Yeremiya 37:7 - Mandinka Bible

⁷ “Nte Yaawe, Banisirayila la Alla ye ñiŋ ne fo ko: Ali a fo Yahuuda mansakewo ye, meŋ ye ali kii ka naa yaamaroo ñini nte Yaawe bulu, ‘A juubee, Firawoona la kelediŋ kafoo, meŋ wulita ka naa ali maakoyi, sambii ì be seyi la Misira, ì la bankoo kaŋ.

Yeremiya 37:7 Mawu Ofanana

2 Mansoolu 22:18

Huluda tententa ka a fo ko, “Yahuuda mansa la karoo la, meŋ ye ali kii ka naa Yaawe ñininkaa, ali a fo a ye ko, ‘Yaawe Banisirayila la Alla ko, kumakaŋo la kuwo to, i ye meŋ moyi kitaaboo ñiŋ kono:

2 Mansoolu 24:7

Bituŋ Misira mansa maŋ finti keloo la kotenke ka bo naŋ a la bankoo kaŋ, kaatu Babiloni mansa ye bankoo bee muta le, meŋ tarata marariŋ nuŋ a bulu. Wo dulaa taata le ka bo Misira Wulumbaŋo to ka taa fo Yufurati Boloŋo to.

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Yesaya 30:7

Misira la maakoyiroo te nafaa soto la ì ye. Wo to saayiŋ, ŋa a kumandi Rahabu sooneeyaariŋo le la.

Yesaya 36:6

Fo a be jikiriŋ Misira mansa le la baŋ, wo meŋ ka munta le komeŋ taamaraŋ doko katiriŋo? Moo-wo-moo sujita a kaŋ ka maakoyiroo ñini, a be i soo la i buloo kono le komeŋ ñookala katiriŋo.

Yeremiya 2:18

Silaŋ, i be muŋ nafaa le soto la ka taa Misira, ka i miŋ Nayili Boloŋo jiyo la? I be muŋ nafaa le soto la ka taa Asiriya, ka i miŋ Yufurati Boloŋo jiyo la?

Yeremiya 2:36

Muŋ ne ye a tinna, i ye i faŋ kuŋo feeyandi yaayoo la taariŋ? Misira bankoo be bo la i koto le, ko Asiriya bankoo bota i koto ñaameŋ.

Yeremiya 2:37

I be bo la wo to fanaa le, i buloo ye tara laariŋ i kunto, kaatu i jikita mennu la, nte Yaawe ye wolu koŋ ne. I te ñaatotaa soto la wolu la maakoyiroo kaŋ.”

Yeremiya 21:1

Yaawe* la kumoo naata nte Yeremiya kaŋ, tuma meŋ na Mansa Sedekiya ye Malikiya dinkewo Pasihuri, aniŋ Maaseya dinkewo Piriisi* Sefaniya kii n kaŋ, ì ko n ye ko:

Yeremiya 21:2

“Dukaree, Yaawe ñininkaa ǹ ye, kaatu Babiloni mansakewo Nebukanesa be pareeriŋ ne ka m̀ boyinkaŋ keloo la. Tumandoo Yaawe be kaawakuwo ke la ǹ ye le ko, a ye a ñoŋ jamaa ke ñaameŋ koomanto. Niŋ wo keta, a be muru la a koo la le ka fata m̀ ma.”

Yeremiya 37:3

Mansa Sedekiya naata Yehukali kii, Selemiya dinkewo, aniŋ Piriisi* Sefaniya, Maaseya dinkewo ka a fo n ye ko: “Duwaa ka Yaawe, ǹ na Alla daani ǹ ye.”

Yeremiya 37:5

Wo waatoo la, Misira mansakewo Firawoona la kelediŋ kafoo le wulita ka bo naŋ Misira. A ye a tara le Babiloni kelediŋolu ye Yerusalaamu murubeŋ, ì ye a suki. Kabiriŋ ì ye a moyi ko, Misira kelediŋolu le ka naa ì kaŋ, ì ye Yerusalaamu bula, ì taata.

Yeremiya 37:6

Bituŋ Yaawe la kumoo naata n kaŋ ko:

Niikuyaa Suukuwolu 1:7

Hee Yerusalaamu, i hakiloo muruta i la sotofeŋ kummaalu kaŋ ne, i la ñiŋ mantooroo niŋ yaayi waatoo la, feŋolu mennu bee keta i taa ti kunuŋ tiloolu la. Kabiriŋ i la moolu dunta i konnantewolu buloo kono, i maŋ hani maakoyirilaa soto, i konnantewolu ye ì ñaawali le, ì jeleta i la boyoo la.

Niikuyaa Suukuwolu 4:17

Woyi nte! Ǹ tuta maakoyiroo koto fele la le, fo ǹ ñaalu korita. Ŋà koto feleroo ke banku le la meŋ maŋ ǹ tankandi noo.

Esekiyeli 17:17

Firawoona niŋ a la kelediŋ kafu baa, niŋ a sembe baa te a maakoyi noo la ñiŋ keloo kono, niŋ Babiloninkoolu ye seleraŋolu loo saatee tata sansaŋo bala, aniŋ ì ye seleraŋ sapoolu* loo, ka moolu niyolu kasaara.

Esekiyeli 29:16

Banisirayilankoolu nene te ì jikoo loo la Misirankoolu kaŋ kotenke. Ì hakiloo be bula la ì la junuboo la le, kabiriŋ ì taata Misirankoolu kaŋ deemaari ñinoo la. Wo kamma la, ì be a loŋ na le ko, nte le mu Yaawe ti, ì Maariyo.”

Esekiyeli 30:22

Wo kamma la, Maarii Yaawe ye ñiŋ ne fo ko: “M buloo be laa la Misira mansa Firawoona kaŋ ne, m be a buloolu kati la le, a wo bulu katiriŋo aniŋ a buloo meŋ maŋ kati, fo a la hawusaroo si joloŋ a bulu.