Yeremiya 21:7 - Mandinka Bible

⁷ Niŋ wo keta fokabaŋ, m be Yahuuda mansakewo Sedekiya niŋ a la mansakundaa dookuulaalu, ka taa ì niŋ ñiŋ saatewo moolu duŋ na Babiloni mansakewo Nebukanesa niŋ a la moolu bulu le, ì jawoolu, mennu be ì niyo nooma. Wo le be ke la moolu ti mennu kanata hawusaroo* ma, konkoo, aniŋ alibalaa kuuraŋo. Nebukanesa be ì faa la hawusaroo la le. A te balafaa la ì ye, waraŋ ka yamfa ì ye, waraŋ ka hiina ì la.” Yaawe le ye a fo.

Yeremiya 21:7 Mawu Ofanana

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

Yesaya 47:6

Kabiriŋ n kamfaata n na moolu kamma, m maŋ ì ke m faŋo taa ti kotenke, ŋa ì duŋ i bulu le, bari i maŋ balafaa soto ì ye. I ye duni kuliŋ baa laa keebaa kotoolu faŋo kaŋ ne.

Yeremiya 13:14

Wo koolaa ŋa naa ì feteŋ ñoo la ka ì teyi, alifaalu niŋ dindiŋolu bee kafuriŋo. N te balafaa la, waraŋ ka yamfa, waraŋ ka hiina ì la, ka m bali ì kasaara la.” Yaawe le ye a fo.

Yeremiya 14:12

Hani ì si suŋ ka woosii n ye, n te ì lamoyi la. Hani ì si jani sadaalu* niŋ siimaŋ sadaalu bondi n ye, n te ì muta la ì ye. Bari m be meŋ ke la, wo le mu ka ì kasaara niŋ hawusaroo* la, konkoo, aniŋ alibalaa kuuraŋo.”

Yeremiya 15:5

Yaawe ko: “Jumaa le be balafaa la alitolu Yerusalaamu moolu ye, waraŋ jumaa le be ali la kuwo kumboo la? Jumaa le be hani jenke la kara la ka ali la kuwo hati?

Yeremiya 15:9

Musu meŋ jiidita diŋ woorowula la, wolu la faa si a ketundi, niijiyo ye koleyaa a ma. A la tilibula baa si ke a ye diboo ti. A si malu, aduŋ dooyaaroo si laa a kaŋ. Ì toomaalu mennu tuta baluuriŋ, m be ì jawoolu le bula la ì ye ì faa niŋ hawusaroo la.” Yaawe le ye a fo.

Yeremiya 19:7

“M be Yerusalaamu niŋ Yahuuda moolu bee la feeroolu buruka la ñiŋ dulaa le to. M be a tinna le ì jawoolu ye ì faa niŋ hawusaroo* la, ka ì bula moolu bulu mennu ka ì ñini ka ì faa. M be ì furewolu dii la duwoolu le la domoroo ti, aniŋ wulakono daafeŋolu.

Yeremiya 20:4

Kaatu Yaawe ye ñiŋ ne fo ko, a be i ke la maasiiba moo le ti i faŋo ye, aniŋ i teerimaalu bee ye. Ì jawoolu be ì faa la niŋ hawusaroo* le la keloo kono, i faŋo ñaa ye tara a la. A be Yahuuda moolu bee duŋ na Babiloni bankoo mansakewo bulu le. A be ì samba la mutamoolu le ti Babiloni bankoo kaŋ, aduŋ a be ì faa la niŋ hawusaroo le la.

Yeremiya 22:25

M be i duŋ na moolu bulu le mennu be i niyo nooma, i silata wolu mennu la. Wolu le mu Babiloni mansakewo Nebukanesa ti, a niŋ a la Babiloni kelediŋolu.

Yeremiya 27:6

Wo to ŋa ñiŋ bankoolu bee duŋ Babiloni mansakewo Nebukanesa le bulu, n na dookuulaa. Hani wulakono daafeŋolu fanaa, ŋa ì dii a la le ka tara a la maroo to.

Yeremiya 32:4

Yahuuda mansakewo Sedekiya te kana la mutaroo ma. Fo a si duŋ Babiloni mansakewo buloo kono doroŋ. A niŋ a be diyaamu la ñoo ye le, ñaa niŋ ñaa.

Yeremiya 34:3

Ite faŋo te kana la a ma, fo ì si i muta doroŋ ka i duŋ a bulu. I be Babiloni mansakewo je la le, i ñaa niŋ a ñaa, aduŋ i niŋ a be diyaamu la ñoo ye le. Aduŋ i be taa Babiloni le.

Yeremiya 36:29

I si ñiŋ fo Yehoyakimu la kuwo to jee ko, nte Yaawe ye ñiŋ ne fo ko, ate ye ñiŋ kitaaboo jani le. A ko muŋ ne ye a tinna Yeremiya ye a safee jee ko, fo Babiloni mansakewo si naa doroŋ, a ye ñiŋ bankoo kasaara. A be hadamadiŋolu niŋ beeyaŋolu bee turubaŋ na jee le.

Yeremiya 37:17

Mansa Sedekiya naata kiilaa kii, ì ye n samba a ye naŋ a la mansasuwo kono. Jee to, a ye n kullootoo ñininkaa ko, “Fo i ye kuma le soto Yaawe bulu baŋ?” Ŋa a jaabi ko, “Haa, ŋa kumoo soto le.” N tententa ka a fo a ye ko, “I be duŋ na Babiloni mansakewo bulu le.”

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Niikuyaa Suukuwolu 2:20

Tiñaaroo keta! Yaawe, a juubee baŋ! I nene ye ñiŋ laa jumaa le kaŋ? Muna fo musoolu ñanta ì diŋolu domo la le baŋ, ì faŋolu ye diŋolu mennu bambaane? Muna fo ì ñanta piriisoolu faa la le baŋ, aniŋ annabiyomoolu, Maariyo la Batudulaa Senuŋo kono?

Niikuyaa Suukuwolu 2:22

Yaawe ye n jawoolu kumandi n kaŋ karoo bee la, ko mennu ka naa feeti luŋo le to. A la kamfaa waatoo la, moo maŋ kana ka tu baluuriŋ. Ŋa diŋolu mennu yeŋyeŋ, ka ì kuluu, n jawoo naata a ye ì faa.

Esekiyeli 23:28

Maarii Yaawe ye ñiŋ ne fo ko: “A fele m be naa i duŋ na moolu le bulu, i ye mennu koŋ. I be duŋ na moolu le bulu i ñoorita mennu la.

Esekiyeli 7:9

N te ali juubee la ka balafaa ali ye waraŋ ka ali tu jee. M be ali kuluu la ali maañaalu le la, aniŋ ali la kuu jawu kewolu la. Ali be a loŋ na le ko, nte le mu Yaawe ti meŋ ka ali busa.

Esekiyeli 8:18

Wo kamma la, m buloo be sii la ì ma le n na kamfaa baa kono, aduŋ n te balafaa la ì ye, sako n si ì tu jee. Hani niŋ ì wuurita ñaa-wo-ñaa ka n daani, n te ì danku la.”

Esekiyeli 9:10

Wo daliiloo le ye a tinna n te balafaa la ì ye, sako n si moo tu ì kono jee. M be ì joo la ì la kebaaroolu le la.”

5 Musa 28:50

Ì ñaalu be tara la wuleeriŋ ne ko dimbaa, aduŋ ì te keebaalu horoma la waraŋ ka balafaa dindiŋolu ye.