Yeremiya 2:3 - Mandinka Bible

³ Ite Banisirayila mu nte Yaawe taa senuŋo le ti, i keta n ye le ko n na fiifeŋ kuŋ foloolu. Mennu bee ye i maa, ŋa ì muta kuu la le, aduŋ ŋa kuu jawu le laa ì kaŋ.” Yaawe le ye a fo.

Yeremiya 2:3 Mawu Ofanana

2 Musa 22:29

Ali si ali la sadaalu bo n ye, ka bo ali la katirifeŋolu to, niŋ ì la waatoo siita. Ali si ali dinkee foloolu dii n na.

2 Musa 23:16

Ali si katiri waatoo juura, niŋ ali ye a dati, ka ali la fiifeŋolu kati. Ali si katiroo bandulaa juura, saŋo bandulaa, niŋ ali ye ali la fiifeŋolu bee kafu ñoo ma.

Yesaya 41:11

“Ali a juubee, moolu mennu bee ka kamfaa ali kamma, ì be tara la maloo niŋ dooyaa le kono. Ali kelelaalu te feŋ nafaa la, aduŋ ì be kasaara la le.

Yesaya 47:6

Kabiriŋ n kamfaata n na moolu kamma, m maŋ ì ke m faŋo taa ti kotenke, ŋa ì duŋ i bulu le, bari i maŋ balafaa soto ì ye. I ye duni kuliŋ baa laa keebaa kotoolu faŋo kaŋ ne.

Yeremiya 12:14

Yaawe ye ñiŋ ne fo ko: “N na moolu Banisirayilankoolu dandanna bankoolu bee, mennu buloo laata keetaafeŋo kaŋ, ŋa meŋ dii ì la, wolu la kuwo fele: M be ì wutu la ì la bankoolu kaŋ ne, aduŋ m be Yahuuda moolu bondi la naŋ ì kono le.

Yeremiya 2:4

Alitolu Yaakuba koomalankoolu, ali i lamoyi Yaawe la kumoo la, alitolu mennu mu Isirayila lasiloolu ti.

Yeremiya 30:16

“Bari silaŋ, mennu ye i baluu ali la, ì fanaa be ke la baluutaa ti le, aduŋ ali konnantewolu kiliŋ-wo-kiliŋ be taa mutoo kono le. Mennu ye ali ke ñapinkaŋ feŋo ti, ì be ke la ñapinkaŋ feŋo ti le. Mennu ye ali ke buusi feŋo ti, ì be ke la buusi feŋo ti le.

Yeremiya 50:7

Moo-wo-moo ye ì je, a ka i baluu ì la le, ì jawoolu ka a fo le ko, ‘Ntolu maŋ kasi ke, kaatu ì ye junuboo le ke Yaawe la, ì taradulaa tooñaa be meŋ fee, Yaawe, ì la alifaa foloolu jikoo.’

Yoweli 1:3

Ali a saata ali diŋolu ye, ali diŋolu fanaa ye a saata ì diŋolu ye, wolu fanaa si a saata jamaani naalaa ye.

Amosi 6:1

Kooroo be boyi la ali kaŋ ne, alitolu mennu be baluuñaa ñiimaa kono Siyoni*, aniŋ mennu be siikuuriŋ tankoo kono Samariya Konkoo kaŋ. Yankankatoo be alitolu Banisirayila sembetiyolu ye, Banisirayila jikiraŋo mu alitolu mennu ti, bankoolu bee banku kummaa.

Habakuki 1:11

Ì tambitoo ì ka dulaa seneyandi le lewu ko foñoo, ì ye tenteŋ ka kuu kuruŋo ke. Ì ka tara taamaayaariŋ ì semboo le la, ko wo le mu ì la Alla ti.”

Jakariya 1:15

M be kamfaariŋ bankoolu kamma le kendeke, mennu be siikuuriŋ tankoo kono. Kaatu ŋa ì taa le ka n na moolu jarabi n na kamfaa kaŋ, bari itolu ye ì mantoora jawuke le fo a tambita.

Jakariya 2:8

Yaawe Alihawaa Maariyo*, ate Mansa Kallankewo ye n kii bankoolu kaŋ ne, mennu ye ali ñapinkaŋ. Kaatu a ko, moo-wo-moo meŋ ye alitolu maa, wo maarii ye a buloo bula ate le ñaa kono.

4 Musa 18:12

Ì ka olifu* tulu kendoolu niŋ wayini* kutoo, niŋ siimaŋ feŋ kendoolu mennu dii nte Yaawe la ka bo ì la siimaŋ kuŋ foloolu to, ŋa ì bee le dii i la.

Roomankoolu 11:16

Niŋ fariña nooniriŋ foloo seneyaata, wo to fariña mondoo muumewo bee le ka seneyaa. Aduŋ niŋ yirisuloo seneyaata, wo to a buloolu fanaa ka seneyaa le.

Roomankoolu 16:5

Ali Yeesu la kafoo fanaa kontoŋ n ye, mennu ka beŋ ì yaa. N kanuntewo Epenetus kontoŋ n ye, meŋ keta moo foloo ti ka Kiristu nooma Asiya* tundoo kaŋ.

Efesusinkoolu 1:4

Hani janniŋ duniyaa fondamaŋo be loo la, a ye ǹ tomboŋ ate le kono, ka ǹ ke moo senuŋolu ti, mennu maŋ sootaaroo soto a ñaatiliŋo la. Baawo a ye ǹ kanu le,

5 Musa 14:2

Alitolu mu moolu le ti, mennu seneyaata Yaawe la karoo la. A ye alitolu le tomboŋ a fansuŋ moolu ti duniyaa moolu bee kono.

5 Musa 26:19

Niŋ ali ye kuwolu bee ke ì ñaama, Yaawe be ali semboo warandi la duniyaa banku moolu bee le ti, a ye mennu daa. Aduŋ a be a ke la le, ali ye ke buuñaa moolu ti ka jayiroo soto aniŋ darajoo. Aduŋ ali be ke la Yaawe ali la Alla la moo senuŋolu le ti, ko a ye a laahidi ñaameŋ.

5 Musa 7:6

Ali si a ke ko ŋa a fo ali ye ñaameŋ. Alitolu le mu Yaawe ali la Alla la moo senuŋolu ti. A ye ali tomboŋ duniyaa moolu bee kono le ka ke a faŋo taa ti.

Yankuba 1:18

A faŋo la lafoo le kaŋ, a ye ǹ wuluu ñiŋ baluu kutoo to, ka bo niŋ tooñaa kumoo la. A ye ǹ tomboŋ ka ke foloo ti a la daaroo bee kono.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Lankenemoo 14:4

Wolu le mu moolu ti, mennu maŋ ì faŋolu kosondi niŋ musoolu la, bari ì tuta foroyaariŋ. Ì ka Saajiiriŋo nooma le, a taata daa-wo-daa. Ì kumakaata le ka bo hadamadiŋolu kono Alla niŋ Saajiiriŋo ye, ì keta ko siimaŋ kuŋ foloolu katiri waatoo la.