Yeremiya 3:2 - Mandinka Bible

² A ko: “I ñaa wuli i ye konkoolu kaŋ juubee baŋ! Fo wo dulaa le be jee, ì maŋ i laañooyaa daameŋ? I ka sii sila dandaŋolu le la, ka tara baturoo la, i niŋ meŋ be kanoo ke la, i ka munta ñapinkannaa meŋ ka biti moolu kamma keñewuloo* kono. I ye bankoo kosondi le, ka bo i la cakayaa niŋ kuruŋyaa la.

Yeremiya 3:2 Mawu Ofanana

1 Musa 38:14

A ye a la furuyaa feŋolu wura. Bituŋ a ye a ñaadaa muuri bitiraŋ faanoo la, meŋ si a tinna moo te a suutee noo la. A siita Enayimu saatewo dundaŋ daa* to siloo kaŋ, meŋ ka taa Timuna. A ye a kalamuta le ko, Sela menta le, bari hani wo ì maŋ a futundi a ye, ka ke a keemaa ti.

1 Mansoolu 11:3

A ye musu keme woorowula le soto mennu mu mansariŋolu ti, aniŋ kaŋ foroyandi musu* keme saba, aduŋ a la musoolu le ye a filindi.

2 Mansoolu 23:13

A ye batudulaa tintiŋolu tiñaa le, Mansa Sulemani ye mennu loo Yerusalaamu ye tilibo karoo la, Junube Konkoo ye bulubaa karoo la, ka jalaŋ ñewundiŋolu batu jee. Wo jalaŋolu le mu Asitoreti* ti, Sidoninkoolu la jalaŋo, Kemosi, Mowabinkoolu la jalaŋ ñewundiŋo, aniŋ Moleki, Ammoninkoolu la jalaŋ jawu baa.

Jabuuroolu 106:38

Ì ka ì faŋolu dinkewolu niŋ ì dimmusoolu faa, mennu maŋ kuu ke, ka ì bondi sadaa ti Kanaani jalaŋolu ye, aduŋ wolu yeloo ye a tinna le bankoo kosota.

Kuma Kotoomaalu 23:28

A ka tara denderiŋ ne komeŋ ñapinkannaa, aduŋ a ka moo tilimbaloolu siyandi le.

Kuma Kotoomaalu 7:11

Ñiŋ musoo maakaŋo be warariŋ, a maloo be dooyaariŋ, a buka sabati suwo kono,

Yeremiya 12:12

Kasaaralilaalu naata niŋ keñewula tintiñaalu bee le la. Nte Yaawe ye keloo le naati niŋ hawusaroo* la, ka bankoo kasaara biriŋ tonkoŋ fo tonkoŋ. Moo te kayira soto la.

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Yeremiya 2:23

A ko: “I si a fo noo ñaadii le ko, i maŋ i faŋ kosondi, ko i maŋ bula Baali jalaŋo nooma ka i faŋ kosondi? A juubee, i ka maañaa meŋ ke wulumbaŋo kono, i ye i miira i ye kuwolu mennu ke. I ka munta le ñonkome yeerewo, waamoo ye meŋ maa, a be boriŋ-boriŋ na taariŋ,

Yeremiya 2:7

Ŋa ali samba naŋ banku kendiŋo le kaŋ, fo ali si i munafaŋ a fiifeŋolu niŋ a feŋ kendoolu la. Bari kabiriŋ ali naata, ali ye n na bankoo kosondi le, ka n na keetaafeŋo ke feŋ ñewundiŋo ti.

Yeremiya 3:1

A fota le ko: “Niŋ kewo ye a la musoo bula, musoo bota a bulu, a naata ke kee doo la musoo ti, fo a si muru noo a kamma baŋ? Fo wo kuu siifaa te bankoo bee le kosondi la baŋ? Bari ite Banisirayila niŋ jamaa le be cakayaa kanoo la, silaŋ i si muru noo nte Yaawe* kaŋ ñaadii le?” Yaawe le ye a fo.

Yeremiya 3:13

Ali soŋ ali la boyidaa la doroŋ ko ali balanta nte Yaawe ali la Alla le ma. Ali ye siloo dii banku koteŋ jalaŋolu le la, ka wolu kanuñooyaa yirisuŋ biireeriŋolu meŋ-wo-meŋ koto, ali maŋ soŋ ka n na kumakaŋo muta.” Yaawe le ye a fo.

Yeremiya 3:21

Wuurikaŋo bota naŋ konkoolu kaŋ, Banisirayilankoolu le kumboo kaŋo mu, aniŋ ì woosiikaŋo, kaatu ì ye kuruŋyaa le ke ì taaraŋ siloo ti, ì ñinata Yaawe ì la Alla la.

Yeremiya 3:9

Cakayaa maañaa maŋ ke Banisirayila ñaa koto feŋ ti, wo le ye a tinna a ye bankoo kosondi. A ye jeenoo le ke ka bo niŋ jalambatoo la, biriŋ a bere jalaŋ, fo a yiri jalaŋ.

Yeremiya 7:29

“Yerusalaamunkoolu, ali ali kuntiñoo lii ka a fayi, saŋakumboo kamma la. Ali saŋawoosiyo ke konkoolu santo. Kaatu Yaawe ye alitolu ñiŋ jamaanoo moolu bula le, a ye a koo dii ali la, aduŋ a be kamfaariŋ ali kamma le.”

Esekiyeli 16:16

I ye i la duŋ feŋolu le faŋo taa ka wo jalaŋ batudulaa tintiŋolu* ñarandi ì la, i ka i la cakayaa kuwolu taamandi daamennu to. Ñiŋ kuu siifaa maŋ ñaŋ na ke la muumeeke.

Esekiyeli 20:28

Kabiriŋ ŋa ì samba naŋ bankoo kaŋ ŋa ì laahidi ka daameŋ dii ì la, ì ye n kamfandi jee to le. Kaatu ì ka beeyaŋ sadaalu bondi jalaŋ batudulaalu le to konko jaŋolu kaŋ santo aniŋ yiri biireeriŋolu koto taariŋ. Aduŋ ì ka cuuraayi seera diimaalu le siisindi ì la jalaŋolu ye jee ka ì seewondi, ì ka miŋ feŋ sadaalu fanaa boŋ wo sadaabodulaalu* to jee le.

Hoseya 2:5

Kaatu ì baamaa ye cakayaa le ke, ate, meŋ ye ì konoo taa, a ye malubaliyaa le ke. A ka a fo le ko, ‘M be bula la n kanuntewolu nooma le. Itolu le ka domoroo niŋ jiyo dii n na, sitifeŋolu, olifu* tuloo aniŋ wayinoo*.’

Luka 16:23

Fankamaa naata tara yankankatoo kono laakira. A ye santo juubee, a ye Iburayima hayinaŋ, Lasarus be a fee.

5 Musa 12:2

Ali ka taa bankoo meŋ taa teŋ, a moolu ka alla koteŋolu le batu. Ali ñanta ì la batudulaalu bee le tumbuŋ na fereŋ, mennu be konko baalu kaŋ waraŋ konkoriŋolu, aniŋ yirisuŋ biireeriŋolu koto.