Yeremiya 3:12 - Mandinka Bible

¹² Wo to taa, i ye ñiŋ kumoolu kankulaa Banisirayila ye, bankoo meŋ be maraa kara maafaŋo la ko: Muru naŋ, ite Banisirayila muritiriŋo.” Yaawe le ye a fo. “N te kamfaa la ka n ñaa kuyaa i kamma kotenke, kaatu m balafaa warata le.” Yaawe le ye a fo. “N te tu la kamfaariŋ fo fawu.

Yeremiya 3:12 Mawu Ofanana

1 Musa 4:7

Niŋ i ye kuu kendoo le ke, fo i la kuwo te muta la baŋ? Bari niŋ i maŋ kuu kendoo ke, junuboo le be tara la laariŋ i ñaato ka i batu. A la lafinna kuwo be ke la ñiŋ ne ti, ka i mara, bari ite le ñanta ate mara la.”

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Mansoolu 17:23

fo labaŋo la Yaawe ye ì bayi ka bo a ñaatiliŋo la, ko a ye ì dandalaa ñaameŋ ko a be wo le ke la, ka bo niŋ a la dookuulaalu la, annabiyomoolu. Bituŋ Banisirayilankoolu naata taa mutoo kono Asiriya bankoo kaŋ, ì tarata daameŋ ka naa bula bii la.

2 Mansoolu 17:6

A ye Samariya saatewo muta Hoseya la mansayaa sanji konontonjaŋo le kono. A ye Banisirayilankoolu muta, a ye ì samba Asiriya bankoo kaŋ. A ye ì sindi Hala saatewo to, Kosani tundoo kaŋ, Habori Boloŋo daala, aniŋ Mediyankoolu la saatewolu to.

2 Mansoolu 18:1

Ela dinkewo Hoseya la mansayaa sanji sabanjaŋo Banisirayila bankoo kaŋ, wo saŋo le mu Ahasi dinkewo Hesekiya keta Yahuuda mansa ti.

2 Taarika 29:10

“Saayiŋ ŋa ñiŋ ne ŋaniya ka kambeŋo siti, ǹ niŋ Yaawe teema, Banisirayila la Alla, fo a la jusukandoo si bo ntolu kaŋ.

2 Taarika 30:9

Niŋ ali muruta naŋ Yaawe kaŋ, mennu ye ali baadiŋolu niŋ ali diŋolu muta, ì be balafaa soto la ì ye le, aduŋ ì be muru la naŋ ñiŋ bankoo kaŋ ne, kaatu Yaawe, ali la Alla balafaa warata, aduŋ a hiinanteeyaata. Niŋ ali muruta naŋ a kaŋ, a te a koo dii la ali la muk.”

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Jabuuroolu 103:8

Yaawe balafaa warata le, a hiinanteeyaata. A buka kamfaa juuna, a la kanu bambaloo maŋ dandulaa soto.

Jabuuroolu 103:9

A buka tu a la moolu jalayi la, sako ka tu kamfaariŋ ì kamma fo abadaa.

Jabuuroolu 145:8

Yaawe hiinanteeyaata le, aduŋ a la balafaa warata, a buka kamfaa juuna, a la kanu bambaloo maŋ dandulaa soto.

Jabuuroolu 79:5

Hee Yaawe*, janniŋ muŋ tuma le mu? Fo i be tu la kamfaariŋ m̀ fee le fo abadaa? Fo ǹ na kuwo diminnaa be tu la i kono le ko dimbaa?

Jabuuroolu 86:15

Bari Maariyo, ite mu Alla le ti meŋ balafaa warata, aduŋ i hiinanteeyaata, i buka kamfaa juuna, i la kanu bambaloo niŋ i la tiliŋo maŋ dandulaa soto.

Jabuuroolu 86:5

Maariyo, ite beteyaata le, aduŋ i ka yamfa, i ka tu kanu bambaloo le yitandi la moolu la mennu ka i daani.

Kuma Kotoomaalu 28:13

Moo meŋ ka a la junube kuwo maabo, te ñaatotaa soto la, bari moo-wo-moo sonta a la junuboo la, a ye a koo dii a la, a be yamfoo soto la le.

Yesaya 31:6

Hee Banisirayilankoolu, ali muru Yaawe kaŋ, alitolu mennu ye jamfaa baa tiliŋ a la.

Yesaya 44:22

Ŋa ali la kuu jawoolu bondi le komeŋ minaayoo, ali la junuboolu komeŋ soomandaa tuutuwo. Ali muruŋ n kaŋ, kaatu ŋa ali kumakaa le.”

Yeremiya 11:6

Yaawe naata a fo n ye ko, “Ñiŋ kumakaŋolu bee kankulaa Yahuuda saatewolu kono, aniŋ Yerusalaamu mbeedoolu kaŋ ka a fo ì ye ko, ì ye i lamoyi n na kambeŋo kumakaŋolu la, ì ye ì ke.

Yeremiya 12:15

Bari niŋ ŋa wo ke wo banku moolu la fokabaŋ, m be naa balafaa la ì ye le, ŋa ì murundi ì fansuŋ bankoolu kaŋ, meŋ-wo-meŋ a bota daameŋ to.

Yeremiya 23:8

Bari ì be kali a fo la le ko, ‘A be koyiriŋ ñaameŋ ko Yaawe be baluuriŋ ne, meŋ ye Banisirayila koomalankoolu bondi naŋ bankoo meŋ be maraa kara maafaŋo la, aniŋ bankoolu bee kaŋ a ye ì janjandi daamennu to.’ Bituŋ ì si tara siiriŋ ì fansuŋ bankoo kaŋ.”

Yeremiya 3:1

A fota le ko: “Niŋ kewo ye a la musoo bula, musoo bota a bulu, a naata ke kee doo la musoo ti, fo a si muru noo a kamma baŋ? Fo wo kuu siifaa te bankoo bee le kosondi la baŋ? Bari ite Banisirayila niŋ jamaa le be cakayaa kanoo la, silaŋ i si muru noo nte Yaawe* kaŋ ñaadii le?” Yaawe le ye a fo.

Yeremiya 3:14

Yaawe ye ñiŋ ne fo ko, “Ali muru naŋ, alitolu diŋ muritiriŋolu, kaatu nte le mu ali Maarii ti. M be ali tomboŋ na le ka ali murundi naŋ ali janjanta daamennu to. M be kiliŋ bondi la naŋ saatee-wo-saatee le, ka fula bondi naŋ kaabiila-wo-kaabiila, ka ali naati Siyoni*.

Yeremiya 3:18

Wo waatoo la, alitolu Yahuuda moolu be kafu la Banisirayila moolu ma le. Ali be naa ñoo la le ka bo bankoo to, meŋ be maraa kara maafaŋo la, ka naa bankoo kaŋ ŋa meŋ dii ali mumuñolu la keetaafeŋo ti.

Yeremiya 3:22

Yaawe ko: “Muna ali muru naŋ, alitolu diŋ muritiriŋolu, m be ali la murutoo jaara la le. “Ali ko, ‘A fele, ǹ naata i kaŋ ne, kaatu ite le mu Yaawe ǹ na Alla ti.

Yeremiya 3:5

I ka a fo ko, ‘Fo a be tu la kamfaariŋ n kamma le, ka tu kamfaariŋ n kamma fo fawu?’ A fele, i ka wo doroŋ ne fo, bari i ye kuu kuruŋo bee le ke, i ye meŋ noo.”

Yeremiya 3:7

Ŋa a miira le nuŋ ko, a la ñiŋ kuwolu bee keriŋ koolaa, a be muru la n kaŋ ne. Bari a maŋ muru naŋ, aduŋ Yahuuda faŋo ye wo je le, a baadiŋ jenkeriŋo.

Yeremiya 30:11

M be ali fee le ka ali kiisa.” Yaawe le ye a fo. “M be wo bankoolu bee le buruka la, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ñaameŋ. N te ali bula la muk, m maŋ ali kuluu.”

Yeremiya 31:20

Yaawe ko: “Fo Efurayimu maŋ ke n kanu diŋo le ti baŋ? Fo a maŋ ke n jusukunto diŋo le ti baŋ? N ka tu la a jalayi la ñaa-wo-ñaa, hani wo n hakiloo ka tara a kaŋ ne. A la kuwo loo be faariŋ n kono le. Tooñaa, m be balafaa yitandi la a la le.” Yaawe le ye a fo.

Yeremiya 31:21

“Ali sila taamanseerilaŋolu loo ali faŋolu ye, ali ye suuteerilaŋ dokoolu dadaa. Ali i miira siloo la kendeke, ali taata nuŋ meŋ na. Ite Dimmusuriŋ Banisirayila, seyi naŋ i la ñiŋ saatewolu to.

Yeremiya 31:8

A juubee, m be ì bondi la naŋ bankoo meŋ be maraa kara maafaŋo la, ŋa ì kafu naŋ ñoo ma ka bo duniyaa dulaa jamfariŋolu to. Finkintewolu niŋ lanjuurutoolu be tara la ì kono le, konomaatoolu niŋ tintoolu bee, ì kafu jamaa baa le be seyi la naŋ.

Yeremiya 33:26

N nene te n koo dii la Yaakuba waraŋ n na dookuulaa Dawuda koomalankoolu la fereŋ, sako n si ñiŋ laahidoo faliŋ ko, Dawuda koomalankoolu le be mara la Iburayima, Isiyaaka, aniŋ Yaakuba koomalankoolu ma. M be meŋ ke la, wo le mu ka ì murundi naŋ ì la firiŋo kono, ŋa balafaa yitandi ì la.”

Yeremiya 4:1

Yaawe* ko: “Muna Banisirayila, niŋ i be muru la naŋ, muru naŋ n kaŋ. I la jalaŋ ñewundiŋolu bee bondi n ñaa koto, i kana soŋ filoo ye i taa kotenke.

Niikuyaa Suukuwolu 3:22

Yaawe la kanu bambaloo nene maŋ kuntu ǹ ye, a la konotodiyaa kuwolu nene buka baŋ.

Esekiyeli 11:17

“Wo kamma la, a fo i baadiŋ mutamoolu ye, nte Yaawe, ì Maariyo ye ñiŋ ne fo ko: M be ali bondi la bantala bankoolu kaŋ ne, ŋa ali janjandi daamennu to, ka ali kafu ñoo ma, ka Banisirayila bankoo murundi ali kaŋ.

Esekiyeli 33:11

Wo to, ite hadamadiŋo, a fo ì ye ko, a be koyiriŋ ñaameŋ ko nte Yaawe i Maariyo be baluuriŋ ne: Nte buka kontaani moo kuruŋo la saayaa la, bari n ka kontaani ñiŋ ne la, a ye a koo dii a la kuu jawu kewo la, a ye baluu. Banisirayilankoolu, muŋ ne ye a tinna, ali lafita ka faa? Ali ali koo dii ali la kuu jawu kewo la, ali ye baluu.” Maarii Yaawe le ye a fo.

Esekiyeli 39:25

Maarii Yaawe ye ñiŋ ne fo ko: “Saayiŋ m be Yaakuba koomalankoolu la neemoo murundi la ì kaŋ ne, ko a be nuŋ ñaameŋ, aduŋ m be balafaa soto la Banisirayila muumee ye le. M be n too la horomoo kanta la le.

Hoseya 6:1

Moolu ko, “Ali naa, ŋà muru Yaawe* kaŋ, ate le ye ǹ dimindi, a be ǹ jaara la le. Ate le ye m̀ barama, a be ǹ kendeyandi la le.

3 Musa 26:40

Bari a si ke ali ye soŋ ko, ali ye junuboo le ke, ali niŋ ali mumuñolu, ka n jamfaa, aniŋ ka balaŋo tiliŋ n na,

Jakariya 1:4

Ali kana ke ko ali mumuñolu. Annabiyomu foloolu ye nte Yaawe Alihawaa Maariyo la kumoo bankee ì ye le, fo ì si ì koo dii kuu kuruŋ kewo la, aniŋ ì la sila kuruŋolu. Bari ì maŋ i lamoyi n na sako ka ì hakiloo tu n na kumoolu to.

5 Musa 30:2

niŋ ali muruta Yaawe ali la Alla kaŋ, aduŋ ali niŋ ali koomalankoolu sonta a ma ali sondomoo bee la aniŋ ali niyo bee la, ko ŋa ali yaamari bii luŋo la ñaameŋ,