Yeremiya 22:17 - Mandinka Bible

¹⁷ “Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”

Yeremiya 22:17 Mawu Ofanana

1 Mansoolu 21:19

I si a fo a ye, Yaawe ye ñiŋ ne fo ko, ate ye moo faa le, aduŋ a muruta, a ye a la feŋo taa. Bituŋ i si naa a fo a ye fanaa Yaawe ye ñiŋ ne fo ko, wuloolu ye Naboti yeloo newuŋ daameŋ to, wuloolu be a fanaa yeloo newuŋ na jee le, ate faŋo!”

2 Mansoolu 23:37

Yehoyakimu baarata kuu jawoo le la Yaawe ñaa koto, komeŋ a mumuñolu ye a ke ñaameŋ.

2 Mansoolu 24:4

sako a ye moolu mennu faa, mennu maŋ kuu ke. A ye ì yeloo boŋ Yerusalaamu saatewo karoo bee le la, aduŋ Yaawe te yamfa noo la wo kuwo la.

2 Taarika 36:8

Mansa Yehoyakimu kekuu koteŋolu, a ye kuu haraamuriŋolu mennu ke, aniŋ moolu ye kuu jawoolu mennu je a la karoo la, be safeeriŋ Banisirayila niŋ Yahuuda Mansoolu la Taarika Kitaaboo le kono. A diŋo Yehoyakini le keta a noo to mansa ti.

Yuuba 31:7

Niŋ a ye a tara n jenketa le ka bo sila tilindiŋo kaŋ, n ñaa la jeroo ye n sondomoo filindi, waraŋ m buloolu le maŋ seneyaa,

Jabuuroolu 10:3

Moo kuruŋo ka kibiri a lafinna kuwolu kaŋ ne. A ka a ñoŋ moo hadumeriŋo jayi le, a ka Yaawe sooki.

2 Musa 18:21

Bari i si tombondiroo ke moolu bee kono, mennu ye londoo soto, moolu mennu silata Alla la, jikoo be mennu la kuwo to, aduŋ ì ye duku mutoo koŋ, wolu taa ka dookuwo ke moo wuli kiliŋolu, kemoolu, taŋ luuloolu aniŋ taŋolu ye.

Kuma Kotoomaalu 24:2

kaatu ì hakiloo ka tara fitina kuwo le kaŋ, aduŋ ì ka tu kuruŋyaa diyaamoo le la.

Yesaya 56:11

Ì mu wulu domorilaa baalu le ti, ì konoo buka faa. Itolu mu kantarilaalu le ti, mennu maŋ fahaamuroo soto, ì bee ka taa ì fansuŋ siloolu le la, ì ka a ke fankuŋ-fankuŋ ne ti.

Yeremiya 17:11

Ko siisewo meŋ ye kiloolu teyi a maŋ mennu laa, wo le mu moo ti meŋ ka naafuloo soto kalabanteeyaa kono, a la fondinkeeyaa teema le, a be foo la a la, aduŋ a labaŋo be a yitandi la le ko, a mu toolewo le ti.

Yeremiya 19:4

Ñiŋ moolu ye ì koo dii nte la le, ì ka cuuraayoo siisindi jalaŋolu ye ka ì batu, ì ye ñiŋ dulaa kosondi le. Itolu mu wo, ì la alifaa foloolu mu wo, aniŋ Yahuuda la mansoolu, ì maŋ feŋ loŋ ñiŋ jalaŋolu la kuwo to. Saayiŋ ì naata ñiŋ dulaa fandi niŋ moolu yeloo le la mennu maŋ kuu ke.

Yeremiya 22:3

Nte Yaawe ye ñiŋ ne fo ko: Ali tooñaa niŋ tiliŋo taamandi. Ali moo-wo-moo bondi a toorandilaa bulu, ì ye meŋ nakari. Ali kana tumarankewolu toora waraŋ ka ì fitina, ka taa aliyatiimoolu, aniŋ furuyaamusoolu. Ali kana moolu yeloo boŋ ñiŋ bankoo kaŋ, mennu maŋ kuu ke.

Yeremiya 6:13

Yaawe ko: “Biriŋ moondiŋ, fo moo baa, ì bee le hadumeta ka sotoo ke niŋ jenkoo la. Biriŋ a annabiyomu, fo a piriisi*, ì bee le ka taama faniyaa la.

Yeremiya 6:6

Yaawe Alihawaa Maariyo* ye ñiŋ ne fo ko: “Ali yiroolu boyi, ali ye seleraŋ sapoolu* loo Yerusalaamu kamma. Ñiŋ saatewo ñanta le ka jarabi, kaatu tilimbaliyaa le be faariŋ a kono.

Yeremiya 7:6

Ali kana tumarankewolu toora, aniŋ aliyatiimoolu, aniŋ furuyaamusoolu. Ali kana moolu faa jaŋ, mennu maŋ kuu ke. Ali kana bula alla koteŋolu nooma ka ì batu, meŋ si ke ali la mantooroo ti.

Yeremiya 8:10

Wo kamma la m be ì la musoolu dii la moo koteŋolu le la, ŋa ì la kunkoolu dii ì noobaalu la, kaatu biriŋ moondiŋ, fo moo baa, ì bee le hadumeta ka sotoo ke niŋ jenkoo la. Ka bo a annabiyomu, fo a piriisi*, ì bee le ka taama faniyaa la.

Esekiyeli 18:12

a ka fuwaaroolu niŋ mennu be suuloo kono mantoora, a ka suuñaaroo ke, a buka feŋo murundi a ye meŋ taa sankayaaraŋo ti, a ka jalambatoo ke, a ka kuu haraamuriŋolu ke,

Esekiyeli 19:6

A ka yaayiŋ-yaayiŋ jatoolu kono, bayiri saayiŋ a kamalita le. A jarinteeyaata, a ka daafeŋolu muta, ka ì faa, aniŋ a ka hadamadiŋolu domo.

Esekiyeli 19:7

A ye ì la tatoolu bee boyi, ka ì la saatewolu kasaara. Bankoolu niŋ ì konokono feŋolu bee le silata a bumbuŋ kaŋo la.

Esekiyeli 19:9

Ì ye a kuruntu niŋ dooliŋo la, ka a dundi daafeŋ buŋo kono jee, ka a samba Babiloni mansa yaa. Ì ye a soroŋ buŋ jawoo kono. Bituŋ moo maŋ naa a bumbuŋ kaŋo moyi kotenke, Banisirayila konkoolu kaŋ.

Esekiyeli 22:6

“A juubee baŋ, Banisirayila maralilaalu mennu be sabatiriŋ ite Yerusalaamu kono, ka ì semboo taa ñaameŋ ka tu moolu faa la ka ì yeloo boŋ i kono taariŋ.

Esekiyeli 33:31

Hadamadiŋo, ì moo jamaa le ka naa, ì ka sii i ñaatiliŋo la ko n na moolu. Ì ka i la kumoo moyi le, bari ì te a muta la. Ì ka kanoo yitandi ì daalu dammaa le to, bari ì sondomoolu be looriŋ ì la nafaa dammaa le kaŋ.

Mika 2:2

Niŋ ì hameta kunku meŋ na, ì ka wo buusi a maarii bulu le. Niŋ ì lafita buŋo meŋ na, ì ka a taa le. Ì ka kewolu niŋ ì la dimbaayaalu toorandi, ì ka ì sotofeŋolu foriseetoo taa.

Mika 3:10

Ali ye Siyoni* loo yeleboŋo le kono, ali ye Yerusalaamu loo tilimbaliyaa kono.

Sefaniya 3:3

Ñaatonkoolu mennu be jee, ì ka muluŋ ne ko jata bumbunnaa, a kiitiikuntulaalu ka muluŋ ko suluu konkoriŋo, ì be hadumeriŋ, ì buka hani kulu jaaroo faŋo le tu, wulaaroo niŋ soomandaa teema.

Roomankoolu 1:29

Ì be faariŋ tilimbaliyaa siifaa bee le la, konnanteeyaa, hadumoo aniŋ kuu jawoo. Ì be faariŋ niŋ haasidiyaa la, moofaa, keloo, neeneeroo aniŋ daajika jawoo. Ì mu koomakumarilaalu le ti,

1 Korintinkoolu 6:10

suŋolu, moo hadumeriŋolu, siiratoolu, nendirilaalu waraŋ ñapinkandirilaalu, wolu nene te Alla la mansabaayaa keetaa la.

Kolosankoolu 3:5

Wo kamma la, feŋ-wo-feŋ mu ñiŋ duniyaa hame kuwo ti ali la baluwo kono, ali ì bee bula ka kasaara: Laañooyaa tuluŋo, seneyaabaliyaa, balajaatoo la hame kuu jawoo, ŋaniya jawoo aniŋ hadumoo meŋ mu jalambatoo ti.

Yosuwa 7:21

Kabiriŋ ŋa Babiloni waramba ñiimaa je feŋolu kono, ŋà mennu buusi Yeriko moolu la, aniŋ kodiforoo meŋ si taa fo kilo fula, aniŋ sanoo meŋ fanaa si taa fo kilo talanteemoo, ì la kuwo ye n ñaabo. Bituŋ m fanaa ye ì sika. Ì be saarendiŋ bankoo kono n na tiriliisoo* koto. Kodiforoo le be ì bee ye duuma la.”

2 Pita 2:14

Ì ñaalu loota musu-wo-musu kaŋ, ì hakiloo ka tu laañooyaa tuluŋo doroŋ ne kaŋ. Ì buka wasa junube kewo la. Ì ka moolu feeretoo muta le, mennu lamfuta ì la lannoo kono. Ì sondomoolu dalita hadumoo le la. Kooroo be wo dindiŋ dankariŋolu ye!

2 Pita 2:3

Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.

1 Samuweli 8:3

Bari Samuweli dinkewolu maŋ taama niŋ a la siloo la. Ì ye ì koo dii tiliŋo la le, ì hameta kodoo la. Ì ka dukoolu muta, aduŋ wo ye a tinna le, ì maŋ tiliŋ luwaa siloo la.