Yeremiya 39:11 - Mandinka Bible

¹¹ Babiloni mansakewo Nebukanesa ye kaŋo dii kelediŋ kuntiyo Nebusaradani la nte Yeremiya la kuwo to le. A ko a ye le ko,

Yeremiya 39:11 Mawu Ofanana

Yuuba 5:15

Bari ate Alla, fuwaaroolu, a ka wolu tanka moo jawoolu neŋ jawoo ma le. Ate le ka moolu tanka, mennu be suuloo kono ka bo sembemaalu bulu.

Yuuba 5:16

Wo ñaama, fuwaaroolu si jikoo soto, tilimbaloo ye a daa soroŋ ñoo bala.

Yuuba 5:19

Ate le be i tanka la maasiiba kuwo ma waatoo bee la, kataa kuu te boyi la i kaŋ fereŋ.

Yeremiya 1:8

Kana sila ì la, kaatu m be tara la i fee le ka i tanka.” Yaawe le ye a fo.

Yeremiya 15:11

Yaawe ko: “A be koyiriŋ ne ko, m be i tankandi la daliila kende le kamma. A be koyiriŋ ne ko, m be a ke la le i jawoolu ye i maaneenee, maasiiboo niŋ mantooroo waatoo la.

Yeremiya 15:20

M be i ke la ñiŋ moolu ye le komeŋ tata sansaŋo meŋ dadaata newo la. Ì be i kele la le, bari ì te kuu noo la i ma, kaatu m be tara la i fee le, ka i kiisa aniŋ ka i tanka.” Yaawe le ye a fo.

Yeremiya 15:21

“M be i tankandi la moo kuruŋolu bulu le, ŋa i bondi tilimbaloolu la mutoo kono.”

Yeremiya 37:2

Bari Sedekiya niŋ a la mansakundaa dookuulaalu, ka taa bankoo moo koteŋolu maŋ soŋ ka i lamoyi kiilaariyaa kumoolu la, Yaawe* ye mennu fo ka bo niŋ nte Yeremiya la.

Yeremiya 40:1

Yaawe* la kumoo naata n kaŋ ne, kelediŋ kuntiyo Nebusaradani la m bula koolaa, Rama saatewo to. Wo keta waatoo le ti biriŋ a ye n samba, m be sitiriŋ joloo la, ka taa n niŋ Yerusalaamunkoolu niŋ Yahuuda moolu. Ì be ǹ samba kaŋ mutoo kono Babiloni.

Yeremiya 40:4

Saayiŋ, a juubee, ŋa i bula le bii ka i bondi joloolu daa, mennu be i buloolu la. Niŋ i lafita, ŋà taa ñoo la Babiloni, aduŋ m be i topatoo la le. Bari niŋ i maŋ lafi fanaa, i kana taa. Bankoo bee fele i ñaa koto. I si taa daa-wo-daa diyaata i ye.”

Yeremiya 52:12

Wo saŋo kari luulunjaŋo tili tanjaŋo la, a ye a tara Babiloni mansa Nebukanesa be a la mansayaa sanji taŋ niŋ konontonjaŋo le kono. Wo saŋo le mu Babiloni mansa kantalaa kelediŋolu la kuntiyo, Nebusaradani naata Yerusalaamu.

Kiilaalu 24:23

Bituŋ a ye kelediŋ kuntiyo yaamari ka Pawulu kanta bunjawoo kono, bari ì si kuwolu sooneeyandi a ye, aduŋ ì kana a teeroolu bali ka a la suuloolu topatoo.