Yeremiya 2:31 - Mandinka Bible

³¹ “Alitolu ñiŋ jamaanoo moolu, ali nte Yaawe la ñiŋ kumoo lamoyi baŋ: Fo n nene keta Banisirayila ye le komeŋ keñewuloo? Fo n nene finta a ma le komeŋ banku dibiriŋ baa? Wo to muŋ ne ye a tinna n na moolu ka a fo ko, ‘Ntolu be m̀ faŋ ne bulu taariŋ. Ǹ te muru la i kaŋ kotenke?’

Yeremiya 2:31 Mawu Ofanana

1 Mansoolu 11:22

Firawoona ye a ñininkaa ko, “I mankita muŋ ne la jaŋ meŋ ye a tinna i lafita ka muru i fansuŋ bankoo kaŋ?” Hadadi ye a jaabi ko, “Hani feŋ, bari i si m bula ŋa taa!”

2 Taarika 31:10

Bituŋ Asariya, piriisi kuntiyo, meŋ bota Sadoki kaabiiloo to, ye a jaabi ko, “Kabiriŋ moolu ye a dati ka diiroo ke Yaawe la Batudulaa Buŋo* to, ŋà domoroo jamaa le soto, aduŋ jamaa le too tuta. Yaawe neemata a la moolu ma le, wo le ye a tinna ñiŋ too jamaa baa tuta teŋ.”

Yuuba 21:14

Hani wo bee, ì ka a fo Alla ye le ko, “M̀ bula m̀ faŋ ma! Ntolu maŋ tara lafiriŋ ka i la siloolu loŋ.

Jabuuroolu 10:4

A la faŋ waroo le ka a tinna a ka a fo ko, “Alla te kuu kisikisi la.” A ka tu ñiŋ ne miira la a faŋ ma ko, “Alla te keriŋ.”

Jabuuroolu 12:4

mennu ka a fo ko, “Ǹ neŋolu le be a tinna la ŋà kututeyi. Ǹ daalu be m̀ bulu le, jumaa le si ntolu mara noo?”

Kuma Kotoomaalu 30:9

Niŋ wo nte, a si siyaa m bulu noo le, ŋa ñina i la kuwo la, ŋa a fo ko, “Jumaa le mu Yaawe* ti?” Waraŋ n si ke noo fuwaaroo ti le, ŋa suuñaaroo ke, aduŋ n te n na Alla too horoma la.

Yesaya 45:19

M maŋ diyaamu kulloo kono, waraŋ ka dukuduku diboo kono. M maŋ a fo Yaakuba koomalankoolu ye ko, ‘Ali n ñini kensenke.’ Nte le mu Yaawe ti, n ka tooñaa le fo, aduŋ meŋ tilinta, n ka wo le yitandi.”

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Yeremiya 2:25

Banisirayila, kana i sinto samatoo baŋ yaayoo la, waraŋ i kaŋo ye jaa mindoo la! Bari i ko wo mu kuma kenseŋo le ti, ite ye banku koteŋ jalaŋolu le kanu nte ti, fo i si bula wolu nooma doroŋ.”

Yeremiya 5:5

Wo to m be taa ñaatonkoolu le yaa, ŋa diyaamu ì ye, bayiri itolu le ye Yaawe la siloo loŋ, tiliŋo, ì la Alla ye meŋ kaniŋ.” Bari ì bee le kafuriŋo ye a la yookoo* kati ka balaŋ a ma, ì ye i kuntu a la pat.

Yeremiya 5:6

Wo kamma la jatoolu be bo la sutoo kono le ka ñapi ì kaŋ, suluwolu ye bo naŋ keñewuloo* kono ka ì kasaara. Soloolu be bitiriŋ ì la saatewolu kamma le, moo-wo-moo fintita banta, ì ye a faraŋ-faraŋ, kaatu ì la balaŋo warata le, ì la badali maañaalu siyaata.

Esekiyeli 14:5

M be ñiŋ ke la le, fo Banisirayilankoolu sondomoo si muru naŋ n kaŋ, mennu ye ì koo dii n na ka jalaŋolu batu.

Hoseya 13:6

Ŋa ali daañini fo ali konoo faata. Ali konoo faata doroŋ, ali ye ali faŋ wara, bituŋ ali ñinata n na.

Amosi 1:1

Ñinnu le mu kumakaŋolu ti Amosi ye mennu bankee. Saajiitii baa le mu Tekowa saajiitiyolu kono. Alla ye Banisirayila la ñiŋ kuwolu bee le lankenemayandi Amosi ye, sanji fula janniŋ banku jarajaroo ka ke. A keta Usiya la mansayaa waatoo le kono Yahuuda, aniŋ Yehowasi dinkewo Yerobowamu la mansayaa waatoo Banisirayila.

Mika 6:9

Ka sila Yaawe la, wo le mu ñaameŋo ti. Yaawe ye kiliroo ke Yerusalaamu saatewo to ko: “Ali i lamoyi, ali si sila busoo la, aniŋ busoo maarii.

1 Korintinkoolu 4:8

A munta le ko, alitolu wasata le fokabaŋ! Ali fankata le, aduŋ ali keta mansoolu le ti ǹ kooma! M be lafiriŋ ne, ali ye maraloo ke, fo ǹ niŋ ali si deŋ mansayaa la.

5 Musa 31:20

M be ì samba la bankoo kaŋ, keekewo niŋ liyo ka woyi daameŋ, n kalita ì mumuñolu ye ka meŋ dii ì la. Ì be domoroo soto la jee, ì konoo be faa la, ì baloolu ye nunku. Wo ñaa-wo-ñaa ì be bula la alla koteŋolu nooma le ka ì batu. Ì be ì koo dii la n na, ì ye n na kambeŋo tiñaa, n niŋ ì ye meŋ siti.

5 Musa 32:15

Wo le to Yesuruni naata nunku, a menta, a nunkuta, a be faariŋ tep, bituŋ a badalita. A ye a koo dii Alla la, a Daamansoo, a jututa a Semberaŋ Bere Baa la, a Kiisabaa.

5 Musa 32:18

Ali ñinata Yaawe la, ali Daamansoo, ali ye ali ñaa kaasi, Semberaŋ Bere Baa la, meŋ ye ali daa.