Yeremiya 2:18 - Mandinka Bible

¹⁸ Silaŋ, i be muŋ nafaa le soto la ka taa Misira, ka i miŋ Nayili Boloŋo jiyo la? I be muŋ nafaa le soto la ka taa Asiriya, ka i miŋ Yufurati Boloŋo jiyo la?

Yeremiya 2:18 Mawu Ofanana

2 Taarika 28:16

Wo waatoo la, Edomunkoolu boyita Yahuuda kaŋ kotenke, ì ye jee taa, ì ye mutamoolu samba, bituŋ Mansa Ahasi ye kiilaalu kii Asiriya mansa yaa maakoyiroo kamma.

Yesaya 23:3

Ka siimaŋo naati niŋ kuluŋo la ka bo Sihori, aniŋ katirifeŋo meŋ ka bo Nayili Boloŋo to, wo ye ali ke jula baa le ti duniyaa daa-wo-daa.

Yesaya 31:1

Kooroo be boyi la moolu kaŋ ne, mennu ka taa maakoyiroo ñini Misira. Ì ka tara jikiriŋ wolu la suwoolu le la, aniŋ ka taamaayaa wolu la keleraŋ sareeti* jurumoolu la, aniŋ ì la suuborindilaa sembemaa baalu. Bari ì buka ì ñaa loo Banisirayila la Senuŋ Baa kaŋ, waraŋ ka maakoyiroo ñini Yaawe* bulu.

Yesaya 7:20

“Niŋ wo waatoo siita, Yaawe be liirilaa bondi la naŋ ne ka bo Yufurati Boloŋo maafaŋo la. Wo le mu Asiriya mansa ti. A be a luwaasi la le ka ali booraalu lii, ali kuntiñoolu, aniŋ ali balatiyolu, ka ali malundi.

Yeremiya 2:36

Muŋ ne ye a tinna, i ye i faŋ kuŋo feeyandi yaayoo la taariŋ? Misira bankoo be bo la i koto le, ko Asiriya bankoo bota i koto ñaameŋ.

Yeremiya 31:22

Ite Dimmusuriŋ fisiriwallee, janniŋ muŋ tuma le i be tara la jenkeŋ-jenkeŋ na? Nte Yaawe be kuu kutoo le daa la duniyaa: Musoo le be muru la a keemaa kamma.”

Niikuyaa Suukuwolu 4:17

Woyi nte! Ǹ tuta maakoyiroo koto fele la le, fo ǹ ñaalu korita. Ŋà koto feleroo ke banku le la meŋ maŋ ǹ tankandi noo.

Niikuyaa Suukuwolu 5:6

Ŋà m̀ buloo laa Misira le ye, aniŋ Asiriya, ka domoroo soto.

Esekiyeli 16:28

“I niŋ Asiriyankoolu fanaa ka cakayaa ke le, kaatu a buka i sii, bari hani wo bee koolaa i maŋ wasa.

Esekiyeli 17:15

“Bari Yahuuda mansakewo naata balaŋ Babiloni mansakewo bulu, ka kiilaalu kii Misira, ka taa kelediŋ kafu baa niŋ suwoolu ñini a ye naŋ jee. Muna fo a be ñaatotaa soto la le baŋ? Moo meŋ ka ñiŋ kuu siifaalu ke, fo wo be kana noo la le baŋ? Niŋ a ye a la kambeŋo tiñaa, a be kana noo la le baŋ?”

Esekiyeli 23:30

ŋa ñiŋ kuwolu laa i kaŋ, kaatu i hameta le, i niŋ bantala bankoolu* ye cakayaa maañaa ke, ka i faŋ kosondi ì la jalaŋolu la.

Hoseya 5:13

“Kabiriŋ Efurayimu ye a je, a saasaata ñaameŋ, Yahuuda ye a je, maadiŋo meŋ be a la, Efurayimu taata Asiriya, a ye kiilaa kii mansakee baa kaŋ. Bari wo maŋ a la maadiŋo jaara noo, sako ka a kendeyandi.

Hoseya 7:11

“Efurayimu be le ko puraa, a neenewo feeyaata, hakili te a la, a be Misira le kili kaŋ deemaaroo la, saayiŋ a fele, a yelemata Asiriya.

Yosuwa 13:3

aniŋ Awi tundoo bee bulubaa karoo la: Ka bo Sihori Boloŋo to Misira tilibo karoo la, ka taa Ekironi tundoo maraa karoo la. A bee ka yaatee Kanaani kontoo le kono, aniŋ Filisitini maralilaa luuloo, mennu be Kaasa saatewo to, Asidodi, Asikeloni, Kati, aniŋ Ekironi.