Yeremiya 2:8 - Mandinka Bible

⁸ Piriisoolu* maŋ a fo ko, ‘Yaawe lee?’ Wolu mennu mu Luwaa karammoolu* ti, ì maŋ n loŋ. Ñaatonkoolu balanta m ma le. Annabiyomoolu ka kuma Baali* jalaŋo tooyaa le la, ka jalaŋ kenseŋolu batu.”

Yeremiya 2:8 Mawu Ofanana

1 Mansoolu 18:22

Bituŋ Eliya ko ì ye ko, “Baali jalaŋ annabiyomu keme naani niŋ taŋ luulu le be jaŋ, aduŋ nte dammaa le tuta Yaawe la annabiyomoolu kono.

1 Mansoolu 18:29

Tilibuloo tambita, aduŋ ì tententa ì la kuu mañaraŋ kewo la, fo wulaara sadaaboo* waatoo siita. Bari dankuru maŋ ke, aduŋ moo maŋ jaabiri ke, sako ka i lamoyi ì la.

1 Mansoolu 18:40

Bituŋ Eliya ko ì ye ko, “Ali Baali jalaŋ annabiyomoolu muta, hani kiliŋ kana kana.” Bituŋ ì ye ì muta, aduŋ Eliya ye ì samba Kisoni Wulumbaŋo to, a ye ì faa jee.

Yuuba 35:10

Bari a hakiloo buka muru Alla kaŋ, ka a fo ko, “N Daamansoo lee, meŋ ka jikoo dii bataa waatoo kono,

Yesaya 28:7

Doloo ka ñinnu le siirisaarandi, ka ì timili-tamalindi, niŋ ì ye wayinoo* miŋ: A ka piriisoolu* niŋ annabiyomoolu le siirisaarandi. Wayinoo ka ì bondi ì noo to le, a ka ì timili-tamalindi. Ì la jeroo ka fili ì ma le, aduŋ niŋ ì be kiitiyo kuntu la, ì ka boyi le, ì buka a kuntu kuu.

Yesaya 29:10

Kaatu ko, Yaawe ye siinoo baa le kupi ali kaŋ, aduŋ annabiyomoolu mennu keta ali jerilaŋ ñaalu ti, a ye wolu ñaalu tawuŋ ne, jerilaalu mennu keta ali kuŋolu ti, a ye wolu kuŋolu suki.

Yesaya 30:5

Yahuuda bee be malu la le, kaatu wo moolu te ì nafaa la, ì te ì maakoyi noo la feŋ ne to, fo niŋ ì ye maloo niŋ dooyaaroo naati ì ye.”

Yeremiya 10:21

Kantarilaalu ǹ na moolu kunna mu hakilintaŋolu le ti, ì buka Yaawe la kuwo hati, wo le ye a tinna ì buka ñaatotaa soto, ǹ na moolu bee janjanta.

Yeremiya 12:10

Kantarilaa jamaalu le ye n na wayini* yiri kankaŋo kasaara, ì ye n na kunkoo doriŋ-doriŋ. Ì ye n na kunku kendoo kenseŋyandi le ka a ke keñewuloo* ti.

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Yeremiya 2:11

Banku le nene ka a la alloolu faliŋ baŋ, ì maŋ ke Alla tooñaa ti ñaa-wo-ñaa? Bari nte la moolu ye ì la Mansa Kallankewo faliŋ jalaŋ kenseŋolu le la.

Yeremiya 2:6

Ì maŋ ñiŋ fo ko, ‘Yaawe lee, meŋ ye m bondi naŋ Misira bankoo kaŋ, meŋ tambita ǹ ñaato keñewuloo kono, dinka jawoolu be daameŋ? Wo wula jaara jiintaŋo, jaa niŋ dibi fiŋo be daameŋ, moo buka tambi niŋ jee la, sako moo si sabati jee.’

Yeremiya 4:22

Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Yeremiya 7:8

Bari a fele, ali jikita neeneeri kumoolu le la, mennu maŋ nafaa soto.

Yeremiya 9:14

Ì ye wo tu jee le, ì kanjaaramaalu bulata kuwolu nooma ì faŋolu sondomoolu ye ì samba mennu kaŋ. Ì ka Baali* jalaŋolu le batu ko ì mumuñolu ye ì karandi a la ñaameŋ.”

Esekiyeli 22:26

Ì la piriisoolu* ye n na yaamaroolu tiñaa le, ì maŋ n na feŋ jankuriŋolu buuñaa, ì maŋ feŋ jankuriŋolu niŋ feŋ koteŋolu bondi moolu ye ñoo to, waraŋ ka moolu karandi kuwolu la, mennu be feŋ kosoriŋolu niŋ feŋ senuŋolu teema. Ì ye ì ñaa kaasi ì maŋ n na Loobula Luŋo horoma. Ñiŋ daliiloo le ye a tinna moolu maŋ n horoma kotenke.

Esekiyeli 34:2

“Ite hadamadiŋo, ñiŋ kiilaariyaa kumoo fo Banisirayila maralilaalu ye, nte Yaawe, ì Maariyo ye ñiŋ ne fo ko: Kooroo boyita ali kaŋ. Alitolu Banisirayila kantalaalu, ali be ali faŋolu dammaa le konoo fandi kaŋ. Aduŋ ali ñinata ali ka mennu kanta. Fo kantarilaa le maŋ ñaŋ na a la saajiyolu daañini la baŋ?

Hoseya 4:6

N na moolu kasaarata lombaliyaa kaŋ. Alitolu piriisoolu ye ì baŋ ne ka n loŋ, wo to ŋa m baŋ ali la piriisiyaa to le. Bayiri ali ñinata ali la Alla la Luwaa la, nte fanaa be ñina la ali diŋolu la le.

Habakuki 2:18

“Jalaŋo ye muŋ nafaa le soto, hadamadiŋo faŋo la lese feŋo? A te feŋ yitandi noo la fo faniyaa. Jalaŋo ye muŋ nafaa le soto a dadaalaa ye, fo a be a jikoo loo la a kaŋ, feŋ meŋ buka diyaamu noo?

Matiyu 16:26

Moo be muŋ nafaa le soto la, niŋ a ye duniyaa feŋolu bee soto, bari a naata foo a niyo la? Moo si a niyo kumakaa noo muŋ feŋ ne la?

Luka 11:52

“Kooroo be alitolu Luwaa lonnaalu ye! Ali ye londoo la caaboo le taa. Ali faŋolu maŋ duŋ a kono, ali ye moolu bali, mennu lafita ka duŋ.”

Yohana 16:3

Ì be ñiŋ kuwolu ke la ali la le, kaatu ì maŋ m Faamaa loŋ, sako nte.

Yohana 8:55

Ali maŋ a loŋ, bari nte ye a loŋ ne. Niŋ n ko, m maŋ a loŋ, wo to m mu faniyaa folaa le ti ko alitolu. Bari nte ye a loŋ ne, aduŋ ŋa a la kumoo muta le.

2 Korintinkoolu 4:2

M̀ fatata malu kuwolu la le, mennu ka ke kulloo kono. M̀ buka neeneeroo ke, sako ǹ si Alla la kumoo tooñaa yelemandi. Ǹ ka tooñaa le fo koyirinke fo moo-wo-moo si a tooñaayandi noo a sondomoo kono Alla ñaatiliŋo la.

5 Musa 33:10

Itolu le be Yaakuba karandi la i la yaamaroolu la, ì si Banisirayila karandi i la luwaalu la, itolu le be cuuraayi sadaa siisindi la i ye, ì ye beeyaŋ sadaalu bo i ye i la sadaajanidulaa* kaŋ.

1 Samuweli 12:21

Ali kana bula jalaŋ fuuriŋolu nooma. Ì te feŋ ke noo la ali ye, sako ka ali tankandi, kaatu ì maŋ nafaa soto.

1 Samuweli 2:12

Eli dinkewolu jawuyaata nuŋ baake le. Ì maŋ sila Yaawe la,