Yeremiya 21:14 - Mandinka Bible

¹⁴ M be i kuluu la i kekuwolu la le. M be dimbaa le duŋ na i la sutoo la, ka feŋo bee jani meŋ ye i murubeŋ.” Yaawe le ye a fo.

Yeremiya 21:14 Mawu Ofanana

2 Taarika 36:19

Ì ye Alla Batudulaa Buŋo jani, ì ye Yerusalaamu saatee tata sansaŋo boyi, ì ye a mansabuŋolu bee jani dimbaa la, ì ye a jooraŋ kummaalu bee tiñaa.

Kuma Kotoomaalu 1:31

wo to ali ye meŋ fii, wo le be faliŋ na ali ye, ali faŋo daajikoo, wo le be ali toora la.

Kuma Kotoomaalu 12:14

Nafaa kuu jamaa ka soto hadamadiŋo daakumoo le to, a ye kuu-wo-kuu dookuu, wo le ka ke a la joo ti.

Yesaya 10:12

Niŋ Maariyo pareeta a la dookuwo bee la, Siyoni* Konkoo niŋ Yerusalaamu kamma, a be Asiriya mansa mantoora la a la faŋ sikandoo niŋ a la faratoo kaŋ ne.

Yesaya 10:16

Wo to, Yaawe Alihawaa Maariyo* be kuuraŋ jawoo le jindi la naŋ Asiriya mansa la kelejawara bambandiŋolu kaŋ. Dimbaa le be duŋ na a jikiraŋ semboo la, a bee ye kasaara.

Yesaya 24:21

Wo waatoo la, Yaawe be saŋo santo sembetiyolu jarabi la le, aniŋ maralilaalu mennu be duniyaa kono.

Yesaya 37:24

Sennakeribu ye a la dookuulaalu le kii ka nte Yaawe neŋ, aduŋ a ko, ‘N niŋ n na keleraŋ sareeti* jamaalu seleta konkoolu kaŋ santo le, ka taa fo Libanooni bankoo daŋo to. Ŋa jee sedari* yiri jaŋ baalu boyi le, aniŋ junipa yiri ñiimaa baalu. M futata a konkoolu daŋo ma le, ka taa a sutu yiriwaariŋolu kono.’

Yeremiya 11:16

“Nte Yaawe ka ì kumandi nuŋ n na olifu* yirisuŋ biireeriŋo le la, a niŋ a diŋ ñiimaalu. Bari ka bo niŋ turubaadi kumakaŋo la, m be dimbaa duŋ na a la le, a buloolu bee ye jani kewu.”

Yeremiya 11:22

Wo kamma la Yaawe Alihawaa Maariyo ye ñiŋ ne fo n ye ko: “A juubee, m be ì jarabi la le. Hawusaroo* le be ì la fondinkewolu faa la, konkoo ye ì dinkewolu niŋ ì dimmusoolu faa.

Yeremiya 17:10

Nte Yaawe le ka hakiloo kisikisi, n ka sondomoo kotobo, ka moo-wo-moo joo a maañaa la, aniŋ a kekuwolu la.”

Yeremiya 17:27

“Bari n ko, ì si soŋ ka i lamoyi n na, ka Loobula Luŋo muta luŋ buuñaariŋo ti. Ì kana duni samba niŋ Yerusalaamu dundaŋ daalu la wo luŋo la. Kaatu niŋ ì ye wo ke, m be dimbaa faabaloo le mala la Yerusalaamu dundaŋ daalu to, a ye a tatoolu bee kasaara.”

Yeremiya 22:1

Yaawe* ko n si taa Yahuuda mansasuwo to ka ñiŋ kiilaariyaa kumoo fo jee ko:

Yeremiya 22:7

M be tiñaarilaalu le parendi la naŋ i kamma, ì meŋ-wo-meŋ niŋ i la jooraŋo. Ì be i la sedari* bilii ñiimaalu bee kuntuŋ-kuntuŋ na le, ì ye dimbaa duŋ ì la.

Yeremiya 32:19

I la feeroolu warata le, aduŋ i la keroolu semboo warata. I ñaa ka tara hadamadiŋolu bee taaraŋ siloolu la le, aduŋ i ka moo-wo-moo joo ka bo niŋ a maañaa le la, aniŋ ka bo niŋ a kekuwolu la.

Yeremiya 46:23

Ì be a sutu teyi la le, a keta seeli teyibaloo ti ñaa-wo-ñaa, kaatu ì yaatewo tambita kuntiŋolu la le, daŋ te ì yaatewo la.

Yeremiya 50:32

Faŋ waralaa Babiloni si taki a ye boyi, moo te soto la ka a wulindi. M be dimbaa le duŋ na a saatewolu la, ka feŋ-wo-feŋ domo meŋ be a dandaŋo la.”

Yeremiya 52:13

A ye dimbaa duŋ Yaawe Batudulaa Buŋo* la, mansasuwo, buŋ kummaalu bee, aniŋ buŋ toomaalu bee, Yerusalaamu saatewo kono.

Yeremiya 6:19

Duniyaa bee ye i lamoyi! A juubee, nte be kuu jawu le laa la ñiŋ moolu kaŋ, meŋ be ke la ì la kuruŋyaa feeroolu joo ti, kaatu ì maŋ i moyi n na kumoolu la, aduŋ ì balanta n na karandiroolu la le.

Yeremiya 6:29

Dimbaa ka hilihili nee yelundiraŋ fuuroo kono le, a ka neebuwo bondi newo bala, a ye seneyaa. Hani niŋ itolu keta wo ñaama, kenseŋ ne mu, kaatu wo te ì la kuruŋyaa bondi la.

Yeremiya 9:25

Yaawe ko, “A juubee, luŋ be sii la m be ñiŋ banku moolu jarabi la le: Misirankoolu, Yahuuda moolu, Edomunkoolu, Ammoninkoolu, Mowabinkoolu, ka taa lasiloolu mennu be sabatiriŋ keñewuloo dandaŋolu la. Ñiŋ banku moolu sunnata ñaa-wo-ñaa, wo maŋ a tinna ì ka nte batu. Alitolu Banisirayilankoolu fanaa be wo le ñaama. Ali balajaatoolu sunnata le, bari ali sondomoolu maŋ faliŋ.”

Niikuyaa Suukuwolu 2:3

Biriŋ ì jawoolu naata ì kele, a ye a bulubaa buloo bo a la moolu koto. A la kamfaa saŋaroo kaŋ, a ye Banisirayila binoo bee kati. A la kamfaa malata Yaakuba kaŋ ne ko dimbaa wuleŋo, a ye feŋo bee kasaara taariŋ.

Esekiyeli 21:3

A fo ì ye, nte Yaawe ye ñiŋ ne fo ko: M buloo be laa la ì kaŋ ne ko n jawoolu. A fele, ŋa n na hawusaroo* bondi a laa kono naŋ ne, ka moo kuruŋolu niŋ moo tilindiŋolu bee faa.

Mika 7:13

Bari duniyaa banku koteŋolu si tumbuŋ jee siilaalu la baara kuwo kamma la, ì la baaroo joo be ke la wo le ti.

Jakariya 11:1

Ite Libanooni bankoo, i la bundaalu yele, fo dimbaa si i la sedari* yiroolu jani.