Yeremiya 3:3 - Mandinka Bible

³ Wo le ye samaa foloo jiyo bali naa la, aniŋ samaa labaŋ jiyo. Bari hani wo, cakoo la ñaajaa le be i la, i buka malu fereŋ.

Yeremiya 3:3 Mawu Ofanana

1 Musa 19:34

Wo saamoo dimmusu keebaa ko dindimmaa ye ko, “Nte niŋ m faamaa kafuta le ñiŋ suuto tambilaa. Ñiŋ suutoo fanaa, ŋà a mindi wayinoo la, bituŋ i fanaa si taa, i niŋ a ye kafu, fo ǹ si diŋo soto ka bo niŋ m̀ faamaa la.”

Nehemiya 9:17

Ì balanta le, ì ñinata i ye kaawakuwolu mennu ke ì ye. Ì la kanjaa kaŋ, ì ye ñaatonkoo tomboŋ, ka ì murundi ì la joŋyaa kono Misira. Bari ite mu Alla le ti, meŋ ka tu yamfa la, i hiinanteeyaata, i balafaa warata, i buka kamfaa juuna, aduŋ dandulaa te i la kanu bambaloo la. Wo kamma la i maŋ i koo dii ì la,

Kuma Kotoomaalu 21:29

Moo kuruŋo ka a faŋ fatiyandi le, bari moo tilindiŋo ka i miira le, janniŋ a ka kuu ke.

Yesaya 5:6

M be a ke la doodulaa nafantaŋo le ti, n te a yiribuloolu kuntu la n te a juwo koto bindee la. Ŋaniŋolu si faliŋ jee! M be saŋo yaamari la le, a kana samaa jindi jee.

Yeremiya 14:1

Yaawe* la ñiŋ kumakaŋo le naata nte Yeremiya kaŋ jaa la kuwo to:

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Yeremiya 14:3

A fankamaalu ye ì la dookuulaalu kii jiibiyo la, ì taata koloŋolu to, bari ì maŋ jii soto, ì niŋ ì la keraŋ kenseŋolu muruta naŋ. Ì maluta le fo ì keñaa bota ì kono, ì ye ì kuŋolu biti.

Yeremiya 14:4

Samaajiyo la kebaliyaa bankoo kaŋ, a ye a tinna le bankoo jaata kawu, senelaalu maluta katiri waatoo, ì ye ì kuŋolu biti.

Yeremiya 36:2

“Yeremiya, kitaabu moromororiŋo* taa, i ye kumoolu bee safee a kono, ŋa mennu fo Banisirayila niŋ Yahuuda ma, aniŋ duniyaa banku koteŋolu bee. A dati niŋ kumoolu la ŋa mennu foloo fo i ye koomanto, Yosiya la mansayaa waatoo kono, ka naa fo bii.

Yeremiya 5:24

Ì buka ñiŋ miira ì sondomoolu kono ko, ‘M̀ batu ŋà sila Yaawe ǹ na Alla la, ate meŋ ka samaajiyo dii a waatoo la, samaa foloo jiyo, samaa labaŋ jiyo, ka katiri sanjaanoolu jikoo dii ǹ na.’ ”

Yeremiya 5:25

Yaawe tententa ka a fo ko: “Ali la kuu kuruŋ kewo le ye ali bali ñinnu la, ali la junuboolu, wolu le ye ñiŋ kuu kendoolu baayi ali ye.

Yeremiya 5:3

Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

Yeremiya 6:15

Ì ye kuu ñewundiŋolu mennu ke, wolu ñanta ì malu la le, bari hanii, wo maŋ ì malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na le.” Yaawe le ye a fo.

Yeremiya 8:12

Ì ye kuu ñewundiŋolu mennu ke, wolu ñanta ì malu la le, bari hanii, ì maŋ malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na wo le fee.” Yaawe le ye a fo.

Yeremiya 9:12

Jumaa le la ñaameŋo ye a sii ka ñiŋ kuwo bee fahaamu, Yaawe ye a fo jumaa le ye, fo a maarii si a fataŋ-fansi moolu ye? Muŋ ne ye a tinna bankoo bee tumbunta fereŋ, a kenseŋyaata ko keñewuloo, aduŋ moo le faŋo buka tambi niŋ jee la?

Esekiyeli 3:7

Bari Banisirayilankoolu te soŋ na i lamoyi la i la, kaatu ì maŋ soŋ ka i lamoyi nte faŋo la. Ì mu moo kuŋ jaaroolu le ti, ì sondomoolu fanaa jaata le.

3 Musa 26:19

M be ali semboo tiñaa la le, ka ali la faŋ waroo daŋ. M be saŋo palanteeroo soroŋ na ali kunto le, bankoo ye jaa ko newo.

Amosi 4:7

Ŋa ali bali samaa fanaa la, biriŋ sanjaanoo dasata kari saba. N ka samaa ke saatee doo to, ŋa saatee doo bali. Samaa ka ke kunku doo to, doo buka a soto, a ye jaa.

Amosi 4:8

Moolu timili-tamalita saatee niŋ saatee teema jiiñinoo la, bari ì buka jiyo soto ka i miŋ ì sawoo la. Bari hani wo bee, ali maŋ soŋ muru la n kaŋ.” Yaawe le ye a fo.

Sefaniya 2:1

Alitolu banku moo malubaloolu, ali ali faŋo loŋ, ali ye ali faŋ kaañaŋ,

Sefaniya 3:5

Bari Yaawe meŋ ka tara Yerusalaamu saatewo kono, wo tilinta le, tilimbaliyaa, a buka wo ke. A ka a la kiitiyo siloo yitandi le soomandaa-wo-soomandaa, luŋ buka baayi. Bari moo kuruŋo maŋ a loŋ meŋ mu malu kuwo ti.

Hakayi 1:11

Wo le ye a tinna ŋa jaa kili bankoo kaŋ, aniŋ konkoolu kaŋ. A be feŋolu bee le maa la, mennu keta siimaŋ kesemaalu ti, wayini* yiri kankaŋolu, wayini kutoo ka bo daameŋ, olifu* yiri kankaŋolu, tuloo ka bo daameŋ, ka taa bankoo ka fiifeŋ-wo-fiifeŋ wuluu, aniŋ hadamadiŋolu niŋ beeyaŋolu, aniŋ ali ka feŋ-wo-feŋ sene ali buloolu la.”

5 Musa 28:23

Saŋo palanteeroo si soroŋ ali kunto, bankoo ye jaa ko newo.

Hiburunkoolu 12:25

Ali ali hakiloo tu, fo ali kana balaŋ wo maarii ma, meŋ be diyaamu kaŋ ali ye. Moolu mennu balanta Musa ma, meŋ ka ì dandalaa duniyaa kono jaŋ nuŋ, wolu maŋ kanadaa soto. Ntolu be kanadaa soto la ñaadii le, niŋ ŋà ǹ ñaa kaasi ate la, meŋ be ǹ dandalaa kaŋ ka bo Arijana kono?