Yeremiya 32:17 - Mandinka Bible

¹⁷ Hee Yaawe Alla, ite le ye saŋo niŋ bankoo daa ka bo niŋ i la sembe baa la, aduŋ i ye a ke niŋ i bulu sembemaa le la. Feŋ maŋ koleyaa ite fee.

Yeremiya 32:17 Mawu Ofanana

1 Musa 18:14

Fo kaawakuu le sotota, Yaawe korita meŋ na baŋ? M be muru la naŋ i kaŋ jaari ñiŋ ñoŋ waatoo, aduŋ Saara be dinkewo soto la.”

2 Mansoolu 19:15

Wo le to Hesekiya duwaata Yaawe ñaatiliŋo la ka a fo ko, “M Maarii Yaawe, Banisirayila la Alla, meŋ be sabatiriŋ kerubu malaayikoolu* teema, ite doroŋ ne mu Alla ti duniyaa mansamarali bankoolu bee kaŋ. Ite le ye saŋo niŋ bankoo daa.

2 Mansoolu 3:18

Ñiŋ mu Yaawe ye kuundiŋ ne ti, kaatu a be naa Mowabi bankoo faŋo le duŋ na ali bulu.”

Nehemiya 9:6

“Ite Yaawe, ite doroŋ ne mu Maariyo ti, Daamansoo meŋ ye saŋ fatoolu daa, hani fo saŋ fata labaŋolu to, aniŋ ì kono malafeŋolu bee. I ye bankoo daa, aniŋ feŋ-wo-feŋ be baluuriŋ a kaŋ, i ye fankaasoolu daa, aniŋ daafeŋolu mennu bee be ì kono. Feŋo bee balundilaa mu ite le ti, aduŋ saŋo santo feŋo bee ka ite le batu.

Yuuba 42:2

“Saayiŋ ŋa a loŋ ne ko, i te kori la feŋ na, aduŋ feŋ te i la feere landiriŋolu ke noo la baayibaloo ti.

Jabuuroolu 102:25

Biriŋ koomanto ite le ye bankoo fondamaŋo laa, saŋ fatoolu mu i buloo la daaroo ti.

Jabuuroolu 136:12

A ye a ke niŋ a sembe baa le la, a la kanu bambaloo be tu la le fo abadaa.

2 Musa 20:11

Nte Yaawe ye saŋo niŋ bankoo, baa aniŋ a konokono feŋolu bee daa tili wooro le kono, bari tili woorowulanjaŋ luŋo la, ŋa n dahaa le. Wo kamma la, nte Yaawe ye neemoo jindi Loobula Luŋo la, ŋa a luŋo buuñaa fanaa.

Yesaya 42:5

Yaawe Alla ye saŋ fatoolu daa le, a ye ì wanka, a ye bankoo daa aniŋ a konokono feŋolu bee. Ate le fanaa ye niyo ke duniyaa moolu la, aniŋ ka baluwo dii ì la fo ì si tara noo ñiŋ duniyaa kono. A ye ñiŋ ne fo a la dookuulaa ye ko:

Yesaya 44:24

Yaawe ali Kumakaalaa meŋ ye ali daa wuluuñaŋo kono ko: “Nte le mu Yaawe ti, meŋ ye feŋolu bee daa, nte dammaa le ye saŋ fatoolu waree, aduŋ nte faŋo le ye duniyaa fanundi.

Yesaya 45:12

Nte le ye duniyaa daa, ŋa hadamadiŋo naati a kono. M faŋo buloo le ye saŋ fatoolu waree, ŋa malafeŋolu ke ì la palaasoolu to.

Yesaya 59:1

Tooñaa-tooñaa, Yaawe* buloo be sii la ali la le ka ali kiisa, a tuloo fanaa maŋ kuyaa ka ali moyi.

Yeremiya 1:6

Bari nte kumata le ko, “Hee Yaawe Alla, nte maŋ diyaamoo noo, kaatu m mu dindiŋo le ti.”

Yeremiya 14:13

Bari nte ye ñiŋ ne fo ko, “Hee Yaawe Alla, annabiyomoolu le ka ñiŋ kiilaariyaa kumoolu fo ì ye ko, ì ñaa te hani hawusari kele je la, waraŋ ka konko, kaatu Yaawe be a je la le ko, ì ye tu kayiroo kono jaŋ.”

Yeremiya 21:2

“Dukaree, Yaawe ñininkaa ǹ ye, kaatu Babiloni mansakewo Nebukanesa be pareeriŋ ne ka m̀ boyinkaŋ keloo la. Tumandoo Yaawe be kaawakuwo ke la ǹ ye le ko, a ye a ñoŋ jamaa ke ñaameŋ koomanto. Niŋ wo keta, a be muru la a koo la le ka fata m̀ ma.”

Yeremiya 27:5

Nte Yaawe le ye duniyaa daa ka bo niŋ n sembe baa la, aniŋ m bulu sembemaa la, ka taa hadamadiŋolu niŋ daafeŋolu mennu bee be a kono. Moo-wo-moo diyaata n ye, n ka a duŋ wo le bulu.

Yeremiya 32:27

“A juubee, nte le mu Yaawe ti, hadamadiŋolu bee la Alla. Fo feŋ si koleyaa noo nte fee baŋ?

Yeremiya 33:3

“N kumandi, m be i danku la le, m be kuu baalu fo la i ye le mennu be nukundiŋ, i maŋ ì loŋ.

Yeremiya 4:10

Wo to le nte Yeremiya ko, “Hee m Maarii Yaawe, tooñaa-tooñaa, ite ye ñiŋ moolu niŋ Yerusalaamu muumewo neenee le famfaŋ, ka a fo ko, ‘Ali be kayiroo soto la le,’ a ye a tara hawusaroo* be ǹ kaŋolu to!”

Yeremiya 51:15

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Yeremiya 51:19

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila lasiloo ke a la keetaafeŋo ti. A too mu Yaawe Alihawaa Maariyo le ti.

Esekiyeli 11:13

M be ñiŋ kiilaariyaa kumoolu fo kaŋ waati meŋ na doroŋ, Pelatiya, Benaya dinkewo boyita, a faata. Wo to le, ŋa m fayi bankoo to, m bitita n ñaadaa kaŋ, n wuurita santo ko, “M Maarii Yaawe, fo i be Banisirayila moo toomaalu bee turutumbuŋ na le baŋ?”

Esekiyeli 9:8

Ì be faaroo la waati meŋ na, nte dammaa le tuta looriŋ jee. Bituŋ ŋa m fayi bankoo to, m bitita n ñaadaa kaŋ, n wuurita, n lembata niikuyaa kamma la, n ko, “Hee Maarii Yaawe, fo i kamfaata Yerusalaamu kamma ñaameŋ, wo le be a tinna la i be maasiiboo kupi la naŋ ì kaŋ baŋ, ka moo bee turutumbuŋ?”

Daniyeli 2:22

A ka kuwolu lankenemayandi le, mennu nukunta baake. Kuu-wo-kuu be diboo kono, a ye a loŋ ne, aduŋ maloo le ye a murubeŋ.

Daniyeli 6:20

Kabiriŋ a futata jee, a niikuyaariŋo sarita, a ye kumandiroo ke, ka a fo ko, “Daniyeli, Alla baluuriŋo la dookuulaa! Fo i ka tu Alla meŋ batu la, a ye i tankandi jatoolu ma le baŋ?”

Jakariya 12:1

Yaawe* la kumoo fele, a ye meŋ lankenemayandi Banisirayila la kuwo to. Yaawe meŋ ye saŋ fatoolu wanka, a ye bankoo daa, a ye niyo duŋ hadamadiŋo la, a ye ñiŋ ne fo ko:

Jakariya 8:6

Yaawe Alihawaa Maariyo ye ñiŋ ne fo ko: Moo toomaalu mennu tuta ali kono saayiŋ si a miira ko, wo te ke noo la. Bari nte Yaawe Alihawaa Maariyo buka kori kuu la.

4 Musa 11:23

Yaawe ko Musa ye ko, “Fo nte Yaawe la semboo ye dandulaa le soto baŋ? Saayiŋ i si a juubee fo ŋa kumoo meŋ fo i ye be ke la tooñaa le ti baŋ, waraŋ fo a te ke la tooñaa ti.”

Matiyu 19:26

Bituŋ Yeesu ye ì juubee, a ko ì ye ko, “Hadamadiŋolu fee, wo te ke noo la, bari Alla ka feŋ-wo-feŋ ke noo le.”

Maaka 10:27

Yeesu ye ì juubee, a ko ì ye ko, “Hadamadiŋolu fee, wo te ke noo la, bari Alla fee, a be ke noo la le, kaatu Alla le ka feŋ-wo-feŋ ke noo.”

Luka 1:37

Feŋ te jee, Alla te meŋ ke noo la.”

Luka 18:27

Wo to le Yeesu ko ì ye ko, “Hadamadiŋolu te kuwolu mennu ke noo la, Alla ka wolu ke noo le.”

Kiilaalu 14:15

“Kewolu, muŋ ne ye a tinna ali be ñiŋ ke la? Ntolu mu hadamadiŋolu doroŋ ne ti ko ali be ñaameŋ. M̀ be kibaari betoo le kawandi kaŋ ali ye fo ali si ali koo dii ñiŋ kuu kenseŋolu la ka soŋ Alla baluuriŋo ma. Ate le ye saŋo niŋ bankoo daa, fankaasoo aniŋ a konokono feŋolu bee.

Kiilaalu 15:18

Maariyo le ye ñiŋ fo, ate meŋ ye ñiŋ kuwolu lankenemayandi kabiriŋ waati jaŋ koomanto.’

Kiilaalu 17:24

“Alla meŋ ye duniyaa daa, a niŋ feŋ-wo-feŋ meŋ be a kono, ate le mu saŋo niŋ bankoo Maariyo ti. A buka sabati buŋolu kono, mennu dadaata hadamadiŋolu buloo la,

Lankenemoo 4:11

“M̀ Maarii, ite le jarita tenturoo niŋ jayiroo la. Ǹ na Alla, horomoo niŋ semboo be ite le ye. Kaatu ite le ye feŋolu bee daa, daaroo bee naata soto i la lafoo le kaŋ.”