋolu bee bondi n ñaa koto, i kana soŋ filoo ye i taa kotenke.

Yeremiya 4:1 Mawu Ofanana

1 Musa 35:2

Bituŋ Yaakuba ko a la dimbaayaa moolu ye, aniŋ mennu bee be a fee ko, “Ali ali la jalaŋolu bee bondi ali bulu. Ali ye ali faŋolu seneyandi, ali ye ali la duŋ feŋolu faliŋ.

2 Mansoolu 23:13

A ye batudulaa tintiŋolu tiñaa le, Mansa Sulemani ye mennu loo Yerusalaamu ye tilibo karoo la, Junube Konkoo ye bulubaa karoo la, ka jalaŋ ñewundiŋolu batu jee. Wo jalaŋolu le mu Asitoreti* ti, Sidoninkoolu la jalaŋo, Kemosi, Mowabinkoolu la jalaŋ ñewundiŋo, aniŋ Moleki, Ammoninkoolu la jalaŋ jawu baa.

2 Mansoolu 23:24

Wo bee koolaa, Mansa Yosiya ye moolu bee kasaara le, mennu niŋ furewolu ka diyaamu, ka taa batuutaalu, bunkono jalaŋolu, jalaŋ doolu, aniŋ wo feŋ kondiŋ siifaalu meŋ-wo-meŋ be Yahuuda bankoo kaŋ, aniŋ Yerusalaamu saatewo kono. A ye ñiŋ ke le ka luwaa la kuwolu taamandi, meŋ safeeta kitaaboo kono Piriisi Hilikiya ye meŋ je Yaawe Batudulaa Buŋo kono.

2 Taarika 15:8

Kabiriŋ Asa ye ñiŋ kumoolu moyi, Annabilayi Asariya, Odedi dinkewo ye mennu fo, a naata bambaŋ kuu. A ye jalaŋolu bee bondi Yahuuda niŋ Benjamini tundoo kaŋ, aniŋ ka bo saatewolu to, a ye mennu taa Efurayimu konkotundoo* kaŋ, kaatu kuu ñewundiŋo le mu. A ye Yaawe la sadaajanidulaa* lookuu, meŋ be Alla Batudulaa Buŋo* pereŋo ñaatiliŋo la.

2 Taarika 33:8

Niŋ Banisirayilankoolu ye n na yaamaroo muta, aniŋ luwaa muumewo bee, n na dookuulaa Musa ye meŋ dii ì la, wo to n nene te soŋ na kotenke ì ye ì bayi bankoo kaŋ, ŋa meŋ dii ì mumuñolu la.”

2 Taarika 34:33

Mansa Yosiya ye jalaŋolu bee bondi Banisirayila tundoolu bee le to, aduŋ a ye a ke, moolu mennu be Banisirayila ka Yaawe batu, ì la Alla. A baluu tiloo bee, ì maŋ ì koo dii Yaawe batoo la, ì mumuñolu la Alla.

Yesaya 31:6

Hee Banisirayilankoolu, ali muru Yaawe kaŋ, alitolu mennu ye jamfaa baa tiliŋ a la.

Yeremiya 15:19

Wo le to Yaawe ye ñiŋ fo ko: “Niŋ i tuubiseyita, m be i seyindi la i ñaama le, aduŋ i be dookuwo ke la n ye le. Niŋ i ka kuma kesoo le fo, a maŋ ke kuma kenseŋo ti, i be ke la n na diyaamulaa le ti. Moolu le be muru la ite kaŋ, bari ite te muru la itolu kaŋ.

Yeremiya 15:4

M be ì la kuwo ke la duniyaa mansamarali bankoolu bee ye masilaŋo le ti, Hesekiya dinkewo Manase kekuwo kaŋ, biriŋ a keta Yahuuda mansa ti Yerusalaamu saatewo kono.”

Yeremiya 18:11

Wo to saayiŋ, a fo Yerusalaamu saatee moolu ye, ka taa Yahuuda moolu bee ye ko: M be kuu jawoo le dadaa kaŋ ali kamma, aduŋ m be feeroo siti kaŋ ali kamma le. Ali yelema, moo-wo-moo ye bo a la kuu jawu kewo to, ali ye ali taaraŋ siloolu faliŋ, aniŋ ali kekuwolu.

Yeremiya 24:9

M be kasaaroo laa la ì kaŋ ne fo ì ye ke duniyaa mansamarali bankoolu bee ye silaŋo ti. Ì be ke la jutunna moolu le ti, ì ye ke moolu daa mansaali kumoo ti, ì ye ke jelefeŋolu ti, aniŋ ka ke moo dankariŋolu ti dulaalu bee to, ŋa ì bayi ka taa daamennu to.

Yeremiya 25:5

Ì ye a fo ali ye le ko, “Ali yelema saayiŋ, ali kiliŋ-wo-kiliŋ, ka bo ali la sila kuruŋolu niŋ ali la baara kuruŋolu kaŋ, fo ali si tu sabatiriŋ bankoo kaŋ, Yaawe ye meŋ dii ali niŋ ali mumuñolu la fo fawu.

Yeremiya 3:1

A fota le ko: “Niŋ kewo ye a la musoo bula, musoo bota a bulu, a naata ke kee doo la musoo ti, fo a si muru noo a kamma baŋ? Fo wo kuu siifaa te bankoo bee le kosondi la baŋ? Bari ite Banisirayila niŋ jamaa le be cakayaa kanoo la, silaŋ i si muru noo nte Yaawe* kaŋ ñaadii le?” Yaawe le ye a fo.

Yeremiya 3:12

Wo to taa, i ye ñiŋ kumoolu kankulaa Banisirayila ye, bankoo meŋ be maraa kara maafaŋo la ko: Muru naŋ, ite Banisirayila muritiriŋo.” Yaawe le ye a fo. “N te kamfaa la ka n ñaa kuyaa i kamma kotenke, kaatu m balafaa warata le.” Yaawe le ye a fo. “N te tu la kamfaariŋ fo fawu.

Yeremiya 3:14

Yaawe ye ñiŋ ne fo ko, “Ali muru naŋ, alitolu diŋ muritiriŋolu, kaatu nte le mu ali Maarii ti. M be ali tomboŋ na le ka ali murundi naŋ ali janjanta daamennu to. M be kiliŋ bondi la naŋ saatee-wo-saatee le, ka fula bondi naŋ kaabiila-wo-kaabiila, ka ali naati Siyoni*.

Yeremiya 3:22

Yaawe ko: “Muna ali muru naŋ, alitolu diŋ muritiriŋolu, m be ali la murutoo jaara la le. “Ali ko, ‘A fele, ǹ naata i kaŋ ne, kaatu ite le mu Yaawe ǹ na Alla ti.

Yeremiya 35:15

N tuta n na dookuulaalu annabiyomoolu kii la ali kaŋ ne luŋ-wo-luŋ. Ì ka ñiŋ ne fo ali ye ko, ali kiliŋ-kiliŋ naa ye bo ali la sila kuruŋolu kaŋ, ka ali kekuwolu faliŋ. Ali kana jalaŋolu nooma, ka ì batu. Wo le to ali be sabati la bankoo kaŋ, ŋa meŋ dii ali la, aniŋ ali mumuñolu. Bari ali maŋ ali tuloo loo n na, waraŋ ka soŋ i lamoyi la n na.

Yeremiya 36:3

A si ke, niŋ Yahuuda moolu ye kasaara kuwolu bee moyi, m pareeta ka mennu ke ì la, wo si a tinna le moo-wo-moo ye yelema ka bo a la sila kuruŋo kaŋ. Niŋ wo keta, n si yamfa ì la kuruŋyaa niŋ ì la junuboo la.”

Yeremiya 4:4

Alitolu Yahuuda niŋ Yerusalaamu moolu, ali ali sondomoo faŋo le sunna nte Yaawe ye. Niŋ wo nte, n na kamfaa si wuli ko dimbaa, a ye mala, moo te soto noo la ka a faa, ali la kuu jawu kewolu kamma la.”

Yeremiya 7:3

Yaawe Alihawaa Maariyo*, Banisirayila la Alla ye ñiŋ ne fo ko: Ali ali taañaalu faliŋ, aniŋ ali kekuwolu, wo to le m be ali bula la ka sabati ñiŋ bankoo kaŋ.

Yeremiya 7:5

Ali ñanta le ka ali taañaalu faliŋ, aniŋ ali kekuwolu. Ali tiliŋo taamandi ñoo teema.

Yeremiya 7:7

Niŋ ali ye wo yaamaroolu muta, m be ali bula la le ka sabati ñiŋ bankoo kaŋ jaŋ, ŋa meŋ dii ali la alifaa foloolu la biriŋ koomanto, ka ke ì taa ti fo abadaa.

Esekiyeli 11:18

Aduŋ niŋ ali muruta naŋ Banisirayila bankoo kaŋ, ali be wo jalaŋ batudulaalu buruka la le, ì ka wo kuu haraamuriŋolu ke daamennu to.

Esekiyeli 18:13

a ka dontoroo ke ka kañewo ñini jee, aniŋ a ka lankaŋ landatambiriŋo laa moolu kaŋ, fo ñiŋ moo siifaa ñanta baluu la le baŋ? Hanii, a maŋ ñaŋ na baluu la. A ñanta faa la a la wo kuu haraamuriŋ kewo le kamma, aduŋ a la saayaa dunoo be tara la laariŋ a faŋo le kaŋ.

Esekiyeli 43:9

Wo to saayiŋ ì si ì la jalaŋolu niŋ ì ye beroolu mennu loo ì la mansa furewolu ye, bondi m bala, bituŋ n si naa sabati ì kono fo abadaa.

Hoseya 14:1

Banisirayila, ali muru Yaawe* kaŋ, ali la Alla. Ali faŋolu la kuruŋyaa le ye ali boyindi.

Hoseya 2:2

“Ali ali baamaa jalayi, a maŋ ke n na musu ti kotenke, m maŋ ke a kee ti. Ali a jalayi, fo a si i dahaa cakayaa la, a ye jeenoo bula.

Hoseya 7:16

Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”

Yoweli 2:12

Bari hani saayiŋ, Yaawe ko: “Ali muru n kaŋ ali sondomoo bee la, ali niŋ suŋo, kumboo niŋ woosiyo.”

Jakariya 1:4

Ali kana ke ko ali mumuñolu. Annabiyomu foloolu ye nte Yaawe Alihawaa Maariyo la kumoo bankee ì ye le, fo ì si ì koo dii kuu kuruŋ kewo la, aniŋ ì la sila kuruŋolu. Bari ì maŋ i lamoyi n na sako ka ì hakiloo tu n na kumoolu to.

5 Musa 27:15

Dankoo be moo ye meŋ ye jalaŋo dadaa, waraŋ feŋ muluŋo, moo buloo ye meŋ dadaa, ka a batu kulloo kono. Kuu haraamuriŋo le mu Yaawe ñaatiliŋo la. Bituŋ moolu bee si a fo ko: Amiin.

5 Musa 4:30

Niŋ ali bulata mantooroo kono, bataa siifaa bee laata ali kaŋ, ali be ali faŋ seyi la Yaawe ali la Alla ma le ka a la yaamaroolu muta.

Yosuwa 24:14

Yosuwa tententa ka a fo ì ye ko, “Saayiŋ ali si sila Yaawe la, ali ye a batu soobeeyaa niŋ tiliŋo kono. Ali alla koteŋolu bee fayi, ali la alifaa foloolu be mennu batu kaŋ nuŋ Yufurati Boloŋo kankuŋ doo la aniŋ Misira. Ali ye Yaawe doroŋ batu!

Kiitindirilaalu 10:16

Bituŋ ì ye wo jalaŋolu bee landi kara la, ì ye ì ñaa tiliŋ Yaawe batoo la. A balafaata Banisirayilankoolu ye, ì la bataa kaŋ.

1 Samuweli 7:3

Bituŋ Samuweli ko Banisirayilankoolu bee ye ko, “Niŋ ali be muruŋ na Yaawe kaŋ niŋ ali sondomoo bee la, wo to ali ñiŋ alla koteŋolu, aniŋ Asitoreti* jalaŋolu fayi, ali ye ali ñaa tiliŋ Yaawe la ka a dammaa batu, bituŋ i si a je, a si ali bondi noo ñiŋ mantooroo kono, Filisitinkoolu ka meŋ ke ali la.”