Yeremiya 20:5 - Mandinka Bible

⁵ A be ñiŋ Yerusalaamu saatewo naafuloo bee dii la ì jawoolu la le, ì la sotofeŋolu bee, ì la feŋ kummaalu, aniŋ Yahuuda mansoolu la kodiforoo niŋ sanoo bee. Ì be a ke la ñapinkaŋ feŋo le ti ka a samba Babiloni bankoo kaŋ.

Yeremiya 20:5 Mawu Ofanana

2 Taarika 36:10

Tilikandoo kono, Nebukanesa ye moolu kii ka a samba naŋ Babiloni, a niŋ Yaawe Batudulaa Buŋo jooraŋ kummaalu. Bituŋ Nebukanesa ye Yehoyakini faandiŋ sindi a noo to ka ke Yerusalaamu niŋ Yahuuda bee mansa ti.

Yesaya 39:6

waatoo be naa le, feŋo meŋ bee be i la mansasuwo kono, aniŋ i mumuñolu ye feŋo meŋ bee kafu ñoo ma ka naa bula bii la, ì be a taa la le ka a samba Babiloni bankoo kaŋ. Feŋ te tu la jee, Yaawe le ye a fo.

Yeremiya 12:12

Kasaaralilaalu naata niŋ keñewula tintiñaalu bee le la. Nte Yaawe ye keloo le naati niŋ hawusaroo* la, ka bankoo kasaara biriŋ tonkoŋ fo tonkoŋ. Moo te kayira soto la.

Yeremiya 15:13

Yaawe ko n ye le ko: “M be ali la naafuloo niŋ ali la sotofeŋolu dii la le ka ke ñapinkaŋ feŋo ti. Ñiŋ ne be ke la ali la julujoo ti, ali la junuboolu kamma la, ali ye mennu ke bankoo fannaalu bee la.

Yeremiya 17:3

aniŋ konko baalu kaŋ, kene fanuŋolu to. M be ali la naafuloo niŋ ali la sotofeŋolu bee dii la ali jawoolu la ñapinkaŋ feŋo le ti, ka ke ali la junuboo joo ti, ali ye mennu ke ali la bankoo fannaalu bee la.

Yeremiya 3:24

Ka bo biriŋ ǹ dindiŋ, ñiŋ malu kuwo, Baali* jalambatoo ye m̀ fondi m̀ mumuñolu la kata kuwolu la le, baalu niŋ saajiyolu, aniŋ ninsoolu, ka taa dinkewolu niŋ dimmusoolu.

Yeremiya 32:24

A juubee baŋ, Babiloninkoolu ye seleraŋolu loo le ka saatewo suki, fo ì si a muta. Hawusari keloo, konkoo, aniŋ alibalaa kuuraŋo be a tinna le ñiŋ saatewo ye duŋ ì bulu, mennu be a kele kaŋ. I ye meŋ fo, a keta le, aduŋ a fele, i faŋo ñaa be a kaŋ ne.

Yeremiya 39:2

Bituŋ Sedekiya la mansayaa sanji taŋ niŋ kilinjaŋo kono, a kari naaninjaŋo tili konontonjaŋo la, ì ye saatewo tata sansaŋo teyi.

Yeremiya 39:8

Babiloninkoolu ye mansasuwo fanaa jani le, aniŋ moolu la buŋolu, ì ye Yerusalaamu tata sansaŋo boyi.

Yeremiya 4:20

Kasaaroo be looriŋ ñoo nooma, bankoo bee burukata le ka kenseŋyaa. Kataba kiliŋ n na tiriliisoolu* kasaarata, n na suturadulaa keta wo ti, waati kiliŋ.

Niikuyaa Suukuwolu 1:10

Kooni, i jawoolu buloo siita i la sotofeŋ kummaalu ma le, ì ye ì bee taa kewu! I ñaa be mala kaŋ banku koteŋ moolu kaŋ, ì ye i seyiŋ i la Batudulaa Senuŋo kono, Yaawe ye mennu la duŋo koŋ, i la moolu ka beŋ daameŋ.

Niikuyaa Suukuwolu 1:7

Hee Yerusalaamu, i hakiloo muruta i la sotofeŋ kummaalu kaŋ ne, i la ñiŋ mantooroo niŋ yaayi waatoo la, feŋolu mennu bee keta i taa ti kunuŋ tiloolu la. Kabiriŋ i la moolu dunta i konnantewolu buloo kono, i maŋ hani maakoyirilaa soto, i konnantewolu ye ì ñaawali le, ì jeleta i la boyoo la.

Niikuyaa Suukuwolu 4:12

Mansakewolu, duniyaa mansoolu maŋ laa, waraŋ moo koteŋ duniyaa kono, ko Yerusalaamu konnantee waraŋ a jawu si a dundaŋ daalu salaŋ noo.

Esekiyeli 22:25

Ì la bankoo maralilaalu mulunta le ko jatoolu mennu ka bumbuŋ beeyaŋ suboo kunna aniŋ ì ka ì la suboolu faraŋ-faraŋ. Ì boyita a kewolu kaŋ ne ì ye ì faa, ì ye ì la musu jamaalu ke furuyaamusoolu ti. Ì ye doolu faa, ì naata wolu la sotofeŋolu niŋ ì la feŋ kummaayaariŋolu taa.

Daniyeli 1:2

Maariyo ye Yahuuda mansakewo duŋ a bulu le, ka taa Alla Batudulaa Buŋo* kono jooraŋo doolu. A ye ì samba naŋ Babiloni bankoo kaŋ, aduŋ a ye jooraŋolu ke a la jalaŋolu la buŋo maaboridulaa le kono.

Hoseya 13:15

Hani niŋ Efurayimu yiriwaata ko seyiŋo, tiliboo foñoo si naa, Yaawe si a bula naŋ ka bo keñewuloo kono. A la koloŋo si jaa, a la jii woyoolu ye loo. A la naafulu maabodulaa, ì be ñapi la a feŋ kummaa baalu bee le kaŋ.