Yeremiya 3:21 - Mandinka Bible

²¹ Wuurikaŋo bota naŋ konkoolu kaŋ, Banisirayilankoolu le kumboo kaŋo mu, aniŋ ì woosiikaŋo, kaatu ì ye kuruŋyaa le ke ì taaraŋ siloo ti, ì ñinata Yaawe ì la Alla la.

Yeremiya 3:21 Mawu Ofanana

Yuuba 33:27

Wo moo siifaa si a fo noo a mooñoolu ye le ko, “Nte ŋa junube kuwo le baara, ŋa tooñaa nakari, bari a maŋ joo n to.

Kuma Kotoomaalu 10:9

Moo meŋ maŋ sootaari soto ka tara tankoo le kono, moo jenkeriŋo wo ka waañaari le.

Kuma Kotoomaalu 19:3

Moo faŋo la tooleeyaa le ka a duŋ kasaaroo kono, bari hani wo, a ka a laa Yaawe* le kaŋ.

Yesaya 15:2

Diboninkoolu taata ì la batudulaa to le, ì la batudulaa tintiŋolu* to ka woosii, Mowabinkoolu lembata Nebo niŋ Medeba la kuwo la. Ì ye ì kuŋolu bee nunku le, ì ye ì booraalu bee lii niikuyaa kamma.

Yesaya 17:10

Kaatu ali ñinata Alla la le, ali Kiisandirilaa, ali hakiloo maŋ bula ali la semberaŋ beroo la, ali la tatoo. Ali ye fiifeŋ ñiimaalu tutu, ka bantala jalaŋo batu.

Yesaya 57:11

“I silata jumaa le la, fo i ka faniyaa fo n ye? I ñinata n na le, i hakiloo faŋo maŋ m maa. M meeta deyiriŋ baake le, fo wo le ye a tinna i maŋ sila n na baŋ?

Yeremiya 12:12

Kasaaralilaalu naata niŋ keñewula tintiñaalu bee le la. Nte Yaawe ye keloo le naati niŋ hawusaroo* la, ka bankoo kasaara biriŋ tonkoŋ fo tonkoŋ. Moo te kayira soto la.

Yeremiya 13:25

Wo le be ke la i la dunoo ti, ŋa meŋ sumaŋ ka a ke i niyo ti, kaatu i ñinata n na le, i laata faniyaalu la.” Yaawe le ye a fo.

Yeremiya 18:15

Bari nte la moolu ñinata n na le, ì ka cuuraayoo siisindi jalaŋ kenseŋolu ye. Wolu le ye ì takindi ì taaraŋ siloolu kaŋ, ka bo ì la sila kotoo kaŋ, ì ye lamfee siloolu taa, ì buka taa sila fanuŋ baa la kotenke.

Yeremiya 2:32

Fo sunkutoo ka ñina a la ñara feŋolu la le baŋ, waraŋ maañoo ye ñina a la maañoo feŋolu la? Bari nte la moolu ñinata n na ñaameŋ, wo luŋolu te yaatee noo la.

Yeremiya 3:2

A ko: “I ñaa wuli i ye konkoolu kaŋ juubee baŋ! Fo wo dulaa le be jee, ì maŋ i laañooyaa daameŋ? I ka sii sila dandaŋolu le la, ka tara baturoo la, i niŋ meŋ be kanoo ke la, i ka munta ñapinkannaa meŋ ka biti moolu kamma keñewuloo* kono. I ye bankoo kosondi le, ka bo i la cakayaa niŋ kuruŋyaa la.

Yeremiya 31:9

Ì ñaajiitoo le be naa, ì be tara la duwaa le la, niŋ m be ì tambindi kaŋ ka seyi. M be ì samba la niŋ woyoolu dandaŋo le la, sila deerariŋolu kaŋ, ì te taki la daameŋ, kaatu m mu Banisirayila Faamaa le ti, n dinkee foloo le mu Efurayimu ti.

Yeremiya 7:29

“Yerusalaamunkoolu, ali ali kuntiñoo lii ka a fayi, saŋakumboo kamma la. Ali saŋawoosiyo ke konkoolu santo. Kaatu Yaawe ye alitolu ñiŋ jamaanoo moolu bula le, a ye a koo dii ali la, aduŋ a be kamfaariŋ ali kamma le.”

Esekiyeli 23:35

Maarii Yaawe ye ñiŋ ne fo ko: “Baawo i ñinata n na le, i ye i koo dii n na. Wo kamma la, i la ñiŋ malubaliyaa niŋ i la cakayaa kuluuroo dunoo taa.”

Esekiyeli 7:16

Niŋ moo-wo-moo kanata ka baluu, a be tara la konkoolu le kaŋ. Moo-wo-moo be tara la woosii la a la junuboolu le la, ko wulumbaŋ kono puraa.

Hoseya 13:6

Ŋa ali daañini fo ali konoo faata. Ali konoo faata doroŋ, ali ye ali faŋ wara, bituŋ ali ñinata n na.

Hoseya 8:14

“Banisirayila ñinata a Daamansoo la le, a ye buŋ ñiimaalu loo. Yahuuda ye saatee jamaa tata, bari m be dimbaa le jindi la naŋ ì kaŋ, ka ì la tatoolu jani.”

Mika 3:9

Ali i lamoyi ñiŋ na, alitolu Yaakuba koomalanka maralilaalu, alitolu Banisirayila ñaatonkoolu, alitolu tooñaakoŋ moolu, alitolu mennu ka tooñaa nakari.

4 Musa 22:32

Yaawe la malaayikoo ye a ñininkaa ko, “Muŋ ne ye a tinna i ye i la faloo lipa ñiŋ siiñaa saboo la? Nte naata jaŋ ka ite le ñaato kuntu, kaatu i la siloo maŋ ke sila kende ti nte ñaa koto.

2 Korintinkoolu 7:10

Kaatu niŋ Alla ye i sunundi, wo sunoo ka tuuboo le saabu, meŋ ka moo naati kiisoo to. Wo sunoo buka nimisoo saabu. Bari sunoo duniyaa ka meŋ dii, wo ka saayaa le saabu.