Yeremiya 33:4 - Mandinka Bible

⁴ Nte Yaawe, Banisirayila la Alla ye ñiŋ ne fo buŋolu la kuwo to, mennu be ñiŋ saatewo kono, aniŋ Yahuuda mansakee buŋolu la kuwo to, ì ye mennu janjaŋ ka ì jooraŋolu taa, ka saatewo sansaŋo bambandi,

Yeremiya 33:4 Mawu Ofanana

Yesaya 32:13

Ŋaniŋ sutoolu le be faliŋ kaŋ n na moolu la bankoo kaŋ. Ali woosii moolu la kuwo la, mennu be kontaaniriŋ nuŋ saatee seewooriŋo kono.

Yesaya 32:14

Mansabuŋo kenseŋo le be tu la jee, saatee duuriŋo ye tara kiideeriŋ. Tatoo niŋ kantari buŋo be ke la daafeŋolu la dinkiraa le ti fo abadaa. Faloolu si i bidibidi jee, a ye ke beeyaŋolu ye daañini dulaa ti,

Yeremiya 32:24

A juubee baŋ, Babiloninkoolu ye seleraŋolu loo le ka saatewo suki, fo ì si a muta. Hawusari keloo, konkoo, aniŋ alibalaa kuuraŋo be a tinna le ñiŋ saatewo ye duŋ ì bulu, mennu be a kele kaŋ. I ye meŋ fo, a keta le, aduŋ a fele, i faŋo ñaa be a kaŋ ne.

Yeremiya 6:6

Yaawe Alihawaa Maariyo* ye ñiŋ ne fo ko: “Ali yiroolu boyi, ali ye seleraŋ sapoolu* loo Yerusalaamu kamma. Ñiŋ saatewo ñanta le ka jarabi, kaatu tilimbaliyaa le be faariŋ a kono.

Niikuyaa Suukuwolu 2:7

Hee, Maariyo ñoorita a la sadaajanidulaa* la le, a ye a koo dii a Batudulaa Senuŋo la. A tata sansaŋolu, a ye ì duŋ jawoolu bulu. Ì wuurita Yaawe Batudulaa kono ì la ì noo kaŋ, komeŋ juurali maakaŋ baa.

Esekiyeli 21:22

Taamanseeroo be a yitandi la le ko a ñanta taa la bulubaa karoo le la ka taa Yerusalaamu. Wo kamma la a be kaŋo dii la le ka ì boyinkaŋ, a niŋ wuuroo ka moolu faa-faa laalaa, ka sansaŋ boyiraŋ doko baalu tiliŋ saatee dundaŋ daalu dandaŋo bee la, ka seleraŋolu fanaa loo saatee tata sansaŋo bala, aniŋ ka seleraŋ sapoolu* loo ko kelediŋolu ka a ke ñaameŋ niŋ ì ye saatewo suki.

Esekiyeli 26:8

A be i la santo saatee moolu bee kasaara la le. A be Tire saatewo suki la le, ka seleraŋolu loo saatee tata sansaŋo bala, aniŋ ì ye seleraŋ sapoolu* loo ko kelediŋolu ka a ke ñaameŋ niŋ ì ye saatewo suki. A be koteeroolu* bee parendi la i kamma le.

Esekiyeli 4:2

I be Yerusalaamu saatewo suki la teŋ ne. I ye kelediŋolu la daakaa loo a saatee tata sansaŋo dandaŋo bee la. I ye seleraŋolu fanaa loo saatee tata sansaŋo bala, aniŋ ì ye seleraŋ sapoolu* loo. I ye sansaŋ boyiraŋ doko baalu parendi a sansaŋo niŋ a dundaŋ daalu dandaŋo bee la.

Habakuki 1:10

Mansakewolu, ì ka wolu ñaawali le, maralilaalu, ì ye wolu ke jelefeŋolu ti. Tatoo, ì ka jele wo la le, ì ka bankoo le ke teputepoo ti, ì ye sele a la ka jee taa.

5 Musa 20:20

Bari yiroolu mennu buka domo, ali si wolu boyi noo le ka ke selenselendaŋolu ti, fo ali si duŋ noo saatee tatariŋo ñiŋ kono, ali be daameŋ kele kaŋ ka a taa.