Yeremiya 30:10 - Mandinka Bible

¹⁰ “Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 30:10 Mawu Ofanana

1 Musa 15:1

Ñiŋ kuwolu bee boriŋo a la le mu, Yaawe* ye a la kumoo lankenemayandi Iburama ma jeroo kono. A ko a ye ko, “Iburama, kana sila, nte le mu i tankandirilaa ti. I la baraajoo be siyaabaa la le.”

Yesaya 14:3

Niŋ Yaawe ye dahaa dii ali la luŋo meŋ na, ka bo bataa kono, jaraboo aniŋ joŋyaa koleŋo,

Yesaya 35:9

Jata te tara la jee, sako daafeŋ saŋarariŋo si taama a kaŋ. Moo te ì je la jee. Moo kumakaariŋolu doroŋ ne be taama la jee.

Yesaya 43:5

“Ali kana sila, kaatu m be ali fee le. M be ali diŋolu bondi la naŋ tilibo karoo la, ŋa ali bee naati tilijii karoo la.

Yesaya 44:1

Yaawe* ko: “Banisirayilankoolu, ali i lamoyi n na, n na dookuulaalu, n na tomboŋ moolu, Yaakuba koomalankoolu.

Yesaya 44:2

Nte Yaawe meŋ ye alitolu daa, ŋa muluŋo ke ali la wuluuñaŋo kono, ali la maakoyilaa, ŋa a fo ali ye le ko, n na dookuulaa Yaakuba, n na tomboŋ moo Yesuruni, ali kana sila.

Yesaya 46:11

Ŋa kewo kumandi le ka bo banku jamfariŋo to, tilibo karoo la, ka n na dookuwo taamandi. A be jii la naŋ ne ko seeliŋo. Ŋa meŋ fo, m be wo le ke la, ŋa meŋ feere, m be wo le taamandi la.

Yesaya 46:13

M pareeta le ka n na tankoo sutiyandi naŋ, a maŋ jamfa, aduŋ n na kiisoo te mee la a be naa. M be Siyoninkoolu* kiisa la le, ŋa n na kallankeeyaa* dii Banisirayilankoolu la.”

Yesaya 49:12

A juubee, n na moolu be bo la naŋ dulaa jamfariŋolu le to, doolu be bo la naŋ maraa karoo le la, doolu ye bo naŋ tilijii, doolu ye bo fo Asuwani maafaŋo la.”

Yesaya 49:25

Bari Yaawe ye ñiŋ ne fo ko: “Tooñaa, mutamoolu si buusi noo kelejawaroolu bulu le, buusi feŋo ye seyi ka bo maralilaa saŋarariŋo bulu. Niŋ moolu wulita ka i kele, m fanaa be ì kele la le, aduŋ m be i diŋolu tanka la le.

Yesaya 54:4

“Kana sila, kaatu i te duŋ na malu kuwo kono. Kana jikilateyi, kaatu i te dooyaa soto la. I be ñina la maloo la le, meŋ keta i la i fondinkeemaa, aduŋ i hakiloo te bula la maloo la, biriŋ i keta furuyaamusoo ti.

Yeremiya 23:3

“Nte faŋo le be n na moo toomaalu bondi la naŋ bankoolu kaŋ, ŋa ì bayi ka taa daamennu to. M be ì murundi la naŋ ì taradulaa to le, aduŋ ì be jiidi la le ka siyaa.

Yeremiya 23:4

M be kantarilaalu bula la ì kunna le, mennu be kali ì topatoo la. Ì te sila la kotenke, ì kija te ì fara la, sako kiliŋ si fili ì kono.” Yaawe le ye a fo.

Yeremiya 23:6

A la waatoo la Yahuuda be tankandi la le, aduŋ Banisirayila be tara la sabatiriŋ tankoo le kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Yeremiya 23:8

Bari ì be kali a fo la le ko, ‘A be koyiriŋ ñaameŋ ko Yaawe be baluuriŋ ne, meŋ ye Banisirayila koomalankoolu bondi naŋ bankoo meŋ be maraa kara maafaŋo la, aniŋ bankoolu bee kaŋ a ye ì janjandi daamennu to.’ Bituŋ ì si tara siiriŋ ì fansuŋ bankoo kaŋ.”

Yeremiya 29:11

Kaatu ŋa a loŋ ne, ŋa feeroolu mennu soto ali ye, feeroolu mennu mu ali ye kayiroo ti, ì te ke la ali ye kooroo ti. Wo feeroolu le be ali la jikoo timmandi la ñaato siniŋ. Nte Yaawe le ye a fo.

Yeremiya 29:14

ali be n je la le. Nte Yaawe le ye a fo, aduŋ m be ali samba la naŋ ne ka bo bankoolu bee kaŋ, ŋa ali janjandi daamennu to. M be ali murundi la ali la firiŋo to le, ka ali murundi dulaa to ŋa ali bondi daameŋ ka ali samba mutoo kono.” Yaawe le ye a fo.

Yeremiya 3:18

Wo waatoo la, alitolu Yahuuda moolu be kafu la Banisirayila moolu ma le. Ali be naa ñoo la le ka bo bankoo to, meŋ be maraa kara maafaŋo la, ka naa bankoo kaŋ ŋa meŋ dii ali mumuñolu la keetaafeŋo ti.

Yeremiya 30:3

Kaatu luŋolu be naa le, m be n na moolu, Banisirayila niŋ Yahuuda murundi la ì la firiŋo kono. M be ì murundi la bankoo kaŋ ne, ŋa meŋ dii ì mumuñolu la, aduŋ ì be a taa la le kotenke, ka ke ì taa ti.” Yaawe le ye a fo.

Yeremiya 30:7

Kooni! Wo le be ke la luŋ baa ti. A ñoŋo te soto la. A be ke la Yaakuba koomoo ye jarabi waatoo le ti, bari ì be kiisa la a kono le.”

Yeremiya 33:16

Wo luŋolu la Yahuuda be kiisa la le, Yerusalaamu ye tara siiriŋ tankoo kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Esekiyeli 16:52

I la malu kuwo muña, kaatu ite le la junube kuwo jawuyaata ka tambi i baarimmusoolu la. Wo to ite le faŋo ye a ke, fo ì tilinta i ti. Itolu le la kiitiyo be sooneeyaa la ite taa ti. Wo to i si malu aniŋ i si i la malu kuwo muña.

Esekiyeli 38:11

ka a fo ko, ‘M be taa le ka ñapi wo bankoo saateeriŋolu kaŋ, ì maŋ mennu tata, aniŋ ka boyi moolu kaŋ mennu be tenkundiŋ kayiroo kono. Ì bee mu saatewolu le ti, mennu maŋ tata sansaŋo soto, sako daa tawundaŋo, waraŋ nee bantambiloo.

Daniyeli 12:1

Malaayikoo ñiŋ tententa ka a fo ko, “Wo waatoo la Mikayeli be finti la le, malaayika kuntii baa, meŋ ka i la moolu kanta. Mantoora waatoo be naa le, meŋ ñoŋo nene maŋ soto kabiriŋ Banisirayilankoolu keta ì fansuŋ bankoo ti, fo ka naa bula wo waatoo la. Niŋ wo waatoo siita, i la moolu mennu toolu be safeeriŋ baluwo kitaaboo kono, wolu be tanka la le.

Hoseya 2:18

Wo luŋo la, n niŋ wulakono daafeŋolu be kambeŋo siti la, ka taa kunoolu niŋ kuruntu feŋolu, fo ì kana n na moolu mantoora. Kalabeñoo, hawusaroo* aniŋ keloo be bo la bankoo kaŋ ne, i ye tankoo niŋ kayiroo soto.

Hoseya 2:20

M be i taa la n na musoo ti foroyaa le kono, aduŋ i be nte Yaawe loŋ na le.”

Hoseya 6:11

“Ite Yahuuda, i fanaa jarabi waatoo be siloo kaŋ ne.

Yoweli 2:21

“Kunku kenoolu, ali kana sila, ali kontaani, ali ye seewoo, kaatu Yaawe ye kuu baalu le ke!

Mika 4:9

“Wo to saayiŋ, muŋ kumboo kuu le laata i kaŋ? Fo i maŋ mansakewo le soto baŋ? Fo i la yaamarilaalu le banta baŋ, wo kuwo seleta i la, ko niŋ tiŋo be musoo la?

Jakariya 3:10

Wo luŋo la, ali be ali mooñoolu buuñaatoo kumandi la le ka sii kayiroo kono ali la wayini* yiroolu koto aniŋ ali la sooto suŋolu. Nte Yaawe Alihawaa Maariyo le ye a fo.’ ”

Yohana 12:15

“Dimmusuriŋ* Siyoni*, kana sila. A juubee, i la mansa be naa kaŋ, a be siiriŋ falindiŋo kaŋ.”