Yeremiya 2:22 - Mandinka Bible

²² Hani i si i kuu muŋ ne la, waraŋ ka saafuna jamaa taa ka i kuu a la, n ñaa be tara la i la boyidaa noo kaŋ ne.” Yaawe Alla le ye a fo.

Yeremiya 2:22 Mawu Ofanana

2 Samuweli 11:12

Wo to le Dawuda ko a ye ko, “Tu jaŋ fo tili kiliŋ ñaato, saama m be i murundi la le.” Bituŋ Uriya sabatita Yerusalaamu wo luŋo la, aniŋ a saamoo.

Yuuba 14:17

N na junube kuwolu bee be kafu la ñoo ma bootoo le kono, i ye ñina ì la, i be n na baara jawoolu tuutuu la le.

Jabuuroolu 130:3

Hee Yaawe, niŋ i ye ǹ na junuboolu safee, jumaa le be kana la i la kiitiyo ma?

Jabuuroolu 90:8

I ye ǹ na junube kuwolu landi i ñaatiliŋo la le, ǹ na kullookono junuboolu be i ye kenebaa to le.

Yeremiya 16:17

N ñaa be ì taaraŋ siloolu bee le la. Ì la kuwolu maŋ nukuŋ m ma, sako ì la kuruŋyaa si tara maaboriŋ n ñaa la jeroo ma.

Yeremiya 17:1

Yaawe* ye ñiŋ ne fo ko: “Alitolu Yahuuda moolu, ali la junuboolu karunta ali sondomoolu kono le, aniŋ ali la sadaabodulaalu* bala, ka safee jee, ko safeeroo meŋ ñenjeta berewalaa bala nee kalaa la, waraŋ luuluu daamelundiŋo la.

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Esekiyeli 24:6

Maarii Yaawe ye ñiŋ ne fo ko: “Kooroo be wo yeleboŋ saatewo ye, meŋ na kaleeroo be komondiŋ, ì maŋ a la komoŋo bondi a bala. I si subu kunturoolu kiliŋ-kiliŋ kiisa a kono, i kana kesendiri ke ì la.

Hoseya 13:12

“Efurayimu la kuu kuruŋo be kafuriŋ ñoo ma le, a la junuboo be maaboriŋ ñoo kaŋ.

Amosi 8:7

Alitolu Yaakuba koomalankoolu, ali ka kibiri Yaawe meŋ na, a kalita ñiŋ ne la ko: “N nene te ñina la ali la baara jawu la muk.

5 Musa 32:34

Yaawe be londiŋ ì la ñiŋ kuu kuruŋolu bee la le, ì be maaboriŋ a la maaboridulaa to.