Yeremiya 34:8 - Mandinka Bible

⁸ Yaawe la kumoo naata nte Yeremiya kaŋ ne. Wo keta le, waati meŋ koolaa Mansa Sedekiya niŋ Yerusalaamu moolu bee ye kambeŋo siti ka joŋolu la fansotoo kankulaa ì ye.

Yeremiya 34:8 Mawu Ofanana

2 Mansoolu 11:17

Bituŋ Piriisi Yehoyada ye kambeŋo siti Yaawe niŋ mansa niŋ moolu teema, ñiŋ kamma la ì si ke Yaawe la moolu ti. A naata a siti mansa niŋ moolu fanaa teema.

2 Taarika 23:16

Bituŋ Yehoyada ye kambeŋo siti a niŋ moolu bee teema aniŋ mansa ko ì be ke la Yaawe la moolu le ti.

2 Taarika 29:10

“Saayiŋ ŋa ñiŋ ne ŋaniya ka kambeŋo siti, ǹ niŋ Yaawe teema, Banisirayila la Alla, fo a la jusukandoo si bo ntolu kaŋ.

Nehemiya 9:38

“Ñiŋ kuwo bee kamma la, ntolu Banisirayilankoolu ye kambeŋ bambandiŋo le siti niŋ safeeroo la, aduŋ ǹ na maralilaalu, Lewi lasiloo, aniŋ piriisoolu le ye a tampu ì tooyaa la.”

Yesaya 58:6

“Hanii, n lafita ñiŋ suŋ siifaa le la, ka tilimbaliyaa jolomaa firiŋ, ka yookoo* firiŋ moo toorariŋolu kaŋ, ì ye dahaa, aniŋ ka dunoo bee bondi moolu kaŋ.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Yeremiya 34:17

Wo kamma la, Yaawe ye ñiŋ ne fo ko: “Ali maŋ soŋ m ma. Ali maŋ soŋ na fansotoo dii la ali baadiŋ Banisirayilankoolu la. Wo to silaŋ, nte si fansotoo dii alitolu la, fansotoo meŋ be ke la ñiŋ ti: Ka ali faa niŋ hawusaroo la, alibalaa kuuraŋo, aniŋ konkoo. M be ali la kuwo ke la duniyaa bankoolu bee ye masilaŋo le ti.

3 Musa 25:10

Ka bo niŋ wo la, ali si sanji taŋ luulunjaŋo buuñaa. Ali si fansotoo kankulaa moo bee ye bankoo daa-wo-daa. A be ke la seyindiri waatoo le ti, luŋo meŋ na moo-wo-moo la keetaakenoo ñanta ka seyindi a ma. Moo-wo-moo fanaa be joŋyaa kono, ali ñanta a bula la le, ka a seyindi a la moolu ma.

5 Musa 15:12

Niŋ ali baadiŋ Hiburu musoo waraŋ kewo doo waafita ali ma joŋo ti, a ye dookuwo ke ali ye fo sanji wooro, sanji woorowulanjaŋo ali ñanta wo maarii firiŋ na le ka bo joŋyaa kono.