Yeremiya 20:18 - Mandinka Bible

¹⁸ Muŋ ne faŋo ye a tinna nte wuluuta, ka bataa niŋ niikuyaa taki, ka n siyo baŋ maloo kono?

Yeremiya 20:18 Mawu Ofanana

1 Mansoolu 19:4

Ate faŋo taamata keñewuloo* kono tiloo muumewo la. A naata futa yirindiŋo ma, a siita a koto, aduŋ a duwaata fo a si faa. A ko, “Yaawe*, ñiŋ kuwo koleyaata le. Nte niyo taa. Niŋ nte faata faŋ wo le fisiyaata.”

Yuuba 14:1

Hadamadiŋo meŋ, a ka wuluu ka bo musoo le kono, a baluu tili maŋ siyaa, a bee be faariŋ nambaroo la.

Yuuba 14:13

M be lafi la ñiŋ ne la, i ye n samba laakira, ŋa tara maaboriŋ jee, fo niŋ i la kamfaa banta. Bituŋ i ye naa waatoo londi, i be kali la n na kuwo kalamuta la meŋ na.

Yuuba 3:20

Muŋ ne ye a tinna baluwo be dii la moo bataariŋo la, moo meŋ ye niitoora kuu baa soto a la baluwo kono?

Yuuba 5:7

Bari hadamadiŋo wuluuta le bataa kuwo kono, komeŋ dimbaa feremetoo ka tii santo ñaameŋ.

Jabuuroolu 102:3

N na baluwo be yeemaŋ kaŋ ne ko siisiyo, n kuloolu kono ka n teyi ko dimbaa.

Jabuuroolu 69:19

Ite ye a loŋ ne nendiroo meŋ keta n na, aniŋ m bulata maloo niŋ horomantaŋyaa meŋ kono. Ite ye nte jawoolu bee loŋ ne.

Yesaya 1:6

Ka bo ali siŋ teetewo to, ka taa fo ali kunteemoo to, kereyaa te jee, baramoolu niŋ warasoolu dammaa le be jee, aniŋ namaroolu. Ì maŋ ì kuu, waraŋ ka booroo ke ì bala, sako ka ì siti.

Yesaya 51:7

“Ali i lamoyi n na, alitolu mennu ye kuu tilindiŋo loŋ, n na luwaalu be alitolu mennu sondomoo kono, ali kana sila moolu la malundiroo la, waraŋ ka sila ì la nendiroolu la.

Yeremiya 15:10

Hee, nte Yeremiya, m baa la n wuluwo keta n ye bataa le ti! N keta moo le ti, ì ka tu meŋ na kuwo ñoosaba la, aniŋ ka n kele bankoo bee kaŋ. M maŋ moo donto, moo maŋ n donto, hani wo, moo bee ka n danka.

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yeremiya 3:25

Ǹ ñanta le ka n laa duuma maloo kono, ǹ na dooyaa ye muuri ǹ kaŋ. Ŋà junuboo le ke Yaawe ǹ na Alla la, ntolu niŋ m̀ mumuñolu bee, ka bo biriŋ ǹ dindiŋ ka naa bula bii la. M̀ maŋ Yaawe ǹ na Alla la kumoo muta.’ ”

Yeremiya 8:18

Kooni! Niikuyaa jaarabaloo le laata n kaŋ, n niŋ jusu dimiŋo le mu.

Niikuyaa Suukuwolu 1:12

“Muna tambilaalu, ñiŋ maŋ ke alitolu ye feŋ ti baŋ? Ali a juubee, fo niikuyaa le tambita nte la niikuyaa la baŋ, meŋ laata n kaŋ, Yaawe ye m mantoora meŋ na, a la kamfaa saŋaroo waatoo la.

Niikuyaa Suukuwolu 3:1

Ayiwaalii! Nte le ye bataa je, Alla la kamfaa busoo laata n kaŋ ne.

Habakuki 1:3

Muŋ ne ye a tinna i ye n jerindi ñiŋ tilimbaliyaa la? Muŋ ne ye a tinna i ye i ñaa kaasi kuu kuruŋo la? N ñaa ka kasaaroo niŋ fitina kuwo doroŋ ne je daa-wo-daa, keloo niŋ sonkoo be wuli kaŋ doroŋ.

Yohana 16:20

Tooñaa-tooñaa, m be a fo la ali ye, ali be kumboo la le, ali ye woosii, bari duniyaa be seewoo la le. Ali niyo be kuyaa la le, bari ali la niikuyaa be yelema la ali ye seewoo le ti.

Kiilaalu 5:41

Wo to le kiilaalu bota kansulumoolu ñaatiliŋo la, ì seewootoo, kaatu a jarita ì ye le ka ì toora, aniŋ ka ì malundi, Yeesu too kamma la.

2 Timoti 1:12

Wo daliiloo kamma la, n ka toora ñiŋ kuwolu la. Bari n te malu la muk, kaatu ŋa ate loŋ ne, n laata meŋ na, aduŋ n dankeneyaata le ko, a ye meŋ karafa m ma, a be a kanta la le fo a naa luŋo la.

Hiburunkoolu 10:36

Ali suulata wakiiloo le la, fo ali si Alla la lafoo ke noo, aniŋ ka a la laahidoo soto,

Hiburunkoolu 11:36

Moo doolu be jee, ì ye wolu ñaawali le, aniŋ ì ye ì karawaasi. Ì ye hani neejoloo bula ì doolu la le, aduŋ ì ye doolu soroŋ bunjawoo kono.

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.

Hiburunkoolu 13:13

Wo to, ali ŋà taa a kaŋ daakaa banta, ŋà a la malu kuwo muña.