Yeremiya 32:7 - Mandinka Bible

⁷ “A juubee, Hanameli be naa i yaa le, i bariŋ Sallumu dinkewo. A be a fo la i ye le ko, i ye a la kenoo saŋ, meŋ be Anatoti saatewo to, kaatu ite le mu baadiŋ sutuŋo ti meŋ ye siloo soto ka a saŋ.”

Yeremiya 32:7 Mawu Ofanana

1 Mansoolu 14:5

Bari Yaawe* ko Ahiya ye le ko, “Yerobowamu la musoo be naa i yaa le ka naa i ñininkaa a dinkewo la kuwo la, kaatu a saasaata le. I be a jaabi la teŋ niŋ teŋ ne. Niŋ a naata, a be a faŋ ke la le ko moo doo le mu.”

Yeremiya 1:1

Ñinnu mu Yeremiya la kumoolu le ti, Hilikiya dinkewo. A bota piriisoolu* le kono, mennu tarata Anatoti saatewo to, Benjamini tundoo kaŋ.

Yeremiya 11:21

Wo kamma la Yaawe diyaamuta kewolu la kuwo to le, mennu bota Anatoti, ì be siloo ñiniŋ kaŋ ka m faa. Ì ka a fo n ye le ko, “Kana kiilaariyaa kuma fo niŋ Yaawe tooyaa la, niŋ wo nte m̀ be i faa la le.”

Yeremiya 32:6

Wo tumoo le mu Yaawe la kumoo naata nte Yeremiya kaŋ ko:

Yeremiya 32:8

Bituŋ m bariŋ dinkewo Hanameli naata n kaŋ kelediŋ kantarilaalu la luwo to, ko Yaawe la kumoo ye a yitandi n na ñaameŋ. A ko n ye ko, “Dukaree n na kenoo saŋ, meŋ be Anatoti, Benjamini tundoo kaŋ, kaatu ite le mu baadiŋ sutuŋo ti meŋ ye siloo soto ka a saŋ, ka a ke i la sotofeŋo ti. A saŋ i faŋo ye.” Bituŋ ŋa a loŋ ko ñiŋ mu Yaawe la kumoo le ti.

3 Musa 25:23

Ali maŋ ñaŋ na ali la kene-wo-kene waafi la, ka bo ali taayaa to fereŋ, kaatu kenoo bee mu nte Yaawe le taa ti. Ali mu n ye tumarankewolu niŋ luntaŋolu doroŋ ne ti.

3 Musa 25:24

Ali ñanta le ka siloo dii moolu la ka ì la kenoolu kumakaa bankoo daa-wo-daa, meŋ be marariŋ ali bulu.

3 Musa 25:25

Niŋ ali baadiŋ Banisirayilankoo fuwaareyaata, fo a ye a la keetaakenoo waafi, a baadiŋ sutuŋo le ñanta naa la, a ye wo kenoo kumakaa a ye.

3 Musa 25:34

Bari kenoolu mennu be ì la saatewolu dandaŋo la ì ka beeyaŋolu daañini daameŋ, wolu maŋ ñaŋ na waafi la. Wolu mu ì taalu le ti fo fawu.

3 Musa 25:49

waraŋ a faandiŋ, waraŋ wo dinkewo, waraŋ a baadiŋ sutuŋ doo fanaa si a kumakaa noo le. Niŋ wo nte, niŋ a faŋo si sotoo ke noo, a si a faŋ kumakaa.

4 Musa 35:2

Banisirayilankoolu yaamari ì ye saatewolu dii, ka bo ì la keetaafeŋo to meŋ be ì bulu, ka ì dii Lewi lasiloo moolu la ka sabati ì kono. Ali si beeyaŋ daañini dulaalu fanaa dii ì la, ñiŋ saatewolu dandaŋolu la.