Yeremiya 26:7 - Mandinka Bible

⁷ Piriisoolu* niŋ annabiyomoolu, ka taa moolu bee ye m moyi le, m be ñiŋ kumoolu fo kaŋ Yaawe Batudulaa Buŋo to.

Yeremiya 26:7 Mawu Ofanana

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Sefaniya 3:4

A annabiyomoolu ka kibiri, ì be jamfantuŋyaariŋ. A piriisoolu* ye Alla la feŋ buuñaariŋo dooyaa, ì ye Alla la yaamaroolu faliŋ.

Matiyu 21:15

Bari kabiriŋ piriisi* ñaatonkoolu niŋ Luwaa karammoolu* ye kaawakuwolu je, a ye mennu ke, aniŋ dindiŋolu mennu be sari kaŋ Alla Batudulaa to ko, “Hosanna be Dawuda Dinkewo ye!” ì kamfaata.

Kiilaalu 5:17

Bituŋ piriisi* kuntii baa wulita, aniŋ moolu mennu bee be a fee. Ñinnu bota Sadusewolu* la kafoo le kono. Ì sondomoolu be faariŋ niŋ kiiliyaa la.