Yeremiya 22:22 - Mandinka Bible

²² Foñoo le be i kantalaalu koora la, i niŋ mennu laata ñoo kaŋ, ì ye taa mutoo kono. Wo to le i be malu la, i keñaa ye bo i kono, i la kuu kuruŋolu bee kamma la.

Yeremiya 22:22 Mawu Ofanana

Yesaya 64:6

Ntolu bee keta moo seneyaabaloolu le ti. Ǹ na baara kendoolu ka muluŋ ne ko funtu nooriŋolu. Ǹ na junuboolu le ye a tinna m̀ munta ko jamba nororiŋolu, foñoo ka mennu tindi.

Yesaya 65:13

Saayiŋ Maarii Yaawe ye ñiŋ ne fo ko: “N na dookuulaalu be domoroo ke la le, bari alitolu be konko la le. N na dookuulaalu be i miŋ na le, bari mindoo be alitolu muta la le. N na dookuulaalu be seewoo la le, bari alitolu be duŋ na maloo le kono.

Yeremiya 10:21

Kantarilaalu ǹ na moolu kunna mu hakilintaŋolu le ti, ì buka Yaawe la kuwo hati, wo le ye a tinna ì buka ñaatotaa soto, ǹ na moolu bee janjanta.

Yeremiya 12:10

Kantarilaa jamaalu le ye n na wayini* yiri kankaŋo kasaara, ì ye n na kunkoo doriŋ-doriŋ. Ì ye n na kunku kendoo kenseŋyandi le ka a ke keñewuloo* ti.

Yeremiya 2:36

Muŋ ne ye a tinna, i ye i faŋ kuŋo feeyandi yaayoo la taariŋ? Misira bankoo be bo la i koto le, ko Asiriya bankoo bota i koto ñaameŋ.

Yeremiya 2:37

I be bo la wo to fanaa le, i buloo ye tara laariŋ i kunto, kaatu i jikita mennu la, nte Yaawe ye wolu koŋ ne. I te ñaatotaa soto la wolu la maakoyiroo kaŋ.”

Yeremiya 2:8

Piriisoolu* maŋ a fo ko, ‘Yaawe lee?’ Wolu mennu mu Luwaa karammoolu* ti, ì maŋ n loŋ. Ñaatonkoolu balanta m ma le. Annabiyomoolu ka kuma Baali* jalaŋo tooyaa le la, ka jalaŋ kenseŋolu batu.”

Yeremiya 20:11

Bari ite Yaawe be loo la n ye le ko kelejawaroo meŋ silaŋñaa warata. Wo to n toorandilaalu be boyi la le, ì te i kutu la n na. Ì be malu la baake le, kaatu ì te kututeyi la. Ì la maloo be tu la le fo abadaa, a te ke la ñina kuu ti.

Yeremiya 30:14

Ali niŋ mennu bee be laariŋ nuŋ ñoo kaŋ, ì ñinata ali la le, ì buka hani ali hati kotenke. Ŋa ali busa ko n jawoo, ko konnantee balafaabaloo la kelendiroo, kaatu ali la boyidaa warata le, aduŋ ali la junuboolu siyaata.

Yeremiya 4:30

Wo to ite kasaarariŋ bandiŋo, i ko ite ka muŋ ne ke teŋ, ka bayi ñiimaa duŋ, aniŋ ka sani ñaroolu duŋ? Muŋ ne ye a tinna i ka i ñaalu malamalandi tusunkaloo la? I ka i faŋ ñiiñandi kensenke le. I niŋ mennu be kanoo la, ì jututa i la le. Ì be i niyo le nooma.

Yeremiya 5:13

Annabiyomoolu la kumoo mu foño kenseŋ ne ti, n na kuma te ì daa. Wo to ì fokumoo be ke la ì faŋolu le la.”

Yeremiya 7:19

Bari fo ì ka nte le kamfandi baŋ? Fo ì buka wo ke ì faŋolu le la baŋ, ka malu kuwo naati ì faŋolu kaŋ?” Yaawe le ye a fo.

Hoseya 12:1

Efurayimu* ka foño kenseŋo le nooma, a ka tilibo foñoo bayindi tiloo bee. A ka faniyaa niŋ fitinoo kafu-kafu laalaa. A niŋ Asiriya ka kambeŋo siti, a ka olifu* tuloo kii Misira.”

Hoseya 13:15

Hani niŋ Efurayimu yiriwaata ko seyiŋo, tiliboo foñoo si naa, Yaawe si a bula naŋ ka bo keñewuloo kono. A la koloŋo si jaa, a la jii woyoolu ye loo. A la naafulu maabodulaa, ì be ñapi la a feŋ kummaa baalu bee le kaŋ.

Hoseya 4:19

Foñoo le ye ì koora ñoo la ka ì samba, ì la sadaalu be maloo doroŋ ne naati la ì kaŋ.”

Jakariya 11:17

“Kooroo be kantarilaa nafantaŋo ye, meŋ ye i bo koorewo to. Keloo si i semboo baŋ, a ye i bulubaa ñaa kasaara. I buloo si baki, i bulubaa ñaa ye finki.”

Jakariya 11:8

Kari kiliŋ kono, ŋa kantarilaa saba bayi. M pasita saajiyolu la kuwo la, ì fanaa ye n koŋ.