Yeremiya 22:10 - Mandinka Bible

¹⁰ Alitolu Yahuuda moolu, ali kana mansa la saŋo kumboo, meŋ faata, sako ka a woosii. Bari ali kumboo kendeke wo doo la kuwo la, ì ye meŋ samba mutoo kono, kaatu a te muru la naŋ kotenke, ka a wuluu bankoo je.

Yeremiya 22:10 Mawu Ofanana

2 Mansoolu 22:20

M be a ke la le, i ye kafu i mumuñolu ma, i ye baadee kayiroo kono. Ite ñaa te loo la maasiiboo kaŋ, m be meŋ boyi la ñiŋ dulaa kaŋ.’ ” Bituŋ ì ye jaabiroo ñiŋ futandi mansa ma.

2 Mansoolu 23:29

Yosiya la mansayaa waatoo kono Misira mansa Firawoona Neko naata le ka keloo ke Asiriya mansa ye Yufurati Boloŋo to. Bituŋ Mansa Yosiya wulita ka taa a benduŋ keloo la, bari Firawoona Neko niŋ a benta le, a ye a faa Mekido.

2 Taarika 36:4

Misira mansa ye Yehohasi kotoomaa Eliyakimu sindi a noo to ka ke Yerusalaamu niŋ Yahuuda bee mansa ti. A ye Elikiyamu too faliŋ ka a ke Yehoyakimu ti. A ye Yehohasi muta ka a samba Misira.

Kawandilaa 4:2

N naata m miira furewo la, meŋ faata fokabaŋ, mantaa benta wo le ye, ka tambi moo la, meŋ be baluwo to, a maŋ faa foloo.

Yesaya 57:1

Moo tilindiŋolu ka kasaara le, bari moo buka a hakilitu ì to, ì ka lannamoolu samba le, moo buka a fahaamu. Bari niŋ ì faata, ì be tanka la maasiiboo ma le,

Yeremiya 16:7

Moo te domori dii la saŋakumboolaa la, sako ka a sabarindi saabantewo la kuwo la. Moo te jusu sumayandiraŋ jii dii la a la ka i miŋ, hani niŋ a ye a tara a faamaa waraŋ a baamaa le faata.

Yeremiya 22:11

Yaawe ye ñiŋ ne fo Yehohasi la kuwo to, Yahuuda mansakewo, meŋ siita a faamaa Yosiya noo to, ì naata a bondi jaŋ ka a samba mutoo kono: “A te muru la naŋ kotenke.

Yeremiya 22:18

Wo kamma la Yaawe ye ñiŋ ne fo Yosiya dinkewo Yehoyakimu, Yahuuda mansakewo la kuwo to ko: “Ì te a la saŋo kumboo la ka a fo ñoo ye ko: ‘Ayiwaalii! Ayiwaalii!’ Ì te a la saŋo kumboo la ka a fo ko: ‘Ayiwaalii, m̀ maariikewo! A la mansayaa be ñaameŋ!’

Yeremiya 22:27

Ali nene te muru la bankoo kaŋ, daameŋ ye ali loo.”

Yeremiya 25:27

Yaawe ko: “A fo ì ye ko, nte Yaawe Alihawaa Maariyo, Banisirayila la Alla ye ñiŋ ne fo ko: Ali i miŋ, ali ye siira ka foonoo. Ali boyi, ali te wuli la kotenke, ñiŋ kamma m be keloo meŋ naati la ali kaŋ niŋ hawusaroo la.”

Yeremiya 28:4

A be Yahuuda mansakewo Yehoyahini, Yehoyakimu dinkewo fanaa murundi la naŋ ne, ka taa Yahuuda moolu bee, ì ye mennu samba mutoo kono Babiloni bankoo kaŋ. A be koyiriŋ ne ko, a be Babiloni mansakewo la marali yookoo kati la le. Yaawe le ye a fo.”

Yeremiya 42:18

“Yaawe Alihawaa Maariyo, Banisirayila la Alla le ye ñiŋ fo ko: ‘N na kamfaa niŋ n na jusukandoo kupita Yerusalaamu moolu kaŋ ñaameŋ, m be a kupi la ali fanaa kaŋ wo le ñaama, niŋ ali taata Misira. Ali be ke la moolu ye danka moolu le ti, ali la kuwo ye ke kijabo kuwo ti, ka ke jutunna moo ti, aniŋ jelefeŋo, aduŋ ali ñaa te loo la ali la bankoo kaŋ kotenke.’

Yeremiya 44:14

Moo te kana la ka tu baluwo to Yahuuda moo toomaalu kono mennu taata ka sii Misira. Ì te muru la ka taa sii Yahuuda bankoo kaŋ, ì be ñaani la ka muru ka taa sii daameŋ to. Moo te muru la, niŋ a maŋ ke keleborilaalu dantaŋ ti.”

Niikuyaa Suukuwolu 4:9

Jee to, mennu faata niŋ hawusaroo* la, wolu le fisiyaata ka tambi mennu faata niŋ konkoo la, konkoo ye ì muta ka ì faa domaŋ-domaŋ, domori sotobaliyaa kamma la.

Esekiyeli 24:16

“Hadamadiŋo, a fele m be naa i jusukuŋo taa la, ka a jamfandi i la. A be i barandi la le, bari hani wo i maŋ ñaŋ na sunu la waraŋ ka kumboo fo i ñaajiyo ye bo.

Luka 23:28

Bari Yeesu ye a ñaa muru, a ko ì ye ko, “Yerusalaamu dimmusoolu, ali kana kumboo n na kuwo la, bari ali si kumboo ali faŋolu la kuwo la, aniŋ ali diŋolu.