Yeremiya 2:15 - Mandinka Bible

¹⁵ Ì jatamaalu bumbunta i kamma le, ì ye i ŋuura, ì ye i la bankoo kenseŋyandi, ì ye i la saatewolu tumbuŋ, moo maŋ tu sabatiriŋ ì kono.

Yeremiya 2:15 Mawu Ofanana

Yuuba 4:10

Moo kuruŋolu wiisata, ì bumbunta ko jatoo, bari Alla ye ì tenkundi le, a ye ì ñiŋolu kati.

Jabuuroolu 57:4

Nte ka munta le ko, m be jata konkoriŋolu le teema. Ì ñiŋolu munta le ko soora kesoolu niŋ kalabeñoolu, ì neŋolu be ko hawusaroo*.

Yesaya 1:7

Jawoolu ye ali la bankoo kasaara, ì ye ali la saatewolu jani. Ì ye ali la katirifeŋolu bee domo ali ñaa koto, ali la kunkoolu kenseŋyaata, ko niŋ ñapinkannaalu ye dulaa meŋ boyinkaŋ.

Yesaya 24:1

Saayiŋ Yaawe* pareeta le, ka duniyaa tumbuŋ aniŋ ka a kenseŋyandi. A be bankoo yelemandi la le, a ye a moolu janjandi.

Yesaya 5:29

Ì kumakaŋo ka munta le ko jatoo. Ì ka bumbuŋ ne ko jata mendiŋo. Ì ka ŋuura le, ì ye ì la suboo ñapinkaŋ. Ì ka a samba le, moo buka a taa noo ì bulu.

Yesaya 5:9

Yaawe Alihawaa Maariyo kalita ñiŋ na le, m faŋo tuloo le ye a moyi, “Tooñaa-tooñaa, wo buŋolu bee le be ke la tumbuŋo ti, buŋ ñiimaa baalu be jee le, bari moo te tara la ì kono.

Yesaya 6:11

Wo to le n kumata ko, “Hee Maariyo! Fo waati jumaa?” A ye n jaabi ko, “Fo niŋ saatewolu tumbunta, moo maŋ tara ì kono, fo niŋ buŋolu kenseŋyaata, kunkoolu ye tiñaa aniŋ ka kasaara,

Yeremiya 10:22

I lamoyi baŋ, kibaaroo le ka naa! A fele, a naata le, maakaŋ baa ka bo naŋ maraa kara maafaŋ bankoo kaŋ. Wo bankoo be Yahuuda saatewolu tumbuŋ na le, ka a ke kunkuwuloolu la daakaa ti.

Yeremiya 25:30

A ko n ye ko: “Wo to ite si ñiŋ kiilaariyaa kumoolu bee fo ì ma, ka a fo ì ye ko: Nte Yaawe be bumbuŋ na naŋ santo le, n kaŋo ye kuma ko saŋ feteŋo n na taradulaa senuŋo kono, ka bumbuŋ n na koorewo kaŋ niŋ semboo la. M be sari la le ko mennu ka yiridiŋolu biti, ka sari duniyaa moolu bee kaŋ.

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 26:9

Muŋ ne ye a tinna i ka kiilaariyaa kumoo fo Yaawe tooyaa la? I ka a fo ñiŋ Batudulaa Buŋo be ke la le ko Silo, aduŋ ñiŋ saatewo be tumbuŋ na le, moo te tara la siiriŋ jee.” Bituŋ moolu bee ye n kuru Yaawe Batudulaa Buŋo to.

Yeremiya 33:10

“Nte Yaawe ye ñiŋ ne fo ko: Ì ka a fo ñiŋ saatewo ma le ko, ‘Tumbuŋ kenseŋo le mu, hadamadiŋ te jee, sako beeyaŋ.’ Bari hani wo maakaŋo be ke la le kotenke Yahuuda saatewolu kono, aniŋ Yerusalaamu mbeedoolu kaŋ, mennu kenseŋyaata, moo maŋ tara siiriŋ jee, sako beeyaŋ.

Yeremiya 34:22

M be yaamaroo dii la le ka ì murundi naŋ ñiŋ saatewo kamma. Ì be a kele la le, ì ye a muta, ì ye dimbaa duŋ a la ka a jani. M be Yahuuda saatewolu ke la tumbuŋo le ti, moo te tara la siiriŋ jee.”

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Yeremiya 44:22

Yaawe maŋ ali la kuu jawu baaroolu niŋ ali la kuu ñewundiŋ kewo muña noo. Wo le ye a tinna ali la bankoo keta tumbuŋo ti ka kenseŋyaa, aniŋ ka ke danka feŋo ti, aduŋ moo te siiriŋ jee, ko a be ñaameŋ bii.

Yeremiya 5:6

Wo kamma la jatoolu be bo la sutoo kono le ka ñapi ì kaŋ, suluwolu ye bo naŋ keñewuloo* kono ka ì kasaara. Soloolu be bitiriŋ ì la saatewolu kamma le, moo-wo-moo fintita banta, ì ye a faraŋ-faraŋ, kaatu ì la balaŋo warata le, ì la badali maañaalu siyaata.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Yeremiya 51:38

A moolu be bumbuŋ na ñoo la le ko jatoolu, ì ye ŋuura ko jatadiŋolu.

Yeremiya 6:8

Muna Yerusalaamu, dandalaaroo muta, niŋ wo nte, m be n koo dii la i la le, ŋa i la bankoo kenseŋyandi, moo te tara la siiriŋ jee.”

Yeremiya 9:10

M be kumboo la le ka lemba konkoolu ye, ŋa beeyaŋ daañini dulaalu la kuwo saŋawoosii, kaatu ì jaata le ka kenseŋyaa, hani moo buka tambi niŋ jee la, ninsi kumakaŋ buka moyi jee. Kunoolu borita jee la le, aniŋ wulakono daafeŋolu.

Yeremiya 9:11

Yaawe ko: “M be Yerusalaamu ke la tumbuŋo le ti, a ye ke kunkuwuloolu la daakaa ti. M be Yahuuda saatewolu kenseŋyandi la le, moo te sabati la jee.”

Esekiyeli 36:3

Wo kamma la, kiilaariyaa kumoo fo Banisirayila konkoolu ye, nte Yaawe Alla ye ñiŋ ne fo ko: Ali jawoolu le ye ali kenseŋyandi, aniŋ ì ye ali dete karoo bee la, fo ali naata ke wo bantala banku* toomaalu taa ti. Wo kamma la, ali naata ke wo moolu ye teelindirilaŋo niŋ koomakumarilaŋo ti.

Esekiyeli 5:14

M be ite Yerusalaamu ke la tumbuŋo le ti, ka ke jelefeŋo ti bankoolu bee teema, mennu be i dandaŋo la, aduŋ tambilaalu bee be i jele la le.

Hoseya 11:10

Niŋ nte Yaawe bumbunta ko jatoo, n na moolu be bula la n nooma le. Niŋ m bumbunta, n diŋolu kijafaratoo si naa, ka bo tilijii karoo la.

Hoseya 5:14

M be ke la Efurayimu ye le ko jatoo, ŋa ke Yahuuda ye ko jata mereŋo. Nte faŋo le be ì faraŋ-faraŋ na, n si ì kuruntu, ŋa taa n na siloo la, moo te ì kanandi noo la.

Amosi 3:12

Yaawe ye ñiŋ ne fo ko, “Alitolu Banisirayilankoolu mennu be dahaa kono Samariya, ali la laaraŋolu niŋ ali la siiraŋ baalu kaŋ, moo dantaŋ doroŋ ne be kana la ali kono. Ali la kuwo be muluŋ na le komeŋ niŋ jatoo ye saajiyo muta, bari janniŋ saajii kantalaa ka a kanandi a bulu, a ye a tara saajiyo siŋ fula doroŋ ne tuta, waraŋ a tulu fita kiliŋ.”

Amosi 3:4

Fo jatoo ka bumbuŋ wuloo kono le baŋ, niŋ a maŋ subu je? Fo jatandiŋo ka tara kuma la a la koloo kono le baŋ, niŋ a maŋ feŋ muta?

Amosi 3:8

Niŋ jatoo bumbunta, jumaa le te sila la? Niŋ Maarii Yaawe diyaamuta, jumaa le si a la kumakaŋo bankewo baayi noo?

Nahumu 2:11

Ì la saatewo keta ñaadii le, meŋ ka muluŋ nuŋ ko jata koloo, jatadiŋolu daañini dulaa, jatoolu sabatidulaa, jatamusoolu niŋ jatadiŋolu, daameŋ moo buka haañi ka ì waliŋ jee?

Sefaniya 1:18

Yaawe la ñiŋ kamfaa luŋo la, sani te ì kanandi la sako kodiforo. Duniyaa bee le be kasaara la, a la kamfaa dimbaa la. Moo bee la baluwo ye daŋ waati kiliŋ, ka bo duniyaa kono.

Sefaniya 2:5

Kooroo be alitolu Filisitinkoolu ye, alitolu mennu be siiriŋ baa daala Kanaani bankoo kaŋ. Yaawe la kumakaŋo ye alitolu le maa ko, “M be ali bee le kasaara la, hani moo te tu la.”

Sefaniya 3:6

Yaawe kumata ko: “Ŋa bankoolu kasaara, ì la tatoolu tumbunta, ŋa ì la siloolu kenseŋyandi, moo buka taama ì kaŋ. Ì la saatewolu kasaarata, moo te tara la ì kono, hani moo kiliŋ.

Jakariya 11:3

Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.

Kiitindirilaalu 14:5

Bituŋ Samuuda niŋ a baa niŋ a faa taata Timuna. Kabiriŋ a futata Timuna wayini* yiri kankaŋolu ma, jee niŋ jee, jatoo kumatoo fintita Samuuda kaŋ.