Yeremiya 33:9 - Mandinka Bible

⁹ Ñiŋ Yerusalaamu saatewo too si ke n ye seewoo ti, duniyaa banku koteŋolu bee ye n jayi, ka n horoma baake, niŋ ì ye a moyi nte ye kuu kendoo meŋ bee ke ñiŋ saatewo moolu ye. Wo moolu be kuu kendoo niŋ firiŋo je la le, ŋa meŋ dii ñiŋ saatewo la, fo ì ye sila ka jarajara.

Yeremiya 33:9 Mawu Ofanana

2 Taarika 20:29

Bituŋ Alla ñaasilaŋo dunta banku toomaalu bee la, kabiriŋ ì ye a moyi Yaawe ye keloo meŋ ke Banisirayila jawoolu la.

Nehemiya 6:16

Kabiriŋ ǹ jawoolu bee ye ñiŋ moyi, ǹ dandanna bankoolu bee le silata, aduŋ ì jikilateyita le. Kaatu ì ye a loŋ ne ko, ñiŋ dookuwo ke noota le ka bo niŋ ǹ na Alla la deemaaroo la.

Esita 8:17

Kumandaŋ banku-wo-kumandaŋ banku aniŋ saatee baa-wo-saatee baa, niŋ mansa la kankulaaroo futata jee, Yahuudoolu ka tara jusulaa niŋ seewoo le kono, aduŋ ì ka feetoo niŋ foñondiŋ luŋo soto le. Bituŋ moo jamaalu mennu bota sii doolu to naata ke Yahuudoolu ti, kaatu ì silata Yahuudoolu la kuwo la le.

Jabuuroolu 130:4

Bari ite le mu yamfalaa ti, wo le ye a tinna moolu ñanta sila la i la.

Jabuuroolu 40:3

A ye suukuu kutoo duŋ n daa ka ǹ na Alla jayi. Moo jamaa le be wo je la, ì ye masilaŋ, aduŋ ì be ì jikoo loo la Yaawe kaŋ ne.

Yesaya 43:21

m faŋo ŋa n na moolu mennu daa, fo ì si n jayi ka a janjandi taariŋ.

Yesaya 55:13

Niŋ ŋaniŋ suŋolu le ñanta faliŋ na, junipa yiroo aniŋ miritali yiroo si faliŋ. Ñiŋ kuwo be ke la taamanseeroo le ti nte Yaawe la horomoo kamma, aduŋ a be tu la le fo fawu, a te tiñaa la.”

Yesaya 60:5

I be ñiŋ je la le, kontaanoo ye i futufaa, seewoo kamma la, i be jarajara la le. Bankoolu la naafuloo be dii la i la le, ka bo fo baa kankuŋ doo la, ì bee la naafuloo be naa ite le kaŋ.

Yesaya 62:1

Siyoni* la kuwo le ye a saabu n te n deyi la, Yerusalaamu la kuwo le ye a tinna n te n dahaa la, fo niŋ a la tiliŋo malata ko fanikewo, a la kiisoo ye ke ko niŋ pacamoo le be mala kaŋ suutoo.

Yesaya 62:12

Ì be i la moolu kumandi la Moo Senuŋolu le la, Yaawe la Kumakaariŋolu. Ì be i kumandi la Lafinna Dulaa le la, aniŋ Saatee Tumbumbaloo.

Yesaya 62:4

Moolu te i kumandi la Tumbuŋo la kotenke, waraŋ Banku Tiñaariŋo. Ì be i kumandi la Kanuntee Saatewo le la, i la bankoo be muluŋ na le ko maañoo, kaatu Yaawe be kontaani la i la kuwo la le, aduŋ i la bankoo be ke la a taa le ti, ko maañoo ka ke a keemaa taa ti ñaameŋ.

Yesaya 62:7

Ali kana i foño, fo niŋ a ye Yerusalaamu loo fo a ye bambaŋ, a ye ke duniyaa ye jayiri dulaa ti.

Yesaya 64:2

Ko dimbaa ka loo mala ñaameŋ, aniŋ ka jiyo fajindi taa to, i la naa be bankoolu jarajarandi la niŋ silaŋo la wo le ñaama. Wo to i jawoolu be i too la waroo loŋ na le.

Yeremiya 13:11

Ko kulembeŋo ka tara nakiriŋ moo tewo bala ñaameŋ, ŋa Banisirayila niŋ Yahuuda nakindi m faŋ na wo le ñaama. Wo daliiloo mu ñiŋ ne ti fo ì si ke n na moolu ti, ka n too bondi, aniŋ ka jayiroo niŋ horomoo naati n kaŋ. Bari ì maŋ soŋ ka i lamoyi n na.” Yaawe le ye a fo.

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 24:6

M be n ñaa loo la ì kaŋ ka kuu kendoo le ke ì ye, aduŋ m be ì murundi la naŋ ñiŋ bankoo kaŋ ne. M be ì tutu la le, n te ì suloo wutu la, ŋa ì loo, n te ì boyi la.

Yeremiya 26:6

Niŋ ali maŋ i lamoyi n na, m be n na ñiŋ Batudulaa Buŋo buruka la le ko ŋa n na batudulaa ke ñaameŋ, meŋ tarata nuŋ Silo saatewo to. Wo to le m be ñiŋ saatewo ke la danka feŋo ti duniyaa banku koteŋolu bee ye.”

Yeremiya 29:1

Ñinnu le mu kumakaŋolu ti nte Yeremiya ye mennu safee ka ì kii ka bo Yerusalaamu ka taa alifaalu kaŋ, mennu tuta baluuriŋ, ì tarata mutoo kono, ì niŋ piriisoolu*, annabiyomoolu, aniŋ moolu bee. Nebukanesa ye wo moolu le samba mutoo kono, ka bo Yerusalaamu ka taa Babiloni.

Yeremiya 3:17

Wo waatoo la, ì be kali Yerusalaamu kumandi la Yaawe la Mansasiiraŋo le la. Duniyaa banku moolu bee be beŋ na jee le ka m batu n too la, aduŋ ì te bula la ì la sondome jaa niŋ kuruŋyaa nooma kotenke.

Yeremiya 3:19

“Nte Yaawe ko m faŋ ye le ko: Wo si nte seewoo, ka ali bulandi ñiŋ kontoo kono ko, n diŋolu le mu ali ti, ŋa ñaaboo bankoo dii ali la, bankoolu bee banku ñiimaa. Ŋa ñiŋ ne muta ko ali be n kumandi la ali Faamaa le la, aduŋ ali te muru la ka ali koo dii n na.

Yeremiya 31:14

M be piriisoolu* niyo balundi la niŋ domori kendoo le la, aduŋ n na beteyaa be n na moolu wasa la le.” Yaawe le ye a fo.

Yeremiya 31:4

M be i lookuu la le kotenke, ite, n Dimmusuriŋ* Banisirayila, aduŋ i be seyinkaŋ loo la le. I be i la tambuuroolu sika la le kotenke, i ye finti banta, i niŋ seewootoolu ye i doŋ.

Yeremiya 32:42

“Nte Yaawe ye ñiŋ ne fo ko: Ko ŋa ñiŋ kasaara kuwo meŋ bee naati ñiŋ moolu kaŋ, m be kuu kendoo fanaa bee naati la ì kaŋ wo le ñaama, ŋa meŋ laahidi ì ye.

Yeremiya 33:14

Yaawe ye ñiŋ ne fo ko: “Luŋolu be naa le, tuma meŋ m be n na laahidoolu timmandi la Banisirayila niŋ Yahuuda ye.

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

Yeremiya 44:8

Muŋ ne ye a tinna ali ye nte Yaawe kamfandi ka bo ali buloolu ye meŋ baara, ka cuuraayoo siisindi jalaŋolu ye Misira bankoo kaŋ, ali naata ka sabati daameŋ to? Wo be a tinna le ali be bono la ka ke danka moolu niŋ jelefeŋolu ti duniyaa banku moolu bee kono.

Yeremiya 49:25

Ì ye saatee too boriŋo le muta teŋ, niiseewoo saatee!

Esekiyeli 26:20

Wo waatoo la m be i samba la fureeduu le, i ye taa ka kafu wo moolu ma mennu faata i ñaa. M be i samba la laakira le, i ye taa sabati kasaara dulaalu to, aduŋ i te muru noo la naŋ kotenke ka naa dulaa soto bankoo to, moo baluuriŋolu be daameŋ.

Esekiyeli 36:35

Ì be a fo la le ko, ‘Ñiŋ dulaa meŋ kenseŋyaata nuŋ, a fele, a naata ke ko Edeni naakoo. Aduŋ wo saatee tumbundiŋolu fele, ì naata ì tatoolu lookuu aniŋ ì be faariŋ moolu la ñaameŋ!’

Esekiyeli 39:13

Moolu mennu bee be bankoo ñiŋ kaŋ be tara la ì baadee kaŋ ne. Wo le be horomoo niŋ buuñaa samba la naŋ ì kaŋ, wo luŋo meŋ na m be n na kallankeeyaa* yitandi la.” Maarii Yaawe le ye a fo.

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Jakariya 1:17

Malaayikoo tententa ka a fo n ye ko, “Ñiŋ kumoo fanaa kankulaa, Yaawe Alihawaa Maariyo ye meŋ fo. A ko, ‘Neemoo be woyi la n na saatewolu kono le. Yerusalaamu be ke la n na tomboŋ saatewo le ti kotenke, aduŋ m be Siyoni Konkoo moolu maakoyi la le.’ ”

Jakariya 12:2

“A fele, n ka naa Yerusalaamu ke mindaŋo ti a dandanna bankoolu ye. Ì be i miŋ na a la le, ì ye timili-tamali. Yahuuda fanaa be i miŋ na a la le, waatoo meŋ ì be tara la jawoolu maakoyi kaŋ ka Yerusalaamu suki.

5 Musa 30:5

Yaawe ali la Alla be ali samba la naŋ bankoo kaŋ ne, meŋ keta ali mumuñolu taa ti, fo a si ke ali taa ti. A be ali yiriwandi la, aniŋ ka ali yaatewo siyandi ka tambi ali mumuñolu la.