Yeremiya 33:3 - Mandinka Bible

³ “N kumandi, m be i danku la le, m be kuu baalu fo la i ye le mennu be nukundiŋ, i maŋ ì loŋ.

Yeremiya 33:3 Mawu Ofanana

Jabuuroolu 145:18

Yaawe be sutiyaariŋ moolu la le mennu ka a kumandi, mennu ka a kumandi sondome seneyaa kono.

Jabuuroolu 25:14

Moolu mennu ye Yaawe kuliyaa, wolu le mu a la jiki moolu ti, aduŋ a ka a la kambeŋo koyindi ì ma le.

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

Jabuuroolu 91:15

Niŋ i ye n kumandi, m be n danku la i ma le. Niŋ i bulata mantooroo kono, m be tara la i fee le. M be i bondi la le, ŋa horomoo dii i la.

Yesaya 45:3

Naafulu nukundiŋolu aniŋ mennu be maaboriŋ kulloo kono, m be ì dii la i la le, fo i si a loŋ ko, nte le mu Yaawe ti, Banisirayila la Alla, meŋ ye i kumandi i too la.

Yesaya 48:6

Ali ye a moyi le ŋa meŋ fo, aduŋ ali ye a je le, a keta. Fo ali te soŋ na a la baŋ? “Ka bo saayiŋ na, kuu kutoolu mennu be ali ye kumpoo to, m be naa wo le fo la ali ye.

Yesaya 65:24

Janniŋ ì ka kumandiroo ke, m be n danku la le. Niŋ ì be diyaamu kaŋ n ye ì la suula kuwolu la, m be ì la duwaa jaabi la le.

Yeremiya 23:35

Meŋ ñanta, wo le mu moo-wo-moo kali a siiñoo niŋ a baadiŋo ñininkaa ko, Yaawe ye muŋ jaabiri le dii? Yaawe ye muŋ ne fo?

Yeremiya 29:12

Wo to le ali be n kumandi la, ali ye naa n kaŋ ka duwaa, aduŋ m be n danku la ali ma le.

Yeremiya 32:17

Hee Yaawe Alla, ite le ye saŋo niŋ bankoo daa ka bo niŋ i la sembe baa la, aduŋ i ye a ke niŋ i bulu sembemaa le la. Feŋ maŋ koleyaa ite fee.

Yeremiya 32:27

“A juubee, nte le mu Yaawe ti, hadamadiŋolu bee la Alla. Fo feŋ si koleyaa noo nte fee baŋ?

Daniyeli 2:18

A ko ì ye le ko, ì si duwaa ka Arijana Maarii daani balafaa la, aniŋ ka a daani ka mansa la siiboo kulloo yitandi ì la, i si a je ì te ì niŋ Babiloni moo ñaamendiŋ doolu faa la ñoo la.

Daniyeli 2:22

A ka kuwolu lankenemayandi le, mennu nukunta baake. Kuu-wo-kuu be diboo kono, a ye a loŋ ne, aduŋ maloo le ye a murubeŋ.

Daniyeli 2:23

M be i jayi la, m be i tentu la, ite meŋ mu m mumuñolu la Alla ti. I ye n so ñaameŋo niŋ semboo la le, aduŋ ŋa i daani meŋ na, i ye a yitandi n na le saayiŋ, kaatu i ye mansa la jaakali kuwo yitandi n na le.”

Yoweli 2:32

Bari moo-wo-moo, meŋ ye Yaawe too kumandi, wo be kiisa la le. Siyoni Konkoo niŋ Yerusalaamu, moolu be soto la jee le, mennu be kana la, aniŋ moo toomaalu fanaa, Yaawe ye mennu tomboŋ, ko Yaawe ye a laahidi ñaameŋ.”

Amosi 3:7

A be koyiriŋ ne lewu ko, Maarii Yaawe buka kuu ke, a ye a tara a maŋ a lankenemayandi a la dookuulaalu, annabiyomoolu ye.

Mika 7:15

Kaawakuwolu yitandi ǹ na, ko i ye a ke nuŋ tiloolu la ñaameŋ, biriŋ i ye i la moolu ñaatonkayaa ka bo Misira.

Matiyu 13:35

Ñiŋ keta le ka annabiyomoo la kumoo timmandi ko: “M be diyaamu la niŋ mansaaloolu le la. M be kuwolu le bankee la, mennu be maaboriŋ, kabiriŋ duniyaa daa waatoo la.”

Kiilaalu 2:21

Bari moo-wo-moo meŋ ye Maariyo too kumandi, wo be kiisa la le.’

1 Korintinkoolu 1:2

be Alla la kafoo moolu kontoŋ na, mennu be Korinti saatewo kono. M̀ be ali kontoŋ na, Alla ye mennu seneyandi ka bo niŋ Kiristu Yeesu la, a ye ali kumandi ka ke moo senuŋolu ti fo a si ali kafu moolu ma, mennu ka m̀ Maarii Yeesu Kiristu too kumandi daa-wo-daa baturoo kono ko ǹ ka a kumandi ñaameŋ.

Efesusinkoolu 3:20

Tenturoo niŋ jayiroo be ate le ye, meŋ ka kuwolu bee ke noo hani ka tambi, ǹ ka a daani mennu la, waraŋ ǹ ka mennu miira. Tenturoo be ate le ye, meŋ ka ñinnu bee ke semboo la, meŋ be dookuwo la ntolu kono.

5 Musa 4:29

Bari hani wo dulaa to, ali be Yaawe ali la Alla ñini la jee le ali sondomoo bee la aniŋ ali niyo bee la, aduŋ ali be a je la le.

5 Musa 4:7

Banku te keriŋ banku baalu niŋ bankundiŋolu kono, meŋ na alla sutiyaata a la, waraŋ ka i danku a la tarinke ko Yaawe, ntolu la Alla.

Lankenemoo 2:17

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be manna* maaboriŋo doo dii la a la le, aduŋ m be bere koyoo fanaa dii la a la le. Too kutoo be tara la safeeriŋ wo beroo bala le, moo-wo-moo te meŋ loŋ na, fo meŋ ye a soto.