Yeremiya 22:13 - Mandinka Bible

¹³ Kooroo be moo ye le meŋ ye a la buŋo loo tilimbaliyaa la, ka buŋ doolu loo a kaŋ santo kalabanteeyaa la, ka a la bankudiŋolu dookundi kensenke, a buka ì la joo dii ì la.

Yeremiya 22:13 Mawu Ofanana

2 Taarika 36:4

Misira mansa ye Yehohasi kotoomaa Eliyakimu sindi a noo to ka ke Yerusalaamu niŋ Yahuuda bee mansa ti. A ye Elikiyamu too faliŋ ka a ke Yehoyakimu ti. A ye Yehohasi muta ka a samba Misira.

2 Taarika 36:5

Yehoyakimu siyo be nuŋ sanji muwaŋ niŋ luulu le, biriŋ a be ke la mansa ti. A ye sanji taŋ niŋ kiliŋ ne ke maraloo la Yerusalaamu. A baarata kuu jawoo le la Yaawe ñaa koto, a la Alla.

Yuuba 31:39

M buka a munafaŋo domo, fo niŋ ŋa a la kuwo topatoo foloo, aduŋ n nene maŋ jikilateyi kuu ke a dookuulaalu la.

Yesaya 5:8

Kooroo be ali ye, alitolu mennu ka tu buŋ jamaa saŋo la, aniŋ ka kunkoolu taa-taa laalaa, moo maŋ feŋ soto alitolu koolaa, ali dammaa le tarata siiriŋ bankoo kaŋ.

Yeremiya 17:11

Ko siisewo meŋ ye kiloolu teyi a maŋ mennu laa, wo le mu moo ti meŋ ka naafuloo soto kalabanteeyaa kono, a la fondinkeeyaa teema le, a be foo la a la, aduŋ a labaŋo be a yitandi la le ko, a mu toolewo le ti.

Yeremiya 22:18

Wo kamma la Yaawe ye ñiŋ ne fo Yosiya dinkewo Yehoyakimu, Yahuuda mansakewo la kuwo to ko: “Ì te a la saŋo kumboo la ka a fo ñoo ye ko: ‘Ayiwaalii! Ayiwaalii!’ Ì te a la saŋo kumboo la ka a fo ko: ‘Ayiwaalii, m̀ maariikewo! A la mansayaa be ñaameŋ!’

3 Musa 19:13

Ali maŋ ñaŋ na ali siiñoo nakari la, waraŋ ka a suuñaa. Ali kana balaŋ moo la joo fee, ali ye meŋ taa dookuwo la. A maŋ ñaŋ na suutoo laa la ali bulu.

Mika 3:10

Ali ye Siyoni* loo yeleboŋo le kono, ali ye Yerusalaamu loo tilimbaliyaa kono.

Habakuki 2:12

“Kooroo be ali ye, alitolu mennu ye saatewolu loo tilimbaliyaa kono. Ali ye yeloo boŋ ka ì loo.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

5 Musa 15:13

Niŋ ali ye a firiŋ, ali kana a bulu kenseŋo bula ka seyi.

Yankuba 5:4

A juubee, lebereesoolu mennu ye katiroo ke ali la kunkoolu to, ali ye ì la jooroo meŋ nakari tapaleeyaa kono, wo kumboota baake le, aduŋ lebereesoolu la kumboo kaŋolu futata Alihawaa Maariyo* ma le.