Yeremiya 24:6 - Mandinka Bible

⁶ M be n ñaa loo la ì kaŋ ka kuu kendoo le ke ì ye, aduŋ m be ì murundi la naŋ ñiŋ bankoo kaŋ ne. M be ì tutu la le, n te ì suloo wutu la, ŋa ì loo, n te ì boyi la.

Yeremiya 24:6 Mawu Ofanana

1 Musa 44:21

Bituŋ i ko ǹ ye ko, ‘Ali a samba naŋ, n ñaa ye a je.’

2 Taarika 16:9

Yaawe ñaa ka tara looriŋ duniyaa bee kaŋ ne, ka moolu bambandi mennu ye ì faŋ dii a la ì sondomoo bee la. Ite ye meŋ ke, wo mu tooleeyaa le ti. Ka bo saayiŋ na, ite be tara la keloo le kono.”

Nehemiya 5:19

N na Alla, i hakiloo si bula ka neema m ma kuu betoo kamma la, ŋa meŋ ke ñiŋ moolu ye.

Jabuuroolu 34:15

Yaawe ñaa ka tara looriŋ moo tilindiŋolu kaŋ ne, aduŋ a tuloo ka tu looriŋ ne ka ì woosiikaŋo moyi.

Jabuuroolu 44:2

Ka bo niŋ i semboo la i ye sii koteŋolu bayi ka finti, bari i ye itolu sabatindi bankoo kaŋ ne. I ye wo sii koteŋolu jarabi le, bari i ye itolu yiriwandi le.

Yesaya 14:1

Yaawe* be naa balafaa soto la Yaakuba koomalankoolu ye le. A be Banisirayilankoolu tomboŋ na le kotenke, a ye ì sabatindi ì fansuŋ bankoo kaŋ. Tumarankewolu be kafu la ì ma le, ì niŋ Yaakuba koomalankoolu ye ke kiliŋ ti.

Yesaya 60:21

“Wo to i la moolu bee be ke la moo tilindiŋolu le ti, aduŋ bankoo be tara la itolu le bulu fo abadaa. Itolu le mu soroŋo ti ŋa meŋ tutu, m faŋo buloo le la dookuwo mu, ka n na kallankeeyaa yitandi.

Yeremiya 1:10

A juubee, bii faŋo le mu ŋa kaŋo dii i la banku moolu kunna, aniŋ mansamarali bankoolu. I be ì wutu la le, ka ì boyindi, ka ì kasaara, ka ì bondi ì noo to, ka ì loo, aniŋ ka ì tutu.”

Yeremiya 12:15

Bari niŋ ŋa wo ke wo banku moolu la fokabaŋ, m be naa balafaa la ì ye le, ŋa ì murundi ì fansuŋ bankoolu kaŋ, meŋ-wo-meŋ a bota daameŋ to.

Yeremiya 16:15

Bari ì be kali i kali la le ko, ‘A be koyiriŋ ñaameŋ ko Yaawe be baluuriŋ ne, meŋ ye Banisirayilankoolu bondi naŋ bankoo meŋ be maraa kara maafaŋo la, aniŋ banku koteŋolu bee kaŋ, a ye ì janjandi daamennu to.’ Kaatu m be ì murundi la naŋ bankoo kaŋ ne ŋa meŋ dii ì la alifaa foloolu la.”

Yeremiya 21:10

Ŋa n ñaa tiliŋ ñiŋ saatewo la le ka kasaaroo naati a kaŋ, a maŋ ke kuu kendoo ti. A be duŋ na Babiloni mansakewo bulu le, a ye dimbaa duŋ a la ka a jani.” Yaawe le ye a fo.

Yeremiya 23:3

“Nte faŋo le be n na moo toomaalu bondi la naŋ bankoolu kaŋ, ŋa ì bayi ka taa daamennu to. M be ì murundi la naŋ ì taradulaa to le, aduŋ ì be jiidi la le ka siyaa.

Yeremiya 29:10

“Nte Yaawe ye ñiŋ ne fo ko: Niŋ Babiloni la sanji taŋ woorowula maraloo kumfaata, m be ali hati la le, ŋa kuu kendoo timmandi ali ye, ŋa ali laahidi meŋ na, ka ali seyindi naŋ.

Yeremiya 31:28

Bayiri koomanto ŋa ì juubee le, ŋa ì wutu, ka ì boyindi duuma, ka ì bondi ì noo to, ka ì kasaara, ka maasiiboo naati ì kaŋ. Bari m be a je la le ko, ŋa ì loo, ka ì tutu. Nte Yaawe le ye a fo.

Yeremiya 31:4

M be i lookuu la le kotenke, ite, n Dimmusuriŋ* Banisirayila, aduŋ i be seyinkaŋ loo la le. I be i la tambuuroolu sika la le kotenke, i ye finti banta, i niŋ seewootoolu ye i doŋ.

Yeremiya 32:37

A be koyiriŋ ne ko, m be ì kafu la ñoo ma le ka bo bankoolu bee kaŋ, ŋa ì bayi daamennu to, n na jusukandoo, diminnaa, aniŋ kamfaa baa kono. M be ì murundi la naŋ ñiŋ dulaa to le, ŋa ì sabatindi tankoo kono.

Yeremiya 32:41

M be seewoo la le ka kuu kendoo ke ì ye, aduŋ m be ì tutukuu la ñiŋ bankoo kaŋ tooñaake le, n sondomoo niŋ n niyo la.

Yeremiya 33:7

M be Yahuuda niŋ Banisirayila murundi la naŋ firiŋo kono le, ka ì seyinkaŋ loo ko ì be nuŋ ñaameŋ folooto.

Yeremiya 33:9

Ñiŋ Yerusalaamu saatewo too si ke n ye seewoo ti, duniyaa banku koteŋolu bee ye n jayi, ka n horoma baake, niŋ ì ye a moyi nte ye kuu kendoo meŋ bee ke ñiŋ saatewo moolu ye. Wo moolu be kuu kendoo niŋ firiŋo je la le, ŋa meŋ dii ñiŋ saatewo la, fo ì ye sila ka jarajara.

Yeremiya 39:12

“I si a samba, i ye a topatoo kendeke, a kana toora. A ye i kaniŋ feŋ-wo-feŋ na, i si a ke a ye.”

Yeremiya 42:10

‘Niŋ a ye a tara tooñaa, ali be tu la sabatiriŋ ñiŋ bankoo kaŋ ne, wo to m be ali wulindi la le ka loo, n te ali boyindi la duuma, m be ali tutu la le, n te ali wutu la, kaatu ŋa kasaaroo meŋ naati ali kaŋ, a ye n niyo toora baake le.

Esekiyeli 36:24

A ko: “M be ali samba la naŋ ka bo wo bantala bankoolu bee kaŋ ne, ka naa ali fansuŋ bankoo kaŋ.

Amosi 9:14

M be n na moolu Banisirayilankoolu murundi la naŋ ne ka bo mutoo kono. Ì ye naa ì la saatee tumbundiŋolu lookuu, ì ye sabati ì kono. Ì ye wayini yiroolu tutu, ì ye ì jiyolu miŋ, ì ye naakoolu dookuu, ì ye i munafaŋ ì la.

5 Musa 11:12

Yaawe ali la Alla faŋo le ka wo bankoo topatoo, aduŋ a faŋo le ka jee kanta, ka bo saŋo datidulaa fo a labandulaa to.

1 Pita 3:12

Kaatu Maariyo ñaa ka tara looriŋ moo tilindiŋolu kaŋ ne, aduŋ a tuloo ka ì la duwaa moyi le, bari a ka kuu jawu kelaalu kiitindi le.”