Yeremiya 24:2 - Mandinka Bible

² Sinsiŋ kiliŋo, sooto kendemaa baalu le be wo kono, komeŋ sooto juunoolu, bari sinsiŋ doo, sooto tiñaariŋolu le be wo kono, mennu tiñaata fo ì te domo noo la.

Yeremiya 24:2 Mawu Ofanana

Yesaya 5:4

N si muŋ ne ke noo n na kankaŋo ye kotenke, ka tambi ŋa ñiŋ meŋ ke a ye teŋ? M be n yillaariŋ yiridiŋ betoo le la, muŋ ne ye a tinna, a ye kuniyaariŋo wuluu?

Yesaya 5:7

Yaawe* Alihawaa Maariyo* la yiri kankaŋo mu Banisirayila le ti, a lafinna kankaŋo mu Yahuuda le ti. A be i yillaariŋ luwaa mutoo le la, bari a ye yeleboŋo le je, a ye i yillaa tiliŋo la, bari a maŋ feŋ moyi fo niitooroo niŋ kumboo.

Yeremiya 29:17

“Nte Yaawe Alihawaa Maariyo ye ñiŋ ne fo ko: A juubee, m be keloo le naati la ì kaŋ niŋ hawusaroo* la, konkoo, aniŋ alibalaa kuuraŋo. M be ì ke la le ko sooto diŋolu mennu fiinata, ka tiñaa fo ì te domo noo la.

Hoseya 9:10

Yaawe ko: “Biriŋ ŋa Banisirayila je foloo-foloo, a munta le nuŋ ko, ŋa wayini yiridiŋo le je keñewuloo* kono. Biriŋ ŋa ali mumuñolu je, a be le nuŋ ko, ŋa sooto diŋ kuŋ foloolu je. Bari biriŋ ì naata Pewori Konkoo to, ì ye ì faŋ dii Baali* jalaŋo la. Ì keta moo ñewundiŋolu ti, ko ì la jalaŋ ñewundiŋolu, ì ye mennu kanu.

Mika 7:1

Nte la kuwo be balafaa le daa to! N na kuwo ka muluŋ ne ko moo meŋ, a be lafiriŋ yiridiŋ katoo la, a be lafiriŋ wayini* karaŋo la wayini kankaŋo to, bari hani feŋ maŋ tu jee, a be meŋ faŋo domo la, sooto kumfoloolu to hani feŋ te jee, a si lafi meŋ na.

Nahumu 3:12

I la tatoolu bee ka muluŋ ne ko sooto diŋ mooriŋolu, niŋ sooto suŋo jiijaata doroŋ, ì si joloŋ ì domolaa daa kono suruk.

4 Musa 18:13

Bankoo fiifeŋ kuŋ foloolu ì ka mennu bee samba naŋ nte Yaawe ye, be ke la i taa le ti. Moo-wo-moo be i la dimbaayaa kono, niŋ a seneyaata, a si ì domo noo le.

Matiyu 5:13

“Alitolu le mu duniyaa la koo ti. Bari niŋ koo foota a la kuniyaa la, a be ke noo la koo ti ñaadii le kotenke? A maŋ nafaa soto fo ka a fayi banta, daameŋ moolu siŋolu be dori la a kaŋ.