Yeremiya 2:6 - Mandinka Bible

⁶ Ì maŋ ñiŋ fo ko, ‘Yaawe lee, meŋ ye m bondi naŋ Misira bankoo kaŋ, meŋ tambita ǹ ñaato keñewuloo kono, dinka jawoolu be daameŋ? Wo wula jaara jiintaŋo, jaa niŋ dibi fiŋo be daameŋ, moo buka tambi niŋ jee la, sako moo si sabati jee.’

Yeremiya 2:6 Mawu Ofanana

2 Mansoolu 2:14

Bituŋ a ye Eliya la dendikoo taa, meŋ jolonta a la, a ye boloŋo jiyo lipa a la. A kumata ko, “Yaawe lee, Eliya la Alla?” Boloŋo farata fula ti, ka ke sila jaaroo ti. Bituŋ a teyita.

Yuuba 3:5

Dibi baa ye a luŋo taa, minaayoolu ye a muuri, a luŋo ñiŋ na diboo ye a silaŋñaa warandi.

Yuuba 35:10

Bari a hakiloo buka muru Alla kaŋ, ka a fo ko, “N Daamansoo lee, meŋ ka jikoo dii bataa waatoo kono,

Jabuuroolu 23:4

Hani niŋ m be taama kaŋ wulumbaŋ dibiŋ baa kono, n te sila la kuu jawu la, kaatu i be m fee le. I la kantarilaŋ pudoŋo niŋ i la taamaraŋ dokoo, wolu le ka n jusulandi.

Jabuuroolu 77:5

Ŋa m miira kunuŋ tiloolu la beteyaa le la, n hakiloo muruta sanji jamaa koomanto,

2 Musa 20:2

Nte le mu Yaawe* ali la Alla ti, meŋ ye ali bondi naŋ joŋyaa kono Misira.

Yesaya 63:9

Niŋ ì ye niitoora-wo-niitoora soto, a fanaa niyo ka kuyaa le. A maŋ ke malaayikoo ti meŋ ye ì tanka, bari a la taroo ì fee. A ye ì kumakaa a la balafaa niŋ a la kanoo le kaŋ, a ye ì sika le ka ì bambu kabiriŋ waati jaŋ koomanto.

Yesaya 64:7

Moo buka i too kumandi waraŋ ka a fo i ye a maakoyi, kaatu i ye i koo dii ǹ na le. I ye m̀ bula fo ǹ na junuboolu ye ǹ kasaara.

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Yeremiya 2:2

n si taa Yerusalaamu, ŋa kankulaaroo ke, ì tuloolu ye a moyi ko: “Yaawe hakiloo muruta le, Banisirayila foroyaata ñaameŋ biriŋ a be dindiŋ, a maañoo kutamaa ye Yaawe kanu ñaameŋ. A bulata a nooma keñewuloo* kono le, wo banku senebaloo.

Yeremiya 2:8

Piriisoolu* maŋ a fo ko, ‘Yaawe lee?’ Wolu mennu mu Luwaa karammoolu* ti, ì maŋ n loŋ. Ñaatonkoolu balanta m ma le. Annabiyomoolu ka kuma Baali* jalaŋo tooyaa le la, ka jalaŋ kenseŋolu batu.”

Yeremiya 5:12

“Ì ka nte Yaawe soosoo le. Ì ye ñiŋ ne fo ko, n te hani feŋ ne ke la. Kuu jawu te ke la ì la, sako ì si hawusaroo* je, waraŋ ka konko.

Yeremiya 5:2

Ì ka ñiŋ meŋ fo ko, ‘A be koyiriŋ ñaameŋ ko Yaawe be baluuriŋ ne,’ hani wo ì ka kali faniyaa kaŋ.”

Yeremiya 51:43

A saatewolu be kenseŋyaa la le, a ye jaa ka ke keñewuloo* ti, moo te tara la siiriŋ jee, hadamadiŋ te tambi la niŋ jee la.

Hoseya 12:13

Yaawe ye annabiyomoo le taa, ka Banisirayila bondi naŋ Misira, a ye wo annabiyomoo le taa fanaa, ka ì kanta.

Hoseya 13:4

Yaawe* ko: “Nte le mu Yaawe ti, ali la Alla, nte le ye ali bondi naŋ Misira. Ali maŋ Alla koteŋ loŋ nte koolaa, nte koolaa tankandirilaa koteŋ te jee.

Amosi 2:10

Ŋa ali bondi Misira. Ŋa ali ñaatonkayaa keñewuloo* kono sanji taŋ naani, ka Amorinkoolu la bankoo dii ali la ka ke ali taa ti.

Matiyu 4:16

Moolu mennu be siiriŋ diboo kono, ì naata mala baa je. Maloo malata moolu kaŋ ne, mennu be siiriŋ banku dibiriŋo kaŋ, saayaa niiniyo koto.”

5 Musa 1:19

Bituŋ ǹ wulita ka bo naŋ Sinayi Konkoo to, ko Yaawe ǹ na Alla ye ǹ yaamari ñaameŋ. Ŋà ǹ kuŋo tiliŋ Amorinkoolu la konkotundoo to la. Wo siloo kaŋ, ali faŋolu ye a je le, ŋà keñewula* baa meŋ kuntu, a silaŋo be warariŋ ñaameŋ. Kabiriŋ m̀ futata Kadesi-Barineya,

5 Musa 32:10

A ye ì tara keñewuloo* le kono, a ye ì je dulaa le to, feŋ te daameŋ fo daafeŋ saŋaroolu kumakaŋo. A ye ì sansaŋ, a ye ì hati, a ka a hakiloo tu ì to, ko moo ka a hakiloo tu a ñaakesoo to ñaameŋ.

5 Musa 8:2

Ali kana ñina Yaawe ali la Alla ye ali ñaatonkayaa ñaameŋ keñewuloo* kono, fo sanji taŋ naani. A ye koleyaa kuu jamaa le laa ali kaŋ ka ali kotobo, fo ali si ali fammajii, aniŋ ka a loŋ fo ali be a la yaamaroolu muta la le.

Kiitindirilaalu 6:13

Kideyoni ko a ye ko, “Bari m maarii, niŋ a ye a tara Yaawe be ntolu fee le, muŋ ne ye a tinna ñiŋ kuwo bee keta ntolu la? Ǹ na alifaa foloolu ka a fo ǹ ye le ko, ‘Yaawe le ye m̀ bondi naŋ Misira.’ Saayiŋ duŋ, a la wo kaawakuwolu be mintoo le? Yaawe ye a daa bo ntolu la kuwo to le, a ye ǹ duŋ Midiyaninkoolu bulu.”