Yeremiya 20:8 - Mandinka Bible

⁸ Niŋ m be diyaamu la waati-wo-waati, fo n si wuuri, aniŋ ka sari ko, “Fitinoo! Kasaaroo!” Ite Yaawe la kumoo foo keta n ye jalayiroo niŋ jelefeŋyaa le ti luŋ-wo-luŋ.

Yeremiya 20:8 Mawu Ofanana

2 Mansoolu 2:23

Elisa naata bo jee ka taa Beteli saatewo to. Kabiriŋ a be siloo kaŋ ka taa, kambaanendiŋo doolu le fintita naŋ saatewo kono, ì ka a tooñee ka a fo a ye ko, “Bo jaŋ, kuŋ lawulawu! Bo jaŋ, kuŋ lawulawu!”

2 Taarika 36:16

Bari ì tarata Alla la annabiyomoolu ñaawali la, ka i baŋ a la kumakaŋolu la. Ì ka a la annabiyomoolu jele fo a la kamfaa warata ì kamma, fo labaŋo ì maŋ kanadaa soto noo.

Yesaya 57:4

Fo ali ka nte le ñaawali baŋ, ka ali ñaa yelemandi, ka ali neŋolu bondi banta? Balannaalu niŋ faniyaa folaalu le ye ali wuluu.

Yeremiya 15:10

Hee, nte Yeremiya, m baa la n wuluwo keta n ye bataa le ti! N keta moo le ti, ì ka tu meŋ na kuwo ñoosaba la, aniŋ ka n kele bankoo bee kaŋ. M maŋ moo donto, moo maŋ n donto, hani wo, moo bee ka n danka.

Yeremiya 15:15

Bituŋ n kumata ko, Hee Yaawe, ite ye a loŋ ne meŋ keta n na, i hakiloo ye bula n na, i ye n na kuwo hati, i ye juloo joo n ye n jawoolu to. Kana tara muñariŋ ì ye, ka n tu ì bulu ì ye n niyo taa. I ye a loŋ ne ko, ì ka n neŋ ite le la kuwo la.

Yeremiya 17:27

“Bari n ko, ì si soŋ ka i lamoyi n na, ka Loobula Luŋo muta luŋ buuñaariŋo ti. Ì kana duni samba niŋ Yerusalaamu dundaŋ daalu la wo luŋo la. Kaatu niŋ ì ye wo ke, m be dimbaa faabaloo le mala la Yerusalaamu dundaŋ daalu to, a ye a tatoolu bee kasaara.”

Yeremiya 20:7

Hee Yaawe, i ye n sondi le, aduŋ n sonta le. Ite le bambanta n ti, i ye n noo le. Ì ka n ke jelefeŋo le ti tiloo muumewo, moo bee ka n ñaawali.

Yeremiya 28:8

Annabiyomoolu mennu naata ite niŋ nte ñaa, waati jaŋ koomanto, wolu ye kiilaariyaa kumoolu fo le ko keloo, kasaara jawoo, aniŋ alibalaa kuuraŋo le be naa banku jamaa kaŋ, aniŋ mansamarali banku baalu kaŋ.

Yeremiya 5:1

Yaawe* ko: “Ali Yerusalaamu mbeedoolu muruŋ-muruŋ baŋ, ka juubeeroo ke, ali ye i miira. Ali ñinindiroo ke a bantabaalu to, fo ali be moo le je la meŋ ka taama tiliŋo kono, aniŋ ka foroyaa tooñaa kaŋ. Niŋ wo sotota, n si yamfa saatewo ye.

Yeremiya 5:6

Wo kamma la jatoolu be bo la sutoo kono le ka ñapi ì kaŋ, suluwolu ye bo naŋ keñewuloo* kono ka ì kasaara. Soloolu be bitiriŋ ì la saatewolu kamma le, moo-wo-moo fintita banta, ì ye a faraŋ-faraŋ, kaatu ì la balaŋo warata le, ì la badali maañaalu siyaata.

Yeremiya 6:10

N si diyaamu noo jumaa le ye ka a dandalaa? Jumaa le be i lamoyi la n na? Ì tuloolu sukita le, ì te i moyi noo la. Ì ka jutu Yaawe la kumoo la le, a buka ì kontaani.

Yeremiya 7:9

“Ali ka suuñaaroo ke le, moofaa, aniŋ jeenoo, ka kali faniyaa kaŋ, ali ka cuuraayoo siisindi Baali* jalaŋo ye, aniŋ ka jalaŋ doolu batu, ali nene maŋ mennu loŋ.

Habakuki 1:3

Muŋ ne ye a tinna i ye n jerindi ñiŋ tilimbaliyaa la? Muŋ ne ye a tinna i ye i ñaa kaasi kuu kuruŋo la? N ñaa ka kasaaroo niŋ fitina kuwo doroŋ ne je daa-wo-daa, keloo niŋ sonkoo be wuli kaŋ doroŋ.

Luka 11:45

Wo to le Luwaa lonnaa doo ye a jaabi ko, “Karammoo, niŋ i ka ñinnu fo, i ka ntolu fanaa jalayi le.”

Hiburunkoolu 11:26

A laata le ko, malundiroo Alimasiihu* la kuwo kamma la, wo le nafaa warata ka tambi Misira bankoo la naafuloolu la, kaatu a ñaa be joo le kaŋ, meŋ ka naa.

Hiburunkoolu 13:13

Wo to, ali ŋà taa a kaŋ daakaa banta, ŋà a la malu kuwo muña.

1 Pita 4:14

Niŋ moolu ye ali neŋ Kiristu too kamma la, ali barakata le, kaatu Alla la Nooroo be ali kaŋ ne, meŋ kallankeeyaata.